ދަރުބާރުގޭ އިރުން އޮންނަ ބިމުގައި ހޮޓާ އަޅަން ބަޔަކާއި ހަވާލުކުރި އެއްބަސްވުމުގެ ސައްހަ މައުލޫމާތު ހާމަކުރެއްވުމަށް ރައްޔިތުންގެ މަޖިލީހުގެ ކުރީގެ ނައިބު ރައީސް ރީކޯ މޫސާ މަނިކު ގޮވާލައްވައިފިއެވެ.

މޫސަ ‏ވިދާޅުވީ މާލޭ ދަރުބާރުގޭ އިރުން އޮންނަ ބިމުގައި ހޮޓަލެެއް އަޅަން ބަޔަކަށް ބިން ދީފަ އޮންނަތާ އެތައް އަހަރެއްވެއްޖެ ކަމަށެވެ. އެއީ ކޮން ސަރުކާރަކުން ކާކުު ކުރިކަމެއްތޯ ބަލާ، ބަދަލު ދިނުމުގެ ކުރިން މާލޭ ރައްޔިތުންނަށް އެކަމުގެ ސައްޙަ މައުލޫމާތު ފޯރުކޮށްދެއްވުމަށް މޫސަ ގޮވާލެއްވިއެވެ.

މާލޭ ދަރުބާރުގޭ އިރުން އޮންނަ ބިމުގަ ހޮޓަލެެއް އަޅަން ބަޔަކަށްބިންދީފައޮންނަތާއެތަށްއަހަރެއްވެއްޖެ އެއީކޮންސަރުކާރަކުން ކާކުުކު ުރިކަމެއްތޯބަލާ ބަދަލުދިނުމުގެ ކުރިން މާލޭރައްޔަތުންނަށް ސައްޙަ މައުލޫމާތު ދެއްވުން އެދެން @ibusolih ލަސްނުކުރައްވާ@MMuizzu

— Moosa Maniku (Reeko) (@ReekoMoosa) January 16, 2022

ދަރުބާރުގޭ އިރުން އޮންނަ ބިމުގައި ހޮޓާ އަޅަން ބަޔަކާއި ހަވާލުކުރީ ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި 2007 ވަނަ އަހަރުއެވެ.

ފަސް ތަރީގެ 15 ބުރީގެ ހޮޓަލެއް އެޅުމަށް 40،000 އަކަފޫޓުގެ ބިމެއް ސަރުކާރުން ޝަންގްރިއްލާއަށް ކުއްޔަށް ދިނީ ފަންސަވީސް އަހަރަށެވެ. އަދި އެޑްވާންސަށް ވަނީ 5 މިލިއަން ޑޮލަރު ދައްކާފައެވެ.

އެ އެއްބަސްވުމުގެ ދަށުން މަސައްކަތެއް ނުކުރާއިރު، އެކަމާއި ގުޅޭގޮތުން ފަހުގެ ތާރީހެއްގައި ސަރުކާރުން ވާހަކަ ދައްކާފައެއް ވެސް ނުވެއެވެ.