އެމްޑީޕީގެ ޗެއަރޕަސަން އިންތިހާބުކުރުމަށް ބާއްވާ އިންތިޚާބަކީ އެމްޑީޕީގެ ރިޔާސީ ޕްރައިމަރީގެ އަޖުމަ ބެލުމެއްކަމަށް އެޕާޓީގެ ކުރީގެ ޗެއަރޕާސަން ރީކޯ މޫސަ މަނިކު ވިދާޅުވެއްޖެއެވެ.

މޫސާ މަނިކު މިހެން ވިދާޅުވެފައި މިވަނީ އެމްޑީޕީގެ ޗެއަރޕާސަން އިންތިޙާބުގެ ވާދަވެރިކަން އިތުރުވެފައިވާ ދަނޑިވަޅެއްގައެވެ.

މޫސަ ވިދާޅުވީ އެމްޑީޕީގެ ވެރިން ޤަބޫލުކުރަނީ ރިޔާސީ އިންތިޚާބެއްގައި ލިބޭނީ 30 އިންސައްތަ ވޯޓް ކަމަށެވެ. އަދި މަލަމަތި ފެންނަގޮތުން ޗެއަރޕަސަންގެ އިންތިޚާބަކީ ރިޔާސީ ޕްރައިމަރީއަށް އަޖުމަބެލުން ކަމަށް މޫސަ ވިދާޅުވިމެވެ.

މޫސަ ވިދާޅުވީ ޕްރައިމަރީ ނިމޭއިރު ކޮންމެ މީހަކު ގަދަވިޔަސް ރިޔާސީ އިންތިޚާބަށް އޭގެ އަސަރު ނުފޯރާނެ ގޮތެއް ނޯންނާނެކަމަށެވެ.

Mdp ވެރިންޤަބޫލުކުރަނީ ރ އިންތިޚާބެއްގާ ވޯޓްލބޭނީ %30ކަމަށް؟ މަލަމަތިފެންނަގޮތުން ޗެއަރގެ އިންތިޚާބަކީ ރ ޕްރައަމަރީ އޖުމަބެލުމެވެ، ޕްރައމަރީ ނިމޭއިރު ކޮންމެމީހަކު ގަދަވިޔަސް ރިޔާސީއިންތިޚާބައްއޭގެއަސަރު ނުފޯރނެ ގޮތެއްނުއޮންނާނެ، އެއްބަޔަކުނިންމަނީMDP އަކީތަރިކަ މުދާކަމަށް؟

— Moosa Maniku (Reeko) (@ReekoMoosa) February 14, 2022

އެމްޑީޕީގެ ޗެއަރޕަސަންގެ އިންތިހާބު އޮންނަނީ އަންނަ އޭޕްރީމަހުގެ 16 ވަނަ ދުވަހުއެވެ. މި އިންތިޙާބުގައި ވާދަކުރައްވާނީ މާފަންނު ހުޅަނގު ދާއިރާގެ މެމްބަރު އިމްތިޔާޒް ފަހްމީއާއި އިކޮނޮމިކް މިނިސްޓަރ ފައްޔާޒު އިސްމާއިލެވެ.