ރައީސުލްޖުމްހޫރިއްޔާގެ ލީގަލް ކައުންސެލްގެ މަޤާމުގައި ހުންނެވި އަޙްމަދު ޢަބްދުﷲ އަފީފް އެމަގާމުން ވަކިކޮށްފިއެވެ.

ރައީސުލްޖުމްހޫރިއްޔާގެ ލީގަލް ކައުންސެލް މަގާމުން ވަކިކުރިކަން ރައީސް އޮފީހުގެ ޗީފް އޮފް ސްޓާފް އަލީ ޒާހިރު އޭނާއަށް ވަނީ އަންގަވާފައެވެ.

ސަރުކާރުގެ އޮފިޝަލަކު ވަނީ ރާއްޖޭގެ ބައެއް މީޑިޔާ ތަކަށް އެކަން ކަށަވަރު ކޮށްދެއްވާފައެވެ. އެމަގާމަށް މީހުން އައްޔަން ކުރުމާއި ވަކިކުރުމަކީ ރައީސަށް ލިބިވަޑައިގަންނަވާ ބާރެކެވެ.

ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދުގރ ވަކީލުންގެ ޓީމުގައި ވެސް ހިމެނިވަޑައިގެންނެވި އަފީފް މަގާމުން ވަކި ކުރި ސަބަބެއް ސާފެއް ނުވެއެވެ.