ރާއްޖޭގެ ހާރިޖީ ވަޒީރު އަދި އދގެ އާއްމު މަޖިލީހުގެ ރައީސް، އަބްދުﷲ ޝާހިދު ޕާކިސްތާނުގެ ޖުމްހޫރީ ދުވަހުގެ ތަހުނިޔާ ފޮނުއްވައިފިއެވެ.

ޕާކިސްތާނުގެ ޖުމްހޫރީ ދުވަހުގެ މުނާސަބަތުގައި ފޮނުއްވި މެސެޖުގައި ޝާހިދު ވަނީ ޕާކިސްތާނުގެ ހާރިޖީ ވަޒީރާއި އެ ގައުމުގެ ސަރުކާރާއި ރައްޔިތުންނަށް ތަހުނިޔާ ވިދާޅުވެފައެވެ.

On the joyous occasion of #PakistanDay, I send my warmest greetings to my dear brother FM @SMQureshiPTI, the Gov & people.

As you also celebrate the 75th anniversary of independence this year, we are committed to strengthening the close friendship between 🇲🇻&🇵🇰@ForeignOfficePk

— Abdulla Shahid (@abdulla_shahid) March 23, 2022

މިއަހަރަކީ ޕާކިސްތާނުގެ 75 ވަނަ މިނިވަންދުވަސްވެސް ފާހަގަކުރާ އަހަރުކަން ފާހަގަކުރައްވަމުން ޝާހިދު ވަނީ ޕާކިސްތާނާއި ރާއްޖޭގެ ގުޅުން އިތުރަށް ބަދަހިކުރުމަށް މަސައްކަތްކުރައްވާނެކަމުގެ ޔަގީންކަން ދެއްވާފައެވެ.

ޕާކިސްތާނުގެ ޖުމްހޫރީ ދުވަހުގެ ގޮތުގައި ފާހަގަކުރަނީ ކޮންމެ އަހަރެއްގެވެސް މާޗުމަހުގެ 23 ވަނަ ދުވަހެވެ. އެއީ އެ ގައުމުގެ ފުރަތަމަ ގާނޫނުއަސާސީ އެކުލަވާލެވުނު ދުވަހެވެ. އެ ގާނޫނު އަސާސީ އެކުލަވާލީ 1956 ވަނަ އަހަރުގެ މާޗުމަހުގެ 23 ވަނަ ދުވަހުއެވެ.