ރާއްޖޭގައި އިސްލާމިކް ސްޓޭޓް (އައިއެސް) ގެ ޙަރަކާތްތައް ރާވާ ހިންގުމުގައި އެންމެ އިސްކޮށް ހަރަކާތްތެރިވާކަމަށް ދައުލަތުން ތުހުމަތުކުރާ ޏ. ފުވައްމުލަކު، މާދަޑު، ކަރިއްޔާވިލާ، މުހައްމަދު އަމީންގެ ޝަރީޢަތުގެ އަޑުއެހުންތައް ކްރިމިނަލް ކޯޓަށް ދެފަރާތް ޙާޟިރުކޮށްގެން ކުރިއަށް ގެންދިއުމަށް ނިންމައިފިއެވެ.
މިއަދަށް ތާވަލުކުރި މައްސަލައިގެ އަޑުއެހުން ކުރިއަށް ގެންދިއުމަށް ހަމަޖެހިފައި އޮތީ ވީޑިއޯ ކޮންފަރެންސް މެދުވެރިކޮށެވެ. އެހެންނަމަވެސް، އަމީންގެ ފަރާތުން ވަނީ ކޯޓަށް ހާޒިރުވެގެން ޝަރީއަތް ކުރިއަށް ގެންދަން ބޭނުންވާކަން ފާހަގަކޮށްފައެވެ.
އެހެންކަމުން މައްސަލަ ބައްލަވާ އިސްޤާޟީ އަހުމަދު ޝަކީލް ނިންމެވީ މިމައްސަލަ ކޯޓަށް ހާޒިރުވެގެން ކުރިއަށް ގެންދިއުމަށް އަޑުއެހުން އެހެން ދުވަހަކަށް ރީ-ޝެޑިއުލް ކުރެއްވުމަށެވެ.
އަމީންގެ މައްސަލާގައި އޭނާގެ މައްޗަށް އުފުލާފައިވާ ދަޢުވާތައް ހައިކޯޓުން ބާތިލްކުރުމުން ސުޕްރީމް ކޯޓުން ވަނީ އެނިންމުން ބާތިލުކޮށް ކްރިމިނަލް ކޯޓުގައި އަޑުއެހުންތައް ކުރިއަށް ގެންދިއުމަށް އަންގަވާފައެވެ. އެގޮތުން ގާނޫނުގެ މާއްދާތައް މާނަކުރަންވާނީ އެއް ރޮއްޖަކުން ގެތިފައިވާ އެކަތިގަނޑެއްގެ ގޮތަށް ކަމަށް ސުޕްރީމް ކޯޓުން ވަނީ ބުނެފައެވެ.
އޭގެއިތުރުން އަމީންގެ މައްސަލާގައި ހައިކޯޓުން ޓެރަރިޒަމް މަނާކުރުމުގެ ގާނޫނުގެ 26 ވަނަ މާއްދާގެ (ފ) މާނަކޮށްފައިވަނީ ވަކި މިނިވަން މާއްދާއެއްގެ ގޮތަށް, މުޅި ޓެރަރިޒަމްގެ ގާނޫނުގެ މަގުސަދާ ވެސް ފުށުއަރާ ގޮތަށް ކަމަށް ސުޕްރީމްކޯޓުން ފާހަގަކޮށްފައިވެއެވެ.
ޓެރަރިޒަމްގެ ގާނޫނުގެ 26 ވަނަ މާއްދާގެ (ފ)ގައި ބަންދު އިތުރު ކުރުމަށް ޖިނާއީ އިޖުރާއަތުގެ ގާނޫނަށް ދެވޭނެ ކަމަށް ބުނެފައިވަނީ އެފަދަ ކުށެއްގެ ތުހުމަތުވާ މީހުން ވީއެންމެ ގިނަ ދުވަހަކަށް ބަންދު ކުރުމުގެ ފުރުސަތު ދިނުމަށް ކަމަށާއި އެ ނޫން މާނައެއް އެ މާއްދާއިން ނުނެރެވޭނެ ކަމަށް ސުޕްރީމް ކޯޓުގެ ފަނޑިޔާރު ސުޢޫދު ވިދާޅުވިއެވެ.
ސުޕްރީމް ކޯޓުން އަމުރުކޮށްފައިވަނީ، އަމީންގެ މައްޗަށް ކޮށްފައިވާ ޓެރަރިޒަމްގެ ދެ ދައުވާ ބާތިލް ކުރުން ގޯސް ކަމަށާއި، ހައިކޯޓުން ދައުވާތައް ބާތިލްކުރިއިރު އެ މައްސަލާގެ ޝަރީއަތް އޮތް ހިސާބުން އަލުން ކުރިމިނަލް ކޯޓުގައި ފެށުމަށެވެ.
ފަނޑިޔާރު ހުސްނުއްސުއޫދު ނެރުއްވި މި ރައުޔަށް ފަނޑިޔާރުންގެ ބެންޗުގެ ރިޔާސަތުގައި އިންނެވި އުއްތަމަ ފަނޑިޔާރު އަހުމަދު މުއުތަސިމް އަދުނާނާއި ފަނޑިޔާރު އައިޝާ ޝުޖޫން މުޙައްމަދު ވަނީ ތާޢީދު ކުރަށްވާފައެވެ.
ރާއްޖޭގައި އުޅޭ އައިއެސްގެ އެންމެ އިސް މީހަކީ އަމީންކަމަށް ދައުލަތުން ކޯޓުގައި ބުނެފައިވާއިރު އޭނާއަކީ 2007 ވަނަ އަހަރު ސަލްޓަން ޕާކުގައި ބޮން ގޮއްވި މައްސަލާގައި ތުހުމަތު ކުރެވުނު މީހެކެވެ. އަދި އެމެރިކާގެ ޑިޕާޓްމަންޓް އޮފް ޓްރެޝަރީގެ އޮފީސް އޮފް ފޮރިން އެސެޓްސް ކޮންޓްރޯލް (އޯއެފްއޭސީ) އިން އެކުލަވާލި ޓެރަރިސްޓުންގެ ލިސްޓުގައި ވެސް އަމީން ވަނީ ހިމަނައިފަ އެވެ. އޭނާ އަކީ އެ ލިސްޓުގައި ހިމެނި ފުރަތަމަ ދިވެއްސެވެ.
އެހެންކަމުން މައްސަލަ ބައްލަވާ އިސްޤާޟީ އަހުމަދު ޝަކީލް ނިންމެވީ މިމައްސަލަ ކޯޓަށް ހާޒިރުވެގެން ކުރިއަށް ގެންދިއުމަށް އަޑުއެހުން އެހެން ދުވަހަކަށް ރީ-ޝެޑިއުލް ކުރެއްވުމަށެވެ.
އަމީންގެ މައްސަލާގައި އޭނާގެ މައްޗަށް އުފުލާފައިވާ ދަޢުވާތައް ހައިކޯޓުން ބާތިލްކުރުމުން ސުޕްރީމް ކޯޓުން ވަނީ އެނިންމުން ބާތިލުކޮށް ކްރިމިނަލް ކޯޓުގައި އަޑުއެހުންތައް ކުރިއަށް ގެންދިއުމަށް އަންގަވާފައެވެ. އެގޮތުން ގާނޫނުގެ މާއްދާތައް މާނަކުރަންވާނީ އެއް ރޮއްޖަކުން ގެތިފައިވާ އެކަތިގަނޑެއްގެ ގޮތަށް ކަމަށް ސުޕްރީމް ކޯޓުން ވަނީ ބުނެފައެވެ.
އޭގެއިތުރުން އަމީންގެ މައްސަލާގައި ހައިކޯޓުން ޓެރަރިޒަމް މަނާކުރުމުގެ ގާނޫނުގެ 26 ވަނަ މާއްދާގެ (ފ) މާނަކޮށްފައިވަނީ ވަކި މިނިވަން މާއްދާއެއްގެ ގޮތަށް, މުޅި ޓެރަރިޒަމްގެ ގާނޫނުގެ މަގުސަދާ ވެސް ފުށުއަރާ ގޮތަށް ކަމަށް ސުޕްރީމްކޯޓުން ފާހަގަކޮށްފައިވެއެވެ.
ޓެރަރިޒަމްގެ ގާނޫނުގެ 26 ވަނަ މާއްދާގެ (ފ)ގައި ބަންދު އިތުރު ކުރުމަށް ޖިނާއީ އިޖުރާއަތުގެ ގާނޫނަށް ދެވޭނެ ކަމަށް ބުނެފައިވަނީ އެފަދަ ކުށެއްގެ ތުހުމަތުވާ މީހުން ވީއެންމެ ގިނަ ދުވަހަކަށް ބަންދު ކުރުމުގެ ފުރުސަތު ދިނުމަށް ކަމަށާއި އެ ނޫން މާނައެއް އެ މާއްދާއިން ނުނެރެވޭނެ ކަމަށް ސުޕްރީމް ކޯޓުގެ ފަނޑިޔާރު ސުޢޫދު ވިދާޅުވިއެވެ.
ސުޕްރީމް ކޯޓުން އަމުރުކޮށްފައިވަނީ، އަމީންގެ މައްޗަށް ކޮށްފައިވާ ޓެރަރިޒަމްގެ ދެ ދައުވާ ބާތިލް ކުރުން ގޯސް ކަމަށާއި، ހައިކޯޓުން ދައުވާތައް ބާތިލްކުރިއިރު އެ މައްސަލާގެ ޝަރީއަތް އޮތް ހިސާބުން އަލުން ކުރިމިނަލް ކޯޓުގައި ފެށުމަށެވެ.
ރާއްޖޭގައި އުޅޭ އައިއެސްގެ އެންމެ އިސް މީހަކީ އަމީންކަމަށް ދައުލަތުން ކޯޓުގައި ބުނެފައިވާއިރު އޭނާއަކީ 2007 ވަނަ އަހަރު ސަލްޓަން ޕާކުގައި ބޮން ގޮއްވި މައްސަލާގައި ތުހުމަތު ކުރެވުނު މީހެކެވެ. އަދި އެމެރިކާގެ ޑިޕާޓްމަންޓް އޮފް ޓްރެޝަރީގެ އޮފީސް އޮފް ފޮރިން އެސެޓްސް ކޮންޓްރޯލް (އޯއެފްއޭސީ) އިން އެކުލަވާލި ޓެރަރިސްޓުންގެ ލިސްޓުގައި ވެސް އަމީން ވަނީ ހިމަނައިފަ އެވެ. އޭނާ އަކީ އެ ލިސްޓުގައި ހިމެނި ފުރަތަމަ ދިވެއްސެވެ.
ކިޔުންތެރިންގެ ހިޔާލު