ނިމުނު ފެބްރުއަރީމަހު ޕީޖީ އޮފީހަށް ދައުވާކުރުމަށް 144 މައްސަލަ ހުށަހެޅިކަމަށް އެ އޮފީހުން ހާމަކޮށްފިއެވެ.

މިއަހަރުގެ ޖެނުއަރީމަހުން ފެށިގެން ޕީޖީ އޮފީހުން ގެންދަނީ ކޮންމެ މަހެއްގައި ޕީޖީ އޮފީހަށް ހުށަހެޅޭ މައްސަލަތަކުގެ ތަފާސް ހިސާބު އާއްމުކުރަމުންނެވެ.

މިދިޔަމަހަށް ބަލާލާއިރު ދައުވާކުރުމަށް 144 މައްސަލައެއް ތަހުގީގު އިދާރާތަކުން ހުށަހެޅިއިރު، އޭގެ ތެރެއިން ބަލައިގަތީ 50 މައްސަލައެކެވެ. އިތުރު މައުލޫމާތު ސާފުކުރުމަށް 60 މައްސަލައެއް އަނބުރާ ފޮނުވާލިއިރު، 18 މައްސަލައެއް ދަނީ ދިރާސާކުރަމުންނެވެ. އަދި 10 މައްސަލައެއްގައި ދައުވާ ނުކުރުމަށް ވަނީ ނިންމާފައެވެ.

February stats! Total 96 courts scheduled 1688 criminal cases hearings, out of which 62.4% (1054) held and37.6% (634) got canceled.
Our conviction rate in Feb was at 75% (94 concluded, 70 convictions, 22 acquittals, 2 dismissed at pretrial stage). https://t.co/cud3jAZ7pw pic.twitter.com/08YQANuxT5

— Hussain Shameem (@HuShameem) March 8, 2022

ޕީޖީ އޮފީހަށް ހުށަހެޅި މައްސަލަތަކަށް ބަލާއިރު، މަސްތުވާތަކެތި ބޭނުންކުރުމުގެ 35 މައްސަލަ، މަސްތުވާތަކެތި ޓްރެފިކްކުރުމުގެ 28 މައްސަލަ، ވައްކަމުގެ 23 މައްސަލަ އަދި ބަނގުރަލާއި ގުޅޭ 11 މައްސަލަ ހިމެނެއެވެ.

ޕީޖީ އޮފީހުން ބުނީ މިދިޔަ މަހު 144 ކޯޓަކަށް 174 މީހެއްގެ މައްޗަށް 230 ދައުވާއެއް ކުރުމަށް ކޯޓަށް ހުށަހެޅިކަމަށެވެ. އޭގެތެރެއިން 38.3 އިންސައްތައަކީ މަސްތުވާތަކެތީހެ މައްސަލައެވެ. އެއީ ޖުމްލަ 65 ދައުވާއެވެ.

ދެން އެންމެ ގިނައީ އެނގިހުރެ ހުއްދަ ނޫން ތަނަކަށް ވަނުމުގެ ދައުވާއެވެ. އެފަދަ 22 ދައުވާއެއް ވަނީ އުފުލާފައެވެ.

ކޯޓުތަކަށް ދައުވާކުރުމަށް ފޮނުއްވި އެހެން މައްސަލަތަކަށް ބަލާއިރު، މަސްތުވާތަކެތި ޓްރެފިކްކުރުމުގެ 16 މައްސަލަ، ވައްކަމުގެ 14 މައްސަލަ ހިމެނެއެވެ.