އައްޑޫ ސިޓީ މަރަދޫ ސްކޫލްގެ އާ އިމާރާތް މިއަދު ހުޅުވައިފި އެވެ.

ބާރަ ކްލާސްރޫމް ހިމެނޭ މި އާ އިމާރާތް މިއަދު ހުޅުއްވައިދެއްވީ ރައީސް އިބްރާހިމް މުހައްމަދު ސާލިޙުގެ އަނބިކަބަލުން ފަޒްނާ އަހުމަދެވެ.

މަރަދޫ ސްކޫލްގެ އާ އިމާރާތް އެޅުމަށް ސަރުކާރުން ހަވާލުކޮށްފައިވަނީ އެސް.ޖޭ ކޮންސްޓްރަކްޝަނާ އެވެ. 2019 ވަނަ އަހަރުގެ ފަހުކޮޅު އެ ކުންފުންޏާއި ހަވާލުކުރި މި މަސައްކަތަށް ވަނީ ދައުލަތުގެ ބަޖެޓުން 458،586.00ރ ހަރަދުކޮށްފަ އެވެ.

First Lady Fazna Ahmed inaugurates 12 new classroom developed in Maradhoo School. pic.twitter.com/CtWHSwiZl4

— The President's Office (@presidencymv) March 27, 2022

މަރަދޫ ސްކޫލްގެ އާ އިމާރާތް ހުޅުއްވައިދެއްވުމަށްފަހު ރައީސްގެ އަނބިކަބަލުން ފަޒްނާއާއި އެޑިއުކޭޝަން މިނިސްޓަރު ޑރ. އައިޝަތު އަލީ ވަނީ އެ އިމާރާތް ބައްލަވާލައްވާފަ އެވެ.

pic.twitter.com/88UpN18MaB

— The President's Office (@presidencymv) March 27, 2022

މަރަދޫ ސްކޫލްގެ އިތުރުން މަރަދޫފޭދޫގައި ހުންނަ އިރުޝާދިއްޔާ ސްކޫލްގައި 12 ކްލާސް ރޫމް ހެދުމުގެ މަސައްކަތް ވެސް މިހާރު ވަނީ ފަށާފައެވެ. އެ މަސައްކަތް ހަވާލުކޮށްފައި ވަނީ ބީއޭޕީސީ ޕްރައިވެޓް ލިމިޑެޓާ އެވެ. އެއީ 8 މިލިއަން ރުފިޔާ ހަރަދުކޮށްގެން ހިންގާ މަޝްރޫއެކެެވެ.