މާލޭގައި ހުންނަ ޑަޗް ކޮންސިއުލޭޓްގެ އޮފީސް ތެރެއަށް މީހަކު ވަދެ އަމިއްލައަށް ބަންދުވާން މަސައްކަތް ކޮށްފިއެވެ.
ފުލުހުން ބުނީ ރޭ ހިނގި މި ޙާދިސާގައި ކޮންސިއުލޭޓް ތެރެއަށް ވަނީ ޑަޗް ފިރިހެނެއް ކަމަށެވެ. އެމީހާ އުޅުނީ އެތަނުގެ އެތެރޭގައި ހުންނަ ކުޑަ ކޮޓަރިއެއް ތެރޭ އަމިއްލައަށް ބަންދުވާން ކަމަށް ފުލުހުން މަޢުލޫމާތު ދެއެވެ. އެމީހާ އެތަނުން ނިކުންނަން ދެކޮޅު ހަދައި، އަމިއްލަ ނަފްސަށް ގެއްލުން ދޭނެ ކަމަށް ވަނީ ބުނެފައެވެ.
އެކަމާ ގުޅިގެން ޑަޗް ކޮންސިއުލޭޓްގެ ފަރާތުން ފުލުހުންގެ އެހީއަށް އެދުމުން ފުލުހުން އެތަނުގެ އެތެރެއަށް ވަދެ، ބާރުގެ ބޭނުންކޮށްގެން އެމީހާ ވަނީ ކޮޓަރިން ނެރެފައެވެ. އަދި މިވަގުތު އެމީހާ ހުރީ ފުލުހުންގެ ބެލުމުގެ ދަށުގައި ކަމަށް ފުލުހުން މަޢުލޫމާތުދެއެވެ.
މި މައްސަލާގައި ފުލުހުންގެ ބެލުމުގެ ދަށަށް ގެނައި މީހާގެ އިތުރު މައުލޫމާތެއް ފުލުހުން ހާމައެއް ނުކުރެއެވެ. ފުލުހުން ބުނީ އެ މައްސަލަ އިތުރަށް ތަހުގީގު ކުރަމުންދާ ކަމަށެވެ.
މި މައްސަލާގައި ފުލުހުންގެ ބެލުމުގެ ދަށަށް ގެނައި މީހާގެ އިތުރު މައުލޫމާތެއް ފުލުހުން ހާމައެއް ނުކުރެއެވެ. ފުލުހުން ބުނީ އެ މައްސަލަ އިތުރަށް ތަހުގީގު ކުރަމުންދާ ކަމަށެވެ.
ކިޔުންތެރިންގެ ހިޔާލު