ބަންދުގައި ބައިތިއްބައިގެން ސިވިލްކޯޓަށް ހާޒިރުކުރުމަށް ހޯދަމުންދާ ތިން މީހެއްގެ ވަނަވަރު ފުލުހުން ޢާއްމު ކޮށްފިއެވެ.

ފުލުހުން ބުނީ ސިވިލް ކޯޓަށް ހުށަހަޅައިފައިވާ މައްސަލައަކާ ގުޅިގެން އެ ކޯޓަށް ހާޒިރުކުރެވިފައިނުވާ ތިން މީހަކު ބަންދުގައި ބައިތިއްބައިގެން ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރަކާ ގުޅިގެން އެ މީހުން ހޯދަން އިޢުލާނުކުރާ ކަމަށެވެ.

މި އަމުރާ ގުޅިގެން ފުލުހުން ހޯދަމުންދަނީ، ސ. ހިތަދޫ، ގެދަރު، އިބްރާހިމް ރަޝީދު، 47، އާއި މ. ބާދިޔާ، ޢަލީ ވަޙީދު، 73، އަދި ށ. ކޮމަންޑޫ، ސިތުރާ، ޢަބްދުﷲ އިބްރާހީމް، 43، އެވެ.

އިބްރާހިމް ރަޝީދު ހޯދަމުންދަނީ ޙުކުމް ތަންފީޒްކުރުމުގެ މައްސަލައާ ގުޅިގެން ސިވިލް ކޯޓަށް ހާޒިރުކުރަން ބޭނުންވެ ހާޒިރުކުރެވިފައިނުވާތީ، ބަންދުގައި ބަހައްޓައިގެން 2022 އޭޕްރީލް 4 ވަނަ ދުވަހުގެ 10:15 އަށް ސިވިލް ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރާ ގުޅިގެންނެވެ.

އަލީ ވަޙީދު ހޯދަމުންދަނީ ޙުކުމް ތަންފީޒްކުރުމުގެ މައްސަލައާ ގުޅިގެން ސިވިލް ކޯޓަށް ހާޒިރުކުރަން ބޭނުންވެ ހާޒިރުކުރެވިފައިނުވާތީ، ބަންދުގައި ބަހައްޓައިގެން 2022 އޭޕްރީލް 4 ވަނަ ދުވަހުގެ 09:30 އަށް ސިވިލް ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރާ ގުޅިގެންނެވެ.

އަދި ޢަބްދުﷲ އިބްރާހިމް ހޯދަމުންދަނީ ޙުކުމް ތަންފީޒްކުރުމުގެ މައްސަލައާ ގުޅިގެން ސިވިލް ކޯޓަށް ހާޒިރުކުރަން ބޭނުންވެ ހާޒިރުކުރެވިފައިނުވާތީ، ބަންދުގައި ބަހައްޓައިގެން 2022 އޭޕްރީލް 4 ވަނަ ދުވަހުގެ 09:45 އަށް ސިވިލް ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރާ ގުޅިގެންނެވެ.

ދިވެހި ފުލުހުންގެ ޚިދުމަތުން ވަނީ މި މީހުންނާ ބެހޭ އެއްވެސް މައުލޫމާތެއް ލިބިފައިވާ ފަރާތެއްވާނަމަ ޕޮލިސް ކަސްޓޯޑިއަލް ޑިޕާޓްމަންޓުގެ ނަންބަރު 9991442 އަށް ގުޅައި މަޢުލޫމާތު ހިއްސާކުރުމަށް އެދިފައެވެ.