ފެމެލީ ކޯޓުން، ރަމަޟާންމަހު ކާވެނި ކޮށްދޭ ގަޑިތައް އިއުލާންކޮށްފިއެވެ.

ފެމެލީ ކޯޓުން މިއަދު ޢާއްމުކުރި ޢިއުލާނެއްގައި ބުނެފައިވަނީ ރަމަޟާން މަހާއި ޝައްވާލު މަހުގެ ފުރަތަމަ ހަތް ދުވަހު ފެމިލީ ކޯޓުން ކާވެނިކޮށްދިނުމަށް ހަމަޖެހިފައިވަނީ، ހެނދުނު 09:30 އިން 12:30 އަށް ކަމަށެވެ.

ނުރަސްމީގަޑީގައި، ރޭގަނޑު 21:30 އިން 23:00 އަށް ކާވެނި ކޮށްދޭން ހަމަޖެހިފައި ވާއިރު، ކޯޓުން ބޭރުގައި ކައިވެނި ކޮށްދޭން ހަމަޖެހިފައި ވަނީ ރޭގަނޑު 21:30 އިން 23:00 އަށް ކަމަށް އެ އިއުލާނުގައި ބުނެފައިވެއެވެ.

ކޮވިޑާ ގުޅިގެން ފެމެލީ ކޯޓުން މިހާރު ކާވެނި ކޮށްދޭގޮތަށް ހަމަޖައްސާފައިވަނީ ރަސްމީ ގަޑީގެ ތެރެއިން، ހެނދުނު 9:00 އިން 11:30 އަށެވެ. އަދި މެންދުރު ފަހު 1:00 އިން 1:30 އަށެވެ.

ނުރަސްމީ ގަޑީގައި، ހަވީރު 4:00 އިން 21:30 އަށް ވެސް ކާވެނި ކޮށްދޭ ގޮތަށް ހަމަޖައްސާފައިވާއިރު ކޯޓުން ބޭރުގައި ކައިވެނި ކޮށްދެނީ ހަވީރު 4:00 އިން ރޭގަނޑު 21:30 އަށެވެ.