ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު މާލޭން އެހެން ރަށަކަށް ބަދަލު ކުރަންޖެހޭ ކަމަށް، މި ސަރުކާރުގެ ފުރަތަމަ ޓެކްނޮލޮޖީ މިނިސްޓަރ މުޙައްމަދު މަލީޙް ޖަމާލް ވިދާޅުވެއްޖެއެވެ.
މަލީހް މިފަދައިން ވިދާޅުވީ، ރައީސް ނަޝީދު ދިރިއުޅުއްވާ ގެކޮޅު ކައިރި ގިނަ ވަގުތު ތަކެއްގައި ބަންދުކޮށްފައި އޮތުމުގެ ސަބަބުން އެ ސަރަހައްދުގައި ދިރިއުޅޭ އާންމު ރައްޔިތުންނަށް ދަތިވާތީ އެ ސަރަހައްދުގައި ދިރިއުޅޭ މީހަކު ފޭސްބޫކްގައި ކުރި ޕޯސްޓަކާއި ގުޅިގެނެވެ.
އޭނާ ކުރި ފޭސްބޫކް ޕޯސްޓްގައި ބުނެފައިވަނީ ބަންދު ކޮށްފައި އޮންނަ ގޯޅިއަކީ މަޖީދީމަގަށް ނުކުމެވޭގޮތަށް އޮންނަ ގޯޅިއެއްކަމުން އެ ގޯޅިއަށް ނުވަދެވޭގޮތަށް ބަންދުކޮށްފައި އޮތުމުން އެ ސަރަހައްދުގައި އުޅޭ އެތައް ސަތޭކަ މީހުނަށް އެކަމުގެ ދައްޗާއި ކުރިމަތިލާން ޖެހޭ ކަމަށެވެ.
އޭނާގެ ފޭސްބޫކް ޕޯސްޓާއިއެކު މަލީޙް މިއަދު ކުރެއްވި ޓްވީޓެއްގައި ވިދާޅުވީ، ރައްޔިތުންނަށްވާ އުނދަގުލަށް ބެލުމެއް ނެތް ކަމަށާއި އެ ގޯޅި ބަންދުވުމަކީ މާލޭ ރައްޔިތުންގެ ބޮޑު ޝަކުވާއެއް ކަމަށެވެ. ނަމަވެސް ރައީސް ނަޝީދަށް މުހިންމުވަނީ އެމަނިކުފާނު، "ޝެހެންޝާހު" ހެދިފައި ރައްޔިތުންގެ ޓެކްސް ފައިސާ ތަޅާ ބުރުވަން ކަމަށް މަލީޙް ވިދާޅުވެފައިވެއެވެ.
"މީދެން ބޮޑުވަރު، މި މާލެއިން ރައީސް ނަޝީދު އެހެން ރަށަކަށް ބަދަލުވާންޖެހޭ." މަލީޙް ވިދާޅުވެފައިވެއެވެ.
ރައީސް ނަޝީދަށް ދެމުންގެންދާ ސެކިއުރިޓީ ވަރުގަދަކޮށްފައި ވަނީ ހުސްވި އަހަރުގެ މޭމަހު އެމަނިކުފާނަށް އަމާޒުކޮށް ދިން ޓެރަރިސްޓް ހަމަލާއާއި ގުޅިގެންނެވެ. މި ހަމަލާގައި އެމަނިކުފާނުގެ ހަށިކޮޅަށް ލިބުނު އަނިޔާތަކަށް ގިނަ ދުވަސްތަކެއް ވަންދެން ރާއްޖެއާއި ރާއްޖެއިން ބޭރުން ވެސް ވަނީ ފަރުވާ ހޯއްދަވާފައެވެ.
ރައްޔިތުންގެ މަޖިލީހުން އިތުބާރު ނެތްކަމުގެ ވޯޓް ނަގާ މަލީޙް މަގާމުން ބޭރުކުރިފަހުން، މަލީޙް ގެންދަވަނީ ސަރުކާރަށް ތަކުރާރުކޮށް ފާޑުވިދާޅުވަމުންނެވެ. ހާއްސަކޮށް ރައީސް ނަޝީދަށް ނިސްބަތް ކުރައްވާ ގިނަ ފާޑުކިޔުންތަކެއް އޭނާ ގެންދަވަނީ އަމާޒު ކުރައްވަމުންނެވެ.
އޭނާ ކުރި ފޭސްބޫކް ޕޯސްޓްގައި ބުނެފައިވަނީ ބަންދު ކޮށްފައި އޮންނަ ގޯޅިއަކީ މަޖީދީމަގަށް ނުކުމެވޭގޮތަށް އޮންނަ ގޯޅިއެއްކަމުން އެ ގޯޅިއަށް ނުވަދެވޭގޮތަށް ބަންދުކޮށްފައި އޮތުމުން އެ ސަރަހައްދުގައި އުޅޭ އެތައް ސަތޭކަ މީހުނަށް އެކަމުގެ ދައްޗާއި ކުރިމަތިލާން ޖެހޭ ކަމަށެވެ.
އޭނާގެ ފޭސްބޫކް ޕޯސްޓާއިއެކު މަލީޙް މިއަދު ކުރެއްވި ޓްވީޓެއްގައި ވިދާޅުވީ، ރައްޔިތުންނަށްވާ އުނދަގުލަށް ބެލުމެއް ނެތް ކަމަށާއި އެ ގޯޅި ބަންދުވުމަކީ މާލޭ ރައްޔިތުންގެ ބޮޑު ޝަކުވާއެއް ކަމަށެވެ. ނަމަވެސް ރައީސް ނަޝީދަށް މުހިންމުވަނީ އެމަނިކުފާނު، "ޝެހެންޝާހު" ހެދިފައި ރައްޔިތުންގެ ޓެކްސް ފައިސާ ތަޅާ ބުރުވަން ކަމަށް މަލީޙް ވިދާޅުވެފައިވެއެވެ.
"މީދެން ބޮޑުވަރު، މި މާލެއިން ރައީސް ނަޝީދު އެހެން ރަށަކަށް ބަދަލުވާންޖެހޭ." މަލީޙް ވިދާޅުވެފައިވެއެވެ.
ރައްޔިތުންގެ މަޖިލީހުން އިތުބާރު ނެތްކަމުގެ ވޯޓް ނަގާ މަލީޙް މަގާމުން ބޭރުކުރިފަހުން، މަލީޙް ގެންދަވަނީ ސަރުކާރަށް ތަކުރާރުކޮށް ފާޑުވިދާޅުވަމުންނެވެ. ހާއްސަކޮށް ރައީސް ނަޝީދަށް ނިސްބަތް ކުރައްވާ ގިނަ ފާޑުކިޔުންތަކެއް އޭނާ ގެންދަވަނީ އަމާޒު ކުރައްވަމުންނެވެ.
ކިޔުންތެރިންގެ ހިޔާލު