ކޯވިޑް ޖެހިގެން ރާއްޖެއިން އިތުރު މީހަކު ނިޔާވެއްޖެއެވެ.

އެޗްޕީއޭއިން ބުނީ ކޯވިޑް ޖެހިގެން ނިޔާވީ 90 އަހަރުގެ ފިރިހެނެއްކަމަށެވެ. އަދި އެ މީހާ ނިޔާވީ މިއަދު ހެނދުނު 8:50 ހާއިރު އައްޑޫ އިކުއެޓޯރިއަލް ހޮސްޕިޓަލުގައި ކަމަށްވެސް އެޗްޕީއޭއިން ބުނެއެވެ.

މިއީ ރާއްޖެއިން ކޯވިޑް ޖެހިގެން ނިޔާވި 291 މީހާއެވެ.

Today (20/02/22) at 08:50 am a 90-year-old Maldivian male admitted at AEH Isolation has passed away

This is the 291st COVID-19 death in the Maldives

Our thoughts and prayers are with the bereaved family. May Allah grant his soul eternal peace in heaven

— Health Protection Agency (@HPA_MV) February 20, 2022

އެޗްޕީއޭއިން އާއްމުކޮށްފައިވާ މައުލޫމާތުތައް ދައްކާގޮތުން އިއްޔެވެސް މާލެ ސަރަހައްދުން 70 މީހުން ބައްޔަށް ޕޮޒިޓިވްވިއިރު، އެހެނިހެން ސަރަހައްދު ތަކުން ޕޮޒިޓިވްވީ 578 މީހުންނެވެ. މީގެ ތެރޭގައި ރިސޯޓުތަކުން ޕޮޒިޓިވްވި 63 މީހުންނާއި، އަތޮޅުތެރޭގެ ރަށްތަކުން ޕޮޒިޓިވްވި 485 މީހަކު ހިމެނެއެވެ.

އެޗްޕީއޭގެ ތަފާސް ހިސާބުތައް ދައްކާގޮތުން ރާއްޖެއިން ބަލިޖެހުނު މީހުންގެ ޖުމްލަ އަދަދު މިހާރު ވަނީ 164،229 އަށް އަރާފައެވެ.