ފުލުހުން ކުރިޔަށް ގެންދާ ބޮޑު އޮޕަރޭޝަނެއްގައި ގިނަ އަދަދެއްގެ މަސްތުވާތަކެތި މިރޭ މާލެއިން އަތުލައިގެންފިއެވެ.
މި އޮޕަރޭޝަންގައި މަސްތުވާތަކެތި އަތުލައިގެންފައި ވަނީ ސޯސަން މަގާއި ރަތްވިލާ މަގު ގުޅޭ ކަންމަތިންނެވެ. އެ ސަރަހައްދު ބަންދުކޮށް މިރޭ އިރާކޮޅުން ފެށިގެން ފުލުހުން އަންނަނީ ހަރަކާތްތެރިވަމުންނެވެ.
މި އޮޕަރޭޝަންގައި ފުލުހުން ވަނީ ޕިކަޕެއް ހުއްޓުވާ ގިނަ އަދަދެއްގެ ސާމާނު ފުލުހުންގެ ބެލުމުގެ ދަށަށް ގެންގޮސްފައެވެ. މައުލޫމާތު ލިބިފައިވާ ގޮތުގައި އޭގެ ތެރޭގައި ގާތްގަނޑަކަށް 15 ކަރުދާސް ފޮށިގަނޑު ފުލުހުން ވަނީ އަތުލައިގެންފައެވެ. އަދި، އެ ފޮށިތަކުގައި މަސްތުވާތަކެތިކަމަށް ޝައްކުކުރެވޭ ބައެއްތަކެތި ފެނިފައިވާކަމަށް ވެސް ވަނީ މައުލޫމާތު ލިބިފައެވެ.
މި ކަމާއި ގުޅޭގޮތުން މިހާތަނަށް ފުލުހުންގެ ބަހެއް ލިބިފައެއް ނުވެއެވެ.
މި ކަމާއި ގުޅޭގޮތުން މިހާތަނަށް ފުލުހުންގެ ބަހެއް ލިބިފައެއް ނުވެއެވެ.
ކިޔުންތެރިންގެ ހިޔާލު