މާލޭގެ މާރުކޭޓު ސަރަހައްދުގެ ޓްރެފިކް މެނޭޖު ކުރަން ފިޔަވަޅުތަކެއް އަޅަން ފުލުހުން ނިންމައިފިއެވެ.
ފުލުހުން މިއަދު ބުނީ، މާރުކޭޓު ސަރަހައްދުގެ ޓްރެފިކް މެނޭޖު ކުރަން ރަމަޟާން މަހުގެ ކޮންމެ ދުވަހަކު ވެސް މެންދުރުފަހު 1 ން 6 އަށް އެ ސަރަހައްދު ހަތަރު ފުރޮޅުލީ އުޅަނދުތަކަށް ނުވަދެވޭގޮތަށް ބަންދު ކުރެވޭނެ ކަމަށެވެ.
މިކަމުގެ ސަބަބުން ދިމާވެދާނެ ދަތިތަކަށް ފުލުހުންވަނީ އާންމު ރައްޔިތުންގެ ކިބައިން މައާފަށް އެދިފައެވެ.
މާލޭގެ މާރުކޭޓު ސަރަހައްދަކީ ރަމަޟާން މަހު އެންމެ ބާރުބޮޑުވާ އެއް ސަރަހައްދެވެ. ހާއްސަކޮށް އަސުރުގެ ވަގުތުން ރޯދަ ވީއްލާ ވަގުތާއި ދެމެދު، ގޭތެރެއަށް ބޭނުންވާ ތަފާތު އެކި ބާވަތްތައް ހޯދުމަށް ގިނަ ބަޔަކު މާރުކޭޓު ސަރަހައްދަށް ޖަމާވެއެވެ. އެހެންކަމުން އެ ވަގުތުތަކުގައި ހަތަރުފުރޮޅުލީ އުޅަނދު އެ ސަރަހައްދަށް ވަދެ އުޅުމަކީ މާރުކޭޓަށް ޒިޔާރަތް ކުރާ ފަރާތްތަކަށް އެކަމުން ދަތިތަކާ ކުރިމަތިވާ ކަމެއްކަން ފާހަގަ ކޮށްލެވެއެވެ.
މާރުކޭޓު ސަރަހައްދުގެ ޓްރެފިކް މެނޭޖްކުރުމަށްޓަކައި ރޯދަ މަހުގެ ކޮންމެ ދުވަހެއްގެ 13:00 އިން 18:00 އާ ހަމައަށް އެ ސަރަހައްދު ހަތަރު ފުރޮޅުލީ އުޅަނދުތަކަށް ބަންދުކުރެވޭނެ ވާހަކަ ދަންނަވަން. މިފަދަ ކަންކަމުގައި އާންމުންގެ ފަރާތުން ފުލުހުންނަށް ލިބޭ އެއްބާރުލުމަށް ޝުކުރު ދަންނަވަން. pic.twitter.com/DA9j8FsmYI
— Maldives Police (@PoliceMv) April 3, 2022
މާލޭގެ މާރުކޭޓު ސަރަހައްދަކީ ރަމަޟާން މަހު އެންމެ ބާރުބޮޑުވާ އެއް ސަރަހައްދެވެ. ހާއްސަކޮށް އަސުރުގެ ވަގުތުން ރޯދަ ވީއްލާ ވަގުތާއި ދެމެދު، ގޭތެރެއަށް ބޭނުންވާ ތަފާތު އެކި ބާވަތްތައް ހޯދުމަށް ގިނަ ބަޔަކު މާރުކޭޓު ސަރަހައްދަށް ޖަމާވެއެވެ. އެހެންކަމުން އެ ވަގުތުތަކުގައި ހަތަރުފުރޮޅުލީ އުޅަނދު އެ ސަރަހައްދަށް ވަދެ އުޅުމަކީ މާރުކޭޓަށް ޒިޔާރަތް ކުރާ ފަރާތްތަކަށް އެކަމުން ދަތިތަކާ ކުރިމަތިވާ ކަމެއްކަން ފާހަގަ ކޮށްލެވެއެވެ.
ކިޔުންތެރިންގެ ހިޔާލު