ހުޅުމާލޭގައި މިރޭ ހަވާ އެރުވުން އޮންނާނެކަމަށް އެމްއެންޑީއެފުން ވިދާޅުވެއްޖެއެވެ.

އެމްއެންޑީއެފުން ބުނީ މިރޭ 9 ޖަހާއިރު ‏ހުޅުމާލޭ ދެވަނަ ފިޔަވަހީގައި ހަވާއެރުވުން އޮންނާނެކަމަށެވެ. ނަމަވެސް ހަވާ އަރުވަނީ ކޮން މުނާސަބާއަކާއި ގުޅިގެންކަމެއް އެމްއެންޑީއެފަކުން ހާމައެއް ނުކުރެއެވެ.

2022 ޖަނަވަރީ 31 ވަނަ ދުވަހުގެރޭ (މިރޭ) 21:00 ގައި، ހުޅުމާލޭ ދެވަނަ ފިޔަވަހީގައި ހަވާއެރުވުން ބޭއްވުމަށް ވަނީ ހަމަޖެހިފައެވެ. ވީމާ މިކަން މަޢުލޫމާތަށް ޓަކައި ދެންނެވީމެވެ.

— Maldives National Defence Force (@MNDF_Official) January 31, 2022

ހުޅުމާލޭގައި މިރޭ ހަވާ އެރުވުމަށް ހަމަޖެހިފައިވާއިރު އާ އަހަރު ފާހަގަކުރުމަށް މިއަހަރުގެ ފުރަތަމަ ދުވަހުވެސް ހުޅުމާލޭގައި ވަނީ ހަވާ އަރުވާފައެވެ.

ރާއްޖޭގައި ހަވާ އެރުވުމުގެ މަސައްކަތް ކުރަނީ އެމްއެންޑީއެފުންނެވެ. އަދި އަމިއްލަ ފަރާތްތަކުން އެދުމުން، އެމްއެންޑީއެފުން ވިޔަފާރި އުސޫލުންވެސް އެކަންކޮށްދެއެވެ.