އާއަހަރާ ދިމާކޮށް ފުލުހުން ކުރިޔަށްގެންދާ އޮޕަރޭޝަންގައި 88 މީހަކު ހައްޔަރުކޮށްފިއެވެ.
މިއަދު ހަވީރު ބޭއްވި ނޫސްވެރިންގެ ބައްދަލުވުމުގައި ގަލޮޅު ޕޮލިސް ސްޓޭޝަން ހެޑް އިންސްޕެކްޓަރ އޮފް ޕޮލިސް ސުލްޠާން އަޙްމަދު ބިޝާރު ވިދާޅުވީ މިދިޔަ ހުކުރު ދުވަހު ފެށި އޮޕަރޭޝަން "ރިވެލި 2021" ގައި މިހާތަނަށް 88 މީހަކު ހައްޔަރު ކޮށްފައިވާ ކަމަށެވެ.
ފުލުހުން ބުނީ މި އޮޕަރޭޝަންގައި 2260 މީހަކު ހުއްޓުވާ ސުވާލުކޮށްފައިވާއިރު 3516 ވެހިކަލެއް ބަލާ ފާސްކޮށްފައިވާ ކަމަށެވެ. އޭގެ އިތުރުން މި އޮޕަރޭޝަންގައި 84 ވެހިކަލް ވަނީ ޓޯ ކޮށްފައެވެ. އަދި މާސްކު ނާޅާ މަގުމަތީ އުޅުނު 119 މީހަކު ޖޫރިމަނާކޮށްފައިވެއެވެ.
އާއަހަރާ ދިމާކޮށް ކަނޑުމަތީގެ ދަތުރުތައް އިތުރުވެފައިވާތީ އުޅަނދުތަކުގައި ވީހާވެސް ބޮޑަށް ސަލާމަތީ ކަންތައްތައް ފުރިހަމަކުރުމަށް ފުލުހުން މިއަދުވަނީ އިލްތިމާސްކޮށްފައެވެ. ހަމައެއާއެކު ގޯތި ގެދޮރާއި މުދާ ރައްކާތެރިކުރުމަށް ސަމާލުވުމަށްވެސް ނޫސްވެރިންގެ ބައްދަލުވުމުގައި ފުލުހުން އިލްތިމާސްކޮށްފައި ވެއެވެ.
އާއަހަރާ ދިމާކޮށް ކަނޑުމަތީގެ ދަތުރުތައް އިތުރުވެފައިވާތީ އުޅަނދުތަކުގައި ވީހާވެސް ބޮޑަށް ސަލާމަތީ ކަންތައްތައް ފުރިހަމަކުރުމަށް ފުލުހުން މިއަދުވަނީ އިލްތިމާސްކޮށްފައެވެ. ހަމައެއާއެކު ގޯތި ގެދޮރާއި މުދާ ރައްކާތެރިކުރުމަށް ސަމާލުވުމަށްވެސް ނޫސްވެރިންގެ ބައްދަލުވުމުގައި ފުލުހުން އިލްތިމާސްކޮށްފައި ވެއެވެ.
ކިޔުންތެރިންގެ ހިޔާލު