ސައުދީ ރަސްގެފާނު ސަލްމާން ބިން އަބްދުލް އަޒީޒްގެ ފަރާތުން ހަދިޔާކުރައްވާ ޚާއްސަ '"އިފްތާރު ޕެކޭޖް'" އިސްލާމިކް މިނިސްޓްރީއާ ހަވާލުކޮށްފިއެވެ.

ސައުދީ ރަސްގެފާނު ސަލްމާން ބިން އަބްދުލް އަޒީޒްގެ ފަރާތުން ހަދިޔާކުރައްވާ ޚާއްސަ ''އިފްތާރު ޕެކޭޖް'' ހަވާލުކޮށްދެއްވީ ސައުދީ ސަރުކާރުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު މެތްރެކް އަލްދޮސާރީއެވެ. ދިވެހި ސަރުކާރުގެ ފަރާތުން މިތަކެއްޗާއި ހަވާލުވެވަޑައިގަތީ އިސްލާމިކް މިނިސްޓަރ ޑރ. އަޙްމަދު ޒާހިރެވެ.

ސައުދީ ރަސްގެފާނު ދެއްވާ ޚާއްސަ ''އިފްތާރު ޕެކޭޖް'' މިނިސްޓްރީ އޮފް އިސްލާމިކް އެފެއާޒާ ހަވާލުކުރައްވައިފި.
މި އަހަރު ރާއްޖެއަށް ދެއްވާފައިވަނީ 200 ޕެކޭޖް.
މި ޕެކޭޖްތައް ބެހުމަށް ހަމަޖެހިފައިވަނީ ފަޤީރުންގެ ތެރެއިން އެންމެ މީހުން ގިނަ އާއިލާތަކަށް.#MVIaffairs pic.twitter.com/95c8W4XDAw

— Ministry of Islamic Affairs (@MVIaffairs) April 6, 2022

އިސްލާމިކް މިނިސްޓްރީން ބުނީ، ސައުދީ ރަސްގެފާނު ދެއްވާ މި ޚާއްސަ އިފްތާރު ޕެކޭޖުގެ ތެރެއިން މިއަހަރު ރާއްޖެއަށް ދެއްވާފައިވަނީ 200 ޕެކޭޖުކަމަށާއި މި ޕެކޭޖްތައް ބެހުމަށް ހަމަޖެހިފައިވަނީ ފަޤީރުންގެ ތެރެއިން އެންމެ މީހުން ގިނަ އާއިލާތަކަށްކަމަށެވެ.

ސައުދީ އަރަބިއްޔާއަކީ ރާއްޖެއަށް އެކި ގޮތްގޮތުން ގިނަ އެހީތަކެއް ފޯރުކޮށްދޭ ޤައުމެކެވެ. ވަކިން ޚާއްސަކޮށް ރާއްޖޭގައި އިސްލާމްދީން ކުރިއަރުވާ، ދީނީ ރޮނގުން މީހުން ބިނާކުރުމަށް ސައުދީ ސަރުކާރުން އަންނަނީ ގިނަ އެހީތަކެއް ފޯރުކޮށްދެމުންނެވެ.