މާލޭގެ އިތުރުން އަތޮޅުތަކުގައި ކުނި މެނޭޖްކުރާނެ ނިޒާމެއް ގާއިމްކުރުމަކީ ވަރަށް މުހިންމު ކަމެއްކަމަށް ރައީސުލްޖުމްހޫރިއްޔާ އިބްރާޙިމް މުހައްމަދު ސޯލިހު މިއަދު ވިދާޅުވެއްޖެއެވެ.
ގްރޭޓަރ މާލެ "ވޭސްޓް ޓު އެނަރޖީ" ޕްރޮޖެކްޓު އިފްތިތާހުކުރުމަށް މިއަދު ބޭއްވި ރަސްމިއްޔާތުގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވީ މާލެއާއި އަތޮޅުތަކުގައި ކުނި މެނޭޖްކުރާނެ ހަރުދަނާ ނިޒާމެއް ގާއިމު ކުރުމަކީ މުހިންމު ކަމެއް ކަމަށެވެ. އަދި މާލެ ސަރަހައްދުގެ އިތުރުން އަތޮޅުތަކުގައި ކުނި މެނޭޖްކުރާނެ ނިޒާމު ގާއިމްކުރަން ވިސްނީ ހޯމް ސްޓޭ ފަތުރުވެރިކަމަށް ތައްޔާރުވުމުގެ ގޮތުން ކަމަށް ރައީސް ވަނީ ވިދާޅުވެފައެވެ.
އެގޮތުން ރާއްޖޭގެ ރަށްތަކުގެ ސާފުތާހިރުކަން ފާހަގަކުރައްވައި ރައީސް ވިދާޅުވީ ހޯމް ސްޓޭ ފަތުރުވެރިކަމާ ދިމާލަށް ރާއްޖެ މިސްރާބު ޖަހާއިރު ރަށްތައް އަބަދުވެސް ސާފުތާހިރުކޮށް ބޭއްވުމަކީ މުހިންމު ކަމެއް ކަމަށެވެ.
މި ރަސްމިއްޔާތުގައި އިތުރަށް ވާހަކަފުޅު ދައްކަވަމުން ރައީސް ވިދާޅުވީ މިއީ ކުނި ނައްތާލުމާއި ތިމާވެށި ރައްކާތެރިކުރުމާ ގުޅޭ ގޮތުން ރާއްޖޭގައި ފަށާ އެންމެ އަގު ބޮޑު އެއް މަޝްރޫޢު ކަމަށެވެ. އަދި މި މަޝްރޫއަކީ ދިވެހި ސަރުކާރާއި ބޭރުގެ އެހީ ދޭ ހަ ފަރާތެއްގެ މާލީ އެހީތެރިކަމާއެކު ހިންގާ 304 މިލިއަން ޑޮލަރުގެ މަޝްރޫއެއްކަން ވެސް ރައީސް ވަނީ ފާހަގަކުރައްވާފައެވެ.
މީގެއިތުރުން، ރައީސް ވިދާޅުވީ އަތޮޅުތަކުގެ ކުނި މެނޭޖްކުރާ ނިޒާމުގެ މަސައްކަތް ފެށުމުން ފަނާވާ ޒާތުގެ ކުނި ނޫން ބާވަތްތަކުގެ ކުނިތައް ކުނި މެނޭޖުކުރާ މަރުކަޒުތަކަށް ގެންގޮސް ރައްކާތެރި ގޮތުގައި ނައްތާލެވޭނެ ކަމަށެވެ. އެހެންކަމުން ރަށްރަށުގައި ކުނި އެންދުން ހުއްޓުމަކަށް އައިސް މީހުންނަށް ކުރިމަތިވާ އުނދަގުލާއި ނުރައްކާތައް ހުއްޓޭނެ ކަމަށްވެސް ރައީސް ވިދާޅުވިއެވެ.
ރައީސް ވިދާޅުވީ ދިވެހިންގެ ދިރިއުޅުމުގެ ވައްޓަފާޅިއަށް ބޮޑެތި ބަދަލުތަކެއް އައިސްފައިވާ ކަމަށެވެ. މިއާއެކު، ދިރިއުޅުމުގެ ހާލަތަށް ވެސް މިހާރު ބަދަލު އަންނަމުންދާ ކަން ފާހަގަކުރައްވައި ވިދާޅުވީ އުމްރާނީ މަސައްކަތްތަކާއި ފަތުވެރިކަމާއި އިގްތިސާދީ ހަރަކާތްތައްވެސް ވަރަށް ބޮޑަށް އިތުރުވަމުން އަންނަ ކަމަށެވެ. އެފަދަ ކޮންމެ ބަދަލަކާއެކު ކުނި އުފެދޭ މިންވަރު އިތުރުވާ ކަމަށާއި، އެކަމަށް ތައްޔާރުވެ ތިބެން ޖެހޭ ކަމަށް ވިދާޅުވިއެވެ.
އެގޮތުން ރާއްޖޭގެ ރަށްތަކުގެ ސާފުތާހިރުކަން ފާހަގަކުރައްވައި ރައީސް ވިދާޅުވީ ހޯމް ސްޓޭ ފަތުރުވެރިކަމާ ދިމާލަށް ރާއްޖެ މިސްރާބު ޖަހާއިރު ރަށްތައް އަބަދުވެސް ސާފުތާހިރުކޮށް ބޭއްވުމަކީ މުހިންމު ކަމެއް ކަމަށެވެ.
މި ރަސްމިއްޔާތުގައި އިތުރަށް ވާހަކަފުޅު ދައްކަވަމުން ރައީސް ވިދާޅުވީ މިއީ ކުނި ނައްތާލުމާއި ތިމާވެށި ރައްކާތެރިކުރުމާ ގުޅޭ ގޮތުން ރާއްޖޭގައި ފަށާ އެންމެ އަގު ބޮޑު އެއް މަޝްރޫޢު ކަމަށެވެ. އަދި މި މަޝްރޫއަކީ ދިވެހި ސަރުކާރާއި ބޭރުގެ އެހީ ދޭ ހަ ފަރާތެއްގެ މާލީ އެހީތެރިކަމާއެކު ހިންގާ 304 މިލިއަން ޑޮލަރުގެ މަޝްރޫއެއްކަން ވެސް ރައީސް ވަނީ ފާހަގަކުރައްވާފައެވެ.
ރައީސް ވިދާޅުވީ ދިވެހިންގެ ދިރިއުޅުމުގެ ވައްޓަފާޅިއަށް ބޮޑެތި ބަދަލުތަކެއް އައިސްފައިވާ ކަމަށެވެ. މިއާއެކު، ދިރިއުޅުމުގެ ހާލަތަށް ވެސް މިހާރު ބަދަލު އަންނަމުންދާ ކަން ފާހަގަކުރައްވައި ވިދާޅުވީ އުމްރާނީ މަސައްކަތްތަކާއި ފަތުވެރިކަމާއި އިގްތިސާދީ ހަރަކާތްތައްވެސް ވަރަށް ބޮޑަށް އިތުރުވަމުން އަންނަ ކަމަށެވެ. އެފަދަ ކޮންމެ ބަދަލަކާއެކު ކުނި އުފެދޭ މިންވަރު އިތުރުވާ ކަމަށާއި، އެކަމަށް ތައްޔާރުވެ ތިބެން ޖެހޭ ކަމަށް ވިދާޅުވިއެވެ.
ކިޔުންތެރިންގެ ހިޔާލު