ކޯވިޑް ކޮންޓްރޯލްކުރުމަށް ރާއްޖެއަށް އެހީތެރިވެދިނުމުގައި ޗައިނާ ދެމިއޮންނާނެކަމަށް އެ ޤައުމުގެ ރައީސް ޝީ ޖިންޕިން ވިދާޅުވެއްޖެއެވެ.

ޗައިނާގެ ރައީސް މިހެން ވިދާޅުވީ ރައީސް ސާލިހު ކޯވިޑަށް ޕޮޒިޓިވްވުމާއި ގުޅިގެން، އެމަނިކުފާނަށް އަވަސް ޝިފާއެއް ދެއްވުން އެދިވަޑައިގެން ފޮނުއްވި މެސެޖުގައެވެ.

ޗައިނާގެ ރައީސް ވިދާޅުވީ ރާއްޖެއާއި ޗައިނާގެ ގުޅުމަކީ ޗައިނާއިން ވަރަށް ބޮޑު އިސްކަމެއް ދޭ ގުޅުމެއްކަމަށެވެ. އަދި ކޯވިޑްގެ ހާލަތުން އަރައިގަތުމުގައި ޗައިނާއިން ފޯރުކޮށްދެމުންދާ އެހީ އެގޮތުގައި ދެމުންގެންދާނެކަމަށް ޝީ ވިދާޅުވިއެވެ.

On Jan. 27, Chinese President Xi Jinping extended his sincere sympathy to President @ibusolih, wishing him an early recovery in a message. President Xi said🇨🇳attached great importance to🇨🇳🇲🇻relations and would continue to firmly support🇲🇻in epidemic response & control efforts. https://t.co/jBSsRBlAmO

— Embassy of China in Maldives (@ChinaEmbassy_MV) January 27, 2022

ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙު ކޯވިޑަށް ޕޮޒިޓިވްވީ މިމަހުގެ 22 ވަނަ ދުވަހުއެވެ. އެމަނިކުފާނު ކޯވިޑަށް ޕޮޒިޓިވްވުމުން މިވަގުތު ހުންނެވީ ގެކޮޅުގައި އެކަހެރިވެވަޑައިގެންނެވެ.

ޗައިނާގެ ރައީސް، ރައީސް ސާލިހަށް އަވަސް ޝިފާއަކަށް އެދިވަޑައިގެން މެސެޖެއް ފޮނުއްވިއިރު، އިންޑިއާގެ ބޮޑުވަޒީރު ނަރެންދުރަ މޯދީވެސް ވަނީ ރައީސް ސާލިހަށް އަވަސް ޝިފާއަކަށް އެދިވަޑައިގެން މެސެޖް ފޮޮނުއްވާފައެވެ.