ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް އާއި އަނބިކަނބަލުން ފަޒްނާ އަޙްމަދު ސިންގަޕޫރަށް ކުރެއްވި ނުރަސްމީ ދަތުރުފުޅު ނިންމަވާލެއްވުމަށްފަހު މިއަދު މާލެ ވަޑައިގެންފިއެވެ.
ރައީސުލްޖުމްހޫރިއްޔާގެ ދެކަނބަލުން ނުރަސްމީ ދަތުރުފުޅެއްގައި ސިންގަޕޫރަށް ވަޑައިގެންނެވީ މިމަހުގެ 10 ވަނަ ދުވަހުގައެވެ. ރައީސްގެ މި ދަތުރުފުޅުގެ ބޭނުމެއް ރައީސްއޮފީހުން ހާމަކުރައްވާފައެއް ނުވެއެވެ. ރައީސް ސާލިހު ދޭތެރެދޭތެރެއިން ނުރަސްމީ ދަތުރުފުޅުތަކުގައި ރާއްޖެއިން ބޭރަށް ވަޑައިގަންނަވައެވެ.
ސިންގަޕޫރަށް ކުރެއްވި ނުރަސްމީ ދަތުރުފުޅަށްފަހު ރައީސް ސާލިހު މާލެ ވަޑައިގެންފައިވާއިރު، ރަސްމީ ދަތުރުފުޅެއްގައި ފާދިއްޕޮޅުގެ 6 ރަށަކަށް މިމަހުގެ އަށާރައިން ވިއްސަށް ވަޑައިގަތުމަށް މިހާރު ވަނީ ހަމަޖެހިފައެވެ.
މި ދަތުރުފުޅުގައި ރައީސް ސާލިހު ވަޑައިގެންނެވުމަށް ހަމަޖެހިފައިވާ ރަށްތަކަކީ ޅ.އަތޮޅު މަޑިވަރު، ހިންނަވަރު، ފެލިވަރު، ނައިފަރު، އޮޅުވެލިފުށި އަދި ކުރެންދޫއެވެ. ރައީސުލްޖުމްހޫރިއްޔާ އެންމެފަހުން އަތޮޅުތެރެއަށް ކުރެއްވި ޒިޔާރަތަކީ ކޮމަންޑޫ ދާއިރާގެ ބައި އިލެކްޝަނާއި ގުޅިގެން އެ ދާއިރާއަށް ކުރެއްވި ޒިޔާރަތެވެ.
މި ދަތުރުފުޅުގައި ރައީސް ސާލިހު ވަޑައިގެންނެވުމަށް ހަމަޖެހިފައިވާ ރަށްތަކަކީ ޅ.އަތޮޅު މަޑިވަރު، ހިންނަވަރު، ފެލިވަރު، ނައިފަރު، އޮޅުވެލިފުށި އަދި ކުރެންދޫއެވެ. ރައީސުލްޖުމްހޫރިއްޔާ އެންމެފަހުން އަތޮޅުތެރެއަށް ކުރެއްވި ޒިޔާރަތަކީ ކޮމަންޑޫ ދާއިރާގެ ބައި އިލެކްޝަނާއި ގުޅިގެން އެ ދާއިރާއަށް ކުރެއްވި ޒިޔާރަތެވެ.
ކިޔުންތެރިންގެ ހިޔާލު