ފުލުހުން ހިންގި އޮޕަރޭޝަނެއްގައި ގިނަ އަދަދެެއްގެ ބަނގުރަލާއެކު ދެ މީހަކު ހައްޔަރުކޮށްފިއެެވެ.

ފުލުހުންގެ އިދާރާއިން ބުނީ ޑްރަގް އެންފޯސްމެންޓް ޑިޕާޓްމެންޓުން މިރޭ އޮޕަރޭޝަނެއް ކުރިއަށް ގެންދާ ކަމަށެވެ. އެހެންނަމަވެސް އެ އޮޕަރޭޝަންގެ ތަފްސީލެއް ފުލުހުން އަދި ހާމައެއް ނުކުރެއެވެ.

ފުލުހުންގެ ޑްރަގް އެންފޯސްމެންޓް ޑިޕާޓްމެންޓުން މިރޭ ކުރިއަށް ގެންދިޔަ އޮޕަރޭޝަންގައި ގިނަ އަދަދެއްގެ ބަނގުރާ ފުޅިތަކެއް އަތުލައިގެންފައިވަނީ ޖަނަވަރީ މަގުގައި ހުންނަ ގެއަކުންނެެވެ. އެ ބަނގުރާ ކޭސްތަކާއިއެކު ދެ މީހަކު ވަނީ ހައްޔަރުކޮށްފައެވެެ. އޭގެތެރޭގައި ސިފައިންގެ މީހަކު ހިމެނޭ ކަންވެސް ވަނީ އެނގިފައެވެ.

ފުލުހުން ވަނީ އެމީހުން ދިރިއުޅެމުން ދިޔަ ދެ ގެ ބަލާ ފާސްކޮށް ގިނަ އަދަދެއްގެ ބަނގުރާ ކޭސްތަކެއް އަތުލައިގެންފައެވެ. އެ އޮޕަރޭޝަންގައި 11 ފޮށިގަނޑާއި ދަބަހެއް ފުލުހުންގެ ބެލުމުގެ ދަށައް ވަނީ ގެންގޮސްފައެވެ.