ގިނައިރުތަކެއްވަންދެން މަސައްކަތް ކޮށްގެން ވަގަކު އަތުލައިގަތް ފުލުސް މީހާއާއި ކޮމިޝަނަރ އޮފް ޕޮލިސް މުޙައްމަދު ހަމީދު ބައްދަލު ކުރައްވައިފިއެވެ.
މީސްމީޑިއާގައި ދައުރުވި އެވީޑިއޯއިން ފެންނަނީ ކުށެއްގެ ތުހުމަތު ކުރެވޭ ޒުވާނަކު އަތުލައިގަތުމަށް ފުލުސްމީހާ ކުރާ މަސައްކަތެވެ. އެގޮތުން ފުލުހަށް ފިލުމަށްޓަކައި އެޒުވާނާ ދުވެފައި ގޮސް އިމާރާތެއްގެ ތެރެއަށް ވަނުމުން ވެސް ފުލުސްމީހާ ވަނީ އޭނާގެ ފަހަތުން ދުވެ އުސް އިމާރާތެއްގެ ސިޑިން އަރައި އެ ޒުވާނާ އަތުލައިގަނެ ފުލުހުންގެ ބެލުމުގެ ދަށަށް ގެންގޮސްފައެވެ.
ގިނަ ބައެއްގެ ތައުރީފު ލިބުނު ފުލުސް މީހަކީ، މާފަންނު ޕޮލިސް ސްޓޭޝަންގެ ޕޮލިސް ސަރޖަންޓް މުސްއަދު އަސްލަމެވެ. އޭނާއާއި ބައްދަލު ކުރެއްވުމަށްފަހު ސީޕީ ވަނީ މުސްއަދު ކުރި ހިތްވަރަށް އައްސަރިބަހާ ސާބަސް ދެއްވާފައެވެ. އަދި އޭނާގެ އެމަސައްކަތާމެދު ފަހުރުވެރިވާކަމަށް ވެސް ސީޕީ ހަމީދު ވަނީ ވިދާޅުވެފައެވެ.
އަދި ފުލުހުންގެ މަސައްކަތްތައް ބައްޓަން ކުރުމާއި ގުޅޭގޮތުން ގެންނަމުންދާ ބަދަލުތަކުގެ އެދެވޭ ނަތީޖާ މިހާރު ފެންނަމުން ދާކަމަށްވެސް ސީޕީ ހަމީދު ވިދާޅުވިއެވެ.
އަދި ފުލުހުންގެ މަސައްކަތްތައް ބައްޓަން ކުރުމާއި ގުޅޭގޮތުން ގެންނަމުންދާ ބަދަލުތަކުގެ އެދެވޭ ނަތީޖާ މިހާރު ފެންނަމުން ދާކަމަށްވެސް ސީޕީ ހަމީދު ވިދާޅުވިއެވެ.
ކިޔުންތެރިންގެ ހިޔާލު