މާލެ ވޯޓާ އެންޑް ސެވޭޖް ކޮމްޕެނީ ޕްރައިވެޓް ލިމިޓެޑް (އެމްޑަބްލިއުއެސްސީ) އިން ކުރިޔަށްގެދިޔަ 4 ރަށެއްގެ ފެނާއި ނަރުދަމާގެ މަސައްކަތް ނިންމާލައިފިއެވެ.
މަސައްކަތް ނިންމާލި ރަށްތަކަކީ، ބ.ގޮއިދޫ، ރ. ކިނޮޅަސް، ނ. މާޅެންދޫ އަދި ނ. ކުޑަފަރިއެވެ. އެމްޑަބްލިއުއެސްސީން ބުނީ އެ ރަށްތަކުގެ ފެނާއި ނަރުދަމާ ނިޒާމް ގާއިމް ކުރުމުގެ މަސައްކަތް ނިންމާ މިހާރު ކުރިޔަށްދަނީ ކޮމިޝަން ކުރުމުގެ މަސައްކަތް ކަމަށެވެ.
އެމްޑަބްލިއުއެސްސީން ބުނީ ނ. ކުޑަފަރީ ފެނާއި ނަރުދަމާ ނިޒާމް ކޮމިޝަން ކުރުމުގެ މަސައްކަތް މިހާރު ނިމިފައިވާ ކަމަށެވެ. އަދި ރ ކިނޮޅަހުގެ ކޮމިޝަން ކުރުމުގެ މަސައްކަތް ކުރިއަށްދާ ކަމަށާއި ނ. މާޅެންދޫގެ ފެނާއި ނަރުދަމާ ނިޒާމް ކޮމިޝަން ކުރުމުގެ މަސައްކަތް މާދަމާ ފެށޭނެ ކަމަށެވެ.
އޭގެ އިތުރުން ބ. ގޮއިދޫގެ ކޮމިޝަންގެ މަސައްކަތްތައް ފެށުމަށް ވަނީ ތައްޔާރު ވެފައެވެ. މިރަށްތަކުގެ ކޮމިޝަން ކުރުމުގެ މަސައްކަތް ކުރިޔަށް ގެންގޮސްފައިވަނީ މިނިސްޓްރީ އޮފް ނޭޝަނަލް ޕްލޭނިންގ، ހައުސިންގް އެންޑް އިންފްރާސްޓްރަކްޗަރ، ފެނަކަ ކޯޕަރޭޝަން އަދި އެމްޑަބްލިއުއެސްސީ ގުޅިގެންނެވެ.
މި ކަންކަމުގެ އިތުރުން، މިރަށްތަކުގެ ފެނާއި ނަރުދަމާގެ ނިޒާމް ހިންގާ ބެލެހެއްޓުމަށް ބޭނުންވާ އޮޕަރޭޓަރސް ޓްރެނިންގ ޕްރޮގްރާމްވެސް ވަނީ ހިންގާ ނިމިފައެވެ.
މި ހަތަރު ރަށުގެ ފެނުގެ ނިޒާމް ގާއިމް ކުރުމުގެ މަސައްކަތުގެ ދަށުން، ފެން ހޮޅީގެ މައި ނެޓްވޯރކް އަޅައި، އާރްއޯ ފެސިލިޓީ ބިލްޑިންގ އިމާރާތްކޮށް، ފެން އުފެއްދުމަށްޓަކައި އާރްއޯ ޕްލާންޓްއާއި އަދި ފެން ރައްކާ ކުރުމަށްޓަކައި ތާނގީ ބަހައްޓައި ނިމިފައިވާ ކަމަށް އެމްޑަބްލިއުއެސްސީން ވަނީ ބުނެފައެވެ. އަދި، ގޭގޭގައި ފެންމީޓަރ ބަހައްޓާ، ފެނުގެ ކަނެކްޝަން ވެސް ވަނީ ގުޅައިދީފައެވެ.
މި ހަތަރު ރަށުގެ ނަރުދަމާ ނިޒާމް ގާއިމް ކުރުމުގެ މަސައްކަތުގެ ދަށުން، ނަރުދަމާ މައި ނެޓްވޯކާއި ޕަންޕިން ލައިން އަޅައި، ނަރުދަމާގެ އިދާރީ ބިލްޑިންގ އިމާރާތްކޮށް، ޕަންޕިންގ ސްޓޭޝަން ޤާއިމްކޮށް އަދި ސީއައި ޓްފޯލް އަޅައި ވަނީ ނިމިފައި ކަމަށް އެމްޑަބްލިއުއެސްސީއިން މައުލޫމާތުދެއެވެ. އެމްޑަބްލިއުއެސްސީއިން ބުނީ ގޭގޭގައި ޖަންކްޝަން ބަހައްޓައި، ނަރުދަމާގެ ކަނެކްޝަން ގުޅައިދީ ވެސް ނިމިފައިވާ ކަމަށެވެ.
އަދި މިމަޝްރޫއުގެ ދަށުން ފެނާއި ނަރުދަމާ ނިޒާމް ހިންގާ ބެލެހެއްޓުމަށް ބޭނުންވާ ޖަނެރޭޓަރ ސެޓާއި ވެހިކަލް އަދި ފެން ތަހުލީލް ކުރުމަށް ބޭނުންވާ ސާމާނު ވަނީ ފޯރުކޮށް ދެވިފައި ކަމަށް އެމްޑަބްލިއުއެސްސީއިން ބުނެއެވެ.
އެމްޑަބްލިއުއެސްސީން ބުނީ ނ. ކުޑަފަރީ ފެނާއި ނަރުދަމާ ނިޒާމް ކޮމިޝަން ކުރުމުގެ މަސައްކަތް މިހާރު ނިމިފައިވާ ކަމަށެވެ. އަދި ރ ކިނޮޅަހުގެ ކޮމިޝަން ކުރުމުގެ މަސައްކަތް ކުރިއަށްދާ ކަމަށާއި ނ. މާޅެންދޫގެ ފެނާއި ނަރުދަމާ ނިޒާމް ކޮމިޝަން ކުރުމުގެ މަސައްކަތް މާދަމާ ފެށޭނެ ކަމަށެވެ.
އޭގެ އިތުރުން ބ. ގޮއިދޫގެ ކޮމިޝަންގެ މަސައްކަތްތައް ފެށުމަށް ވަނީ ތައްޔާރު ވެފައެވެ. މިރަށްތަކުގެ ކޮމިޝަން ކުރުމުގެ މަސައްކަތް ކުރިޔަށް ގެންގޮސްފައިވަނީ މިނިސްޓްރީ އޮފް ނޭޝަނަލް ޕްލޭނިންގ، ހައުސިންގް އެންޑް އިންފްރާސްޓްރަކްޗަރ، ފެނަކަ ކޯޕަރޭޝަން އަދި އެމްޑަބްލިއުއެސްސީ ގުޅިގެންނެވެ.
މި ކަންކަމުގެ އިތުރުން، މިރަށްތަކުގެ ފެނާއި ނަރުދަމާގެ ނިޒާމް ހިންގާ ބެލެހެއްޓުމަށް ބޭނުންވާ އޮޕަރޭޓަރސް ޓްރެނިންގ ޕްރޮގްރާމްވެސް ވަނީ ހިންގާ ނިމިފައެވެ.
މި ހަތަރު ރަށުގެ ފެނުގެ ނިޒާމް ގާއިމް ކުރުމުގެ މަސައްކަތުގެ ދަށުން، ފެން ހޮޅީގެ މައި ނެޓްވޯރކް އަޅައި، އާރްއޯ ފެސިލިޓީ ބިލްޑިންގ އިމާރާތްކޮށް، ފެން އުފެއްދުމަށްޓަކައި އާރްއޯ ޕްލާންޓްއާއި އަދި ފެން ރައްކާ ކުރުމަށްޓަކައި ތާނގީ ބަހައްޓައި ނިމިފައިވާ ކަމަށް އެމްޑަބްލިއުއެސްސީން ވަނީ ބުނެފައެވެ. އަދި، ގޭގޭގައި ފެންމީޓަރ ބަހައްޓާ، ފެނުގެ ކަނެކްޝަން ވެސް ވަނީ ގުޅައިދީފައެވެ.
އަދި މިމަޝްރޫއުގެ ދަށުން ފެނާއި ނަރުދަމާ ނިޒާމް ހިންގާ ބެލެހެއްޓުމަށް ބޭނުންވާ ޖަނެރޭޓަރ ސެޓާއި ވެހިކަލް އަދި ފެން ތަހުލީލް ކުރުމަށް ބޭނުންވާ ސާމާނު ވަނީ ފޯރުކޮށް ދެވިފައި ކަމަށް އެމްޑަބްލިއުއެސްސީއިން ބުނެއެވެ.
ކިޔުންތެރިންގެ ހިޔާލު