އިންޓެލް ރިޕޯޓްތައް ރައީސަށް އަރުވަންޖެހޭގޮތަށް ޓެރަރިޒަމް މަނާކުރުމާ ގުޅޭ އާންމު ގަވާއިދު އިސްލާޙު ކޮށްފިއެވެ.

ޓެރަރިޒަމް މަނާކުރުމާ ގުޅޭ އާންމު ގަވާއިދުގެ 14 ވަނަ މާއްދާގައި ބަޔާން ކުރާ އެ ނުކުތާ އިސްލާހުކޮށް ދިވެހި ސަރުކާރުގެ ގެޒެޓްގައި މިއަދު ވަނީ ޝާއިއުކޮށްފައެވެ. އިސްލާޙުކޮށްފައިވާ މާއްދާގައިވަނީ ކޮންމެ ތިން މަހަކުން އިންޓެލް ރިޕޯޓު ރައީސް އަށާއި މިނިސްޓަރަށްވެސް ހުށައަޅަން ޖެހޭނެ ކަމަށެވެ.

"އިންޓެލިޖެންސް މަޢުލޫމާތު ބަދަލުކުރުމަށް ޤާއިމުކުރާ ނިޒާމު މެދުވެރިކޮށް އިންޓެލިޖެންސް އިދާރާތަކުގެ މެދުގައި ބަދަލުކުރާ މަޢުލޫމާތާބެހޭ ތަފާސްހިސާބު ހިމެނޭ ރިޕޯޓެއް، ދިވެހި ފުލުހުންގެ ޚިދުމަތުން، ކޮންމެ 3 (ތިނެއް) މަހަކުން އެއްފަހަރު، ރައީސުލްޖުމްހޫރިއްޔާއަށާއި މިނިސްޓަރަށް ހުށަހަޅަންވާނެއެވެ." އިސްލާޙުގައިވެއެވެ.

އޭގެ އިތުރުން މި ގަވާއިދަށް ޢަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ޝާއިޢުކުރާ ތާރީޚުން ފެށިގެން ކަމަށްވެސް އިސްލާޙުގައިވެއެވެ.

ޓެރަރިޒަމް މަނާކުރުމާ ގުޅޭ އާންމު ގަވާއިދުގައި މީގެ ކުރިން އޮންނަނީ، އިންޓެލިޖެންސް އިދާރާތަކުގެ މެދުގައި ބަދަލު ކުރެވޭ މައުލޫމާތުގެ ތަފާސްހިސާބުތަކުގެ ރިޕޯޓެއް ކޮންމެ ތިން މަހަކުން އެއްފަހަރު މިނިސްޓަރަށް ހުށަހެޅުމަށެވެ.