އެފްބީއައި އާއި ދިވެހި ފުލުހުން ގުޅިގެން ހިންގި އޮޕަރޭޝަނެއްގައި ރާއްޖޭގައި ދިރިއުޅޭ ޓެރަރިސްޓަކު ހައްޔަރުކޮށްފައިވާ ކަމަށް ކޮމިޝަނަރު އޮފް ޕޮލިސް މުހައްމަދު ހަމީދު މިރޭ ވިދާޅުވެއްޖެއެެވެ.

އައިއެސް ޖަމާއަތަށް ވާގިވެރިވާ އެމީހާ ރާއްޖެއިން ހައްޔަރު ކޮށްފައި ވަނީ މިދިޔަ ޖަނަވަރީ މަހުގެ 06 ވަނަ ދުވަހުއެވެ. ހައްޔަރު ކޮށްފައި ވަނީ 30 އަހަރުގެ ދިވެހި ފިރިހެނެކެވެ.



ކޮމިޝަނަރ އޮފް ޕޮލިސް މުހައްމަދު ހަމީދު މިރޭ ވިދާޅުވީ ރާއްޖެއިން ހައްޔަރު ކުރި މީހަކީ އައިއެސް ޖަމާއަތުގެ މީޑިއާ ކެމްޕޭންތައް ހިންގާ މީހެއް ކަމަށެވެ. އޭނާ ވަނީ ޔޫރަޕްގައި ނިރުބަވެރި (ޓެރަރިސްޓް) ހަމަލާތައް ދިނުމަށާއި ޔޫރަޕްގެ ލީޑަރުންމަރަން ގޮވާލާފައި ކަމަށް ވެސް ސީޕީ ހަމީދު ވިދާޅުވިއެވެ.

In a joint operation involving the @FBI and authorities from two European Union nations, @PoliceMv arrested a 30 year old Maldivian man in Male’ on 6th Jan 2022. He is alleged of being a prominent operative associated with the proscribed terrorist organisation “Islamic State”.

— Mohamed Hameed (@M_Hameedh) February 23, 2022

އޭނާ މިކަންތައް ކުރަމުން ގެންދިޔައީ ރާއްޖޭގައި ދިވެހިންގެ ތެރޭގައި އުޅެމުން ކަމަށާއި، މިކަން ކުރަމުންދަނީ 2015 ވަނަ އަހަރުން ފެށިގެން ކަމަށް ވެސް ސީޕީ ވިދާޅުވިއެވެ.

ޓެރަރިސްޓެއް ކަމަށް ބެލެވޭ މިމީހާގެ ހައްޔަރާއެކު ފުލުހުން ވަނީ އެފްބީއައިއާއި، އީޔޫގެ ދެ ގައުމާ ގުޅިގެން ޓެރަރިޒަމާ ދެކޮޅަށް ބޮޑު ތަހުގީގެއް ފަށާފައެވެ.

މިކަމާ ގުޅޭ އިތުރު މައުލޫމާތު، ނޫސްބަޔާނެއް މެދުވެރިކޮށް ފަހުން ހާމަކުރާނެ ކަމަށް ފުލުހުން ވަނީ ބުނެފައެވެ.