އެމެރިކާގެ މަހުޖަން އިލޮން މަސްކްގެ ސްޕޭސް އެކްސް ކުންފުނިން ޖައްވަށް ފޮނުވާފައިވާ ސްޓާލިންކް ސެޓެލައިޓްތައް މެދުވެރިކޮށް އިންޓަނެޓްގެ ހިދުމަތް ހޯދުމަށް މަޝްވަރާ ކޮށްފި އެވެ.

އެންވަޔަރަމަންޓް، ކްލައިމެޓް ޗޭންޖު އެންޑް ޓެކްނޮލޮޖީ މިނިސްޓްރީން ބުނީ، މި ބައްދަލުވުމުގައި މުޅި ދުނިޔެއަށް ދަށް ލޭޓެންސީގައި، ހައި ސްޕީޑް ބްރޯޑްބޭންޑް އިންޓަނެޓް ފޯރުކޮށްދިނުމަށް ސްޕޭސްއެކްސް ކުންފުނިން ގެންގުޅޭ ޕްލޭނާ ގުޅޭ ގޮތުން މަޝްވަރާކުރި ކަމަށެވެ.

އެ ބައްދަލުވުމުގެ ސްޕޭސްއެކްސް ކުންފުނިން އިންޓަނެޓް ފޯރުކޮށްދޭ އަގުތަކާއި ލިބޭނެ ފައިދާއާ ގުޅޭ ގޮތުން ވަނީ މަޝްވަރާކޮށް ޚިޔާލު ބަދަލުކޮށްފައެވެ.

Mr. Ryan Goodnight, @SpaceX's #Starlink Market Access Director met with Minister @anuahsa today. Discussed SpaceX's plans to provide high-speed, low-latency broadband internet across the globe using their advanced satellites. pic.twitter.com/SNezYo876D

— Min. of Environment, Climate Change and Technology (@MoEnvmv) February 13, 2022

ސްޓާލިންކްގެ އިންޓަނެޓް ޚިދުމަތް ރާއްޖެއަށް ދިނުމާ ބެހޭގޮތުން މަޝްވަރާ ކޮށްފައިވާއިރު މި ސަރަހައްދަށް ސްޓާލިންކްގެ ޚިދުމަތް ލިބެން ފެށުމުން އެ ޚިދުމަތް ރާއްޖޭގައި މަނާ ކުރުމުގެ ވިސްނުމެއް ނެތް ކަމަށް މިނިސްޓަރު ޝައުނާ މީގެ ކުރިން ވަނީ ވިދާޅުވެފައެވެ.

ސްޓާލިންކަކީ ސެޓެލައިޓް ނެޓްވޯކެއްގެ ތެރެއިން ސީދާ އިންޓަނެޓް ފޯރު ކޮށްދޭ ގޮތަށް އުފައްދާފައިވާ ޓެކްނޮލޮޖީ އެކެވެ. މިހާތަނަށް ސްޕޭސް އެކްސްއިން 1800 އަށް ވުރެ ގިނަ ސެޓެލައިޓް ޖައްވަށް ފޮނުވާލާފައިވާއިރު ސްޓާލިންކްގެ ހިދުމަތަކީ މަހު ފީއެއް ދައްކައިގެން ބޭނުން ކުރެވޭ ހިދުމަތެކެވެ. މި ޚިދުމަތް ބޭނުންކުރެވެނީ މަހަކު 99 ޑޮލަރުގެ ފީއެއް ދައްކައިގެންނެވެ.