އއ. ތޮއްޑޫގެ މަސައްކަތްތެރިންނަށް ދިމާވާ ގޮންޖެހުންތައް ހައްލު ކުރުމަށް ސަރުކާރު ނުކުޅެދިފައިވާ ކަމަށް ޕީޕިއެމްގެ ނާއިބް ރައީސް އަހުމަދު ޝިޔާމް ވިދާޅުވެއްޖެއެެވެ.

ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވީ ‏ތޮއްޑޫގެ ސިނާޢީ މަސައްކަތްތަކާ އެސިނާޢަތްތަކުގައި މަސައްކަތްކުރާ މަސައްކަތްތެރިންނަށް ހުރި ގޮންޖެހުންތައް ހައްލުކޮށްދިނުމަށް މިސަރުކާރު ނުކުޅެދިފައިވާ ކަމަަށެވެ.

ތޮއްޑޫގެ ސިނާޢީ މަސައްކަތްތަކާ އެސިނާޢަތްތަކުގައި މަސައްކަތްކުރައްވާ މަސައްކަތްތެރިންގެ ގޮންޖެހުންތައް ހައްލުކޮށްދިނުމަށް މިސަރުކާރުވަނީ ނުކުޅެދިފައި. ތޮއްޑޫގައި ގެސްޓުހައުސްތައް އެންމެ ބޮޑަށް އިތުރުވީ ރައީސް ޔާމީންގެ ޒަޢާމަތުގައި. އިއްޔެއެކަނި ތޮއްޑޫގައި 600+ ފަތުރުވެރިން ތިބި pic.twitter.com/J2QU0NHcqq

— Ahmed Shiyam (@Shiyamaldives) March 5, 2022

ތޮއްޑޫގައި ގެސްޓުހައުސްތައް އެންމެ ބޮޑަށް އިތުރުވީ ރައީސް ޔާމީންގެ ޒަޢާމަތުގައި ކަމަށާއި، އިއްޔެއެކަނި ތޮއްޑޫގައި 600 އަށް ވުރެ ގިނަ ފަތުރުވެރިން ތިބި ކަމަށް ޝިޔާމް ވިދާޅުވިއެެވެ.

ނަމަވެސް ތޮއްޑޫ މަސައްކަތްތެރިންގެ ހައްލުނުވެ ހުރީ ކޮން މައްސަލަތަކެއް ކަމެއް ޝިޔާމް ފާހަގަ ކުރަށްވާފައެއް ނުވެއެވެ.



އަރިއަތޮޅު އުތުރުބުރީ ތޮއްޑޫއަކީ ދަނޑުވެރިކަމަށް ޚާއްސަ ރަށެކެެވެ. އެރަށުގައި ގިނަ އަދަދެއްގެ މީހުން ދަނޑުވެރިކަން ކުރާއިރު އެރަށަކީ ކަރާ ހެއްދުމުގައި ނަން މަޝްހޫރު ރަށެކެވެ.

ރޯދަމަހާއި ދިމާކޮށް އެރަށުން ކޮންމެ އަހަރަކުވެސް ގިނަ ަަމާދަދެއްގެ ކަރާ މާލެއާއި ރާއްޖޭގެ އެކި ކަންކޮޅުތަކަށް ވިއްކައެވެ. މީގެ އިތުރުން ދަނޑުވެރިކަމުން ހައްދާ އެހެނިހެން ބާވަތްތައް އުފެއްދުމުގައި ތޮއްޑޫއަކީ ފާހަގަކޮށްލެވޭ މަޝްހޫރު ރަށެކެެވެ.