އިންޑިއާ ސިފައިން ރާއްޖެއިން ބޭލުމަށް ގޮވާލައި އިދިކޮޅު ޕީޕީއެމް / ޕީއެންސީން ކުރިއަށް ގެންދާ އިންޑިއާ އައުޓް ހަރަކާތުގެ މައްސަލަ އިންޑިއާގެ ޕާލިމެންޓަށް ހުށައަޅައިފިނަމަ ރާއްޖެއާއިމެދު ފިޔަވަޅު އެޅުމުގެ ފުރުސަތު އެބައޮތް ކަމަށް ދިވެހި ސަރުކާރުން ބުނެފިއެެވެ.
އިދިކޮޅު ޕީޕީއެމް / ޕީއެންސީން ކުރިއަށް ގެންދާ "އިންޑިއާ އައުޓް" ކެމްޕޭންގެ މައްސަަލަ މަޖިލީހުގެ ސަލާމަތީ ހިދުމަތްތަކާބެހޭ ކޮމިޓީން މިހާރު ވަނީ ބަލަން ފަށާފައެވެ. އެމައްސަލައިގައި ފޮރިން މިނިސްޓްރީގެ އިސް ބޭފުޅުން އެ ކޮމިޓީއަށް ހާޒިރުކޮށް މިއަދު ބޭއްވި ބައްދަލުވުމުގައި ވާހަކަ ދައްކަވަމުން ފޮރިން ސެކްރެޓަރީ އަބްދުލްޣަފޫރު މުހައްމަދު ވިދާޅުވީ އިންޑިޔާގެ ސިޔާސީ ބޭފުޅުން އެ ހަރަކާތުގެ މައްސަލަ ޕާލިމެންޓަށް ހުށައަޅައިފާނެ ކަމަށާއި، އެކަމާއި މެދު ކަންބޮޑުވެވަޑައިގަންނަވާ ކަމަށެވެ. އެ މައްސަލަ ޕާލިމެންޓްގެ ސަމާލު ކަމަށް އައިސްފިނަމަ ރާއްޖެ އާއި މެދު ފިޔަވަޅު އެޅުމުގެ ފުރުސަތު އެބައޮތް ކަމަށާއި އެކަމުގެ ސަބަބުން ދެ ގައުމުގެ ގުޅުމަށް ބުރޫއަރާފާނެ ކަމަށް ޣަފޫރު ވިދާޅުވިއެވެ.
މީގެ އިތުރުން އިންޑިއާ އަކީ މި ސަރަހައްދުގައި ވެސް އެންމެ ބޮޑު ގައުމަށްވާތީ އިންޑިއާއަށް އިންތިހާއަށް ކަންކަމުގައި ބަރޯސާ ވާންޖެހިފައިވާއިރު ރާއްޖެ އަަކީ އިމްޕޯޓް މުދަލަށް ބަރޯސާވާ ގައުމަކަށް ވެފައި ކުދިކުދި ކަންކަމުން ވެސް ރާއްޖެއަށް އަސަރުކުރާނެ ކަމަށް ޣަފޫރު ވިދާޅުވިއެެވެ.
އިންޑިއާ އައުޓް ހަރަކާތަކީ ރާއްޖޭގައި ތިބި އިންޑިއާ ސިފައިން ބޭލުމަށް ގޮވާލާ އިދިކޮޅު ޕީޕީއެމް/ ޕީއެންސީން ކުރިއަށްގެންދާ ހަރަކާތެކެވެ. ނަމަވެސް މިއީ ރާއްޖެއާއި އެހެން ޤައުމުތަކާއި ދެމެދު އޮތް ގުޅުމަށް އަސަރުކޮށް، ދިވެހިންނަށް އެކަމުގެ ސަަބަބުން ނުރައްކާ އޮތް ކަމެއްކަމަށް ބުނެ ސަރުކާރުން ވަނީ މި ހަރަކާތް މަގުމަތީގައި ނުހިންގޭނެކަން އަންގާފައެވެ.
އިންޑިއާ އައުޓް ހަރަކާތަކީ ރާއްޖޭގައި ތިބި އިންޑިއާ ސިފައިން ބޭލުމަށް ގޮވާލާ އިދިކޮޅު ޕީޕީއެމް/ ޕީއެންސީން ކުރިއަށްގެންދާ ހަރަކާތެކެވެ. ނަމަވެސް މިއީ ރާއްޖެއާއި އެހެން ޤައުމުތަކާއި ދެމެދު އޮތް ގުޅުމަށް އަސަރުކޮށް، ދިވެހިންނަށް އެކަމުގެ ސަަބަބުން ނުރައްކާ އޮތް ކަމެއްކަމަށް ބުނެ ސަރުކާރުން ވަނީ މި ހަރަކާތް މަގުމަތީގައި ނުހިންގޭނެކަން އަންގާފައެވެ.
ކިޔުންތެރިންގެ ހިޔާލު