ރާއްޖޭގައި ފުރަތަމަ ފަހަރަށް ހިތް ފަޅާނުލާ ހިތުގެ މައިލޭނާރު ބަދަލުކޮށްލާ ސާރޖަރީއެއް ކޮށްފިއެވެ.

ރާއްޖޭގައި ފުރަތަމަ ފަހަރަށް ހިތް ފަޅާނުލާ ހިތުގެ މައިލޭނާރު ބަދަލުކޮށްލާ ސާރޖަރީއެއް ކާމިޔާބު ކަމާއެކު ހަދާފައިވަނީ ރާއްޖޭގައި ހިންގާ އަމިއްލަ އެންމެ ބޮޑު ހޮސްޕިޓަލް ކަމަށްވާ އޭޑީކޭ ހޮސްޕިޓަލުގައެވެ. އޭޑީކޭ ހޮސްޕިޓަލުން ބުނީ ހިތުގެ ވޭލުތައް ބަދަލުކުރުމަށްޓަކައި، ހިތް ފަޅާ ނުލައި ކުރާ ސާޖަރީއެއް ކަމަށްވާ ޓްރާންސް-އެއޯޓިކް ވޭލްވް އިމްޕްލާންޓް ސާޖަރީއެއް އޭޑީކޭގައި ކާމިޔާބުކަމާއެކު ކޮށްފައިވާ ކަމަށެވެ.

Alhamdhulillah, we have successfully completed the first ever, Trans-Aortic Valve Implantation (TAVI) procedure in an 81y old Maldivian man. This is a procedure that replaces diseased heart valves without need for open heart surgery in carefully selected patients.#adk35 pic.twitter.com/fo9SmK6z4R

— ADK Hospital (@ADKHospital) February 19, 2022

އެގޮތުން މި ސާޖަރީ ކޮށްފައިވަނީ 81 އަހަރުގެ ދިވެހި ފިރިހެނެއްގެ ކަމަށް އެ ހޮސްޕިޓަލުން ބުނެ އެވެެ. އަދި މިއީ ވަކި ކަންތައްތަކަކަށް ބަލައި، ހޮވާލެވޭ މަދު ބަޔަކަށް ނޫނީ ނުކުރެވޭ ސާޖަރީއެއް ކަމަށް ވެސް އެ ހޮސްޕިޓަލުން ވަނީ ބުނެފައެވެ.

މިއީ އޯޕަން ހާޓް ސާޖަރީއަކާއި ނުލާ، ހިތުގެ ވޭލްވްތައް ބަދަލުކޮށްލާ ޕްރޮސީޖާއެކެވެ.

ރާއްޖޭގައި މިވަގުތު ހިތުގެ ނާޒުކު ބައެއް އޮޕަރޭޝަންތަކާއި ބޮލާއި ސިކުނޑިއާއި ނާރުގެ ބައެއް އޮޕަރޭޝަންތައް ވެސް ކުރެވެން ހުރި ހަމައެކަނި ހޮސްޕިޓަލަކީ އޭޑީކޭ ހޮސްޕިޓަލުކަން ވެސް ފާހަގަކޮށްލެވެއެވެ.