އެމްޑީޕީ ހިންގާލަން ހައްދުންމަތިން އެދި ތިބީ އާންމު ހައްދަށްވުރެ މާމަތިން ކަމަށް އެ ޕާޓީގެ ޗެއާޕާސަން ކަމަށް ވާދަކުރައްވާ އިކޮނޮމިކް މިނިސްޓަރު ފައްޔާޒް އިސްމާއީލް ރޭ ވިދާޅުވެއްޖެ އެވެ.

އިކޮނޮމިކް މިނިސްޓަރު ފައްޔާޒް އިސްމާއީލް މިހެން ވިދާޅުވީ ގަމު ދާއިރާ ހިމެނޭ ހައްދުންމަތީގެ ރަށްތަކަށް ކުރެއްވި ދަތުުރުފުޅާ ގުޅޭގޮތުން ކުރެއްވި ޓުވީޓެއްގައެެވެ. ގަމު ދާއިރާގެ ރައީސްގެ މަގާމުގައި ވެސް ހުންނެވި ފައްޔާޒު ވިދާޅުވީ ހައްދުންމަތިން ޕާޓީ ހިންގާލަން އެދި ތިބީ އާންމު ހައްދަށްވުރެ މާމަތިން ކަމަށެވެ.

ހައްދުންމަތިން ޕާޓީ ހިންގާލަން އެދިތިބީ އާންމު ހައްދަށްވުރެ މާމަތިން.

އޮހެމުން ދިޔަ ތަރުހީބާ ލިބެމުންދިޔަ ވިސްނުންތަކުގެ މައްޗަށް #MDPhingaalan ބައްޓަން ކުރެވޭނެ.

— Fayyaz Ismail (@faya_i) April 1, 2022

އަދި‏އޮހެމުން ދިޔަ ތަރުހީބާ ލިބެމުންދިޔަ ވިސްނުންތަކުގެ މައްޗަށް⁦އެމްޑީޕީގެ ‬⁩ހިންގުން ބައްޓަން ކުރެވޭނެ ކަމަށް ފައްޔާޒު ވިދާޅުވިއެވެ. ބަޔަކު ފާޑުކީ ނަމަވެސް އިންތިހާބުގައި ފަހަތަށް ޖެހިވަޑައިގަތުމަކީ ކުރައްވާނެ ކަމެއް ނޫން ކަމަށް އޭނާ ވިދާޅުވިއެވެ.

ސަރުކާރުގެ އިސްވެރިންނާއި ކުންފުނިތަކުގެ ވެރީންނާއި އަދި އެމްޑީޕީގެ ގައުމީ މަޖިލީހާއި ރައްޔިތުންގެ މަޖިލީހުގެ މެންބަރުންގެ ބޮޑު ތާއީދެއް ފައްޔާޒަށް އޮތްކަން އެބޭފުޅުން ވަނީ ހާމަކޮށްފައެވެ. ފައްޔާޒު ކެމްޕޭނަށް އަތޮޅުތަކަށް ކުރައްވާ ދަތުރުތަކުން ވަރަށް ބޮޑު ތަރުހީބެއް އަންނަނީ ލިބެމުންނެވެ.

އަންނަ މެއި މަހު ބޭއްވުމަށް ހަމަޖެހިފައިވާ އެމްޑީޕީގެ ޗެއާޕާސަން އިންތިޚާބުގައި ފައްޔާޒާއި ވާދަކުރައްވަނީ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި) އެވެ.