މަސްވެރިންގެ އަޑުއެއްސެވުމަަށް ފިޝަރީޒް މިނިސްޓަރު ޑރ. ހުސައިން ރަޝީދު ހަސަން ގއ. ކޫއްޑޫއަށް ވަޑައިގެންފިއެވެ.

ފިޝަރީޒް މިނިސްޓަރު ޑރ. ހުސައިން ރަޝީދު ހަސަން ވިދާޅުވީ ރާއްޖޭގެ ދެކުނަށް މަސްކިރާގޮތް ބަލާ މަސްވެރިންގެ ކަންބޮޑުވުމާއި ޝަކުވާ އަޑުއެހުމަށް ގއ. ކޫއްޑޫއަށް ވަޑައިގެން އެބަ ހުންނެވި ކަމަށެވެ.

ރާއްޖޭގެ ދެކުނަށް މަސްކިރާގޮތް ބަލާ މަސްވެރިންގެ ކަންބޮޑުވުމާއި ސަކުވާ އަޑުއެހުމަށް އައިސް ގއ. ކޫއްޑޫގައި،@MoFMRAmv @mifcomv @horizon_pvt pic.twitter.com/vzfmilim0n

— Hussain R. Hassan (@DrHussainHassan) April 9, 2022

މިދުވަސްވަރު ދެކުނަށް މަސް ކިރާވަރު ވަރަށް ބޮޑަށް ވަނީ އިތުރުވެފައެވެ. މަސްވެރިކަން ރަނގަޅުވެ ގިނަ ދޯނިފަހަރު މަސް ކިރުމަށްދާތީ މިފްކޯއިން މަސް ގަންނަ އަދަދުވެސް ވަނީ ކޮންޓްރޯލް ކޮށްފައެވެ. އެގޮތުން ކޮންމެ ދޯންޏަކުން ފަސް ޓަނުގެ މަސް ކިރާ ގޮތަށް ހަމަޖެއްސުމުން ގިނަ މަސްވެރިން ވަނީ ކަންބޮޑުވުން ފާޅުކޮށްފައެެވެ.

މިކަމާ ގުޅިގެން މަސްވެރިން ޝަކުވާ ކުރަމުންދާ ކަމަށް ވިދާޅުވެ އެމްޑީޕީގެ ރައީސް މުހައްމަދު ނަޝީދު ވެސް ވިދާޅުވީ މި ސަރުކާރުން މަސްވެރިންނަށް ވެފައިވާ ވައުދު ނުފުއްދޭ ކަމަށާއި މަސްވެރިން އުފުލަނީ ހައްގު ޝަކުވާއެއް ކަމަށެވެ. ރައީސް ނަޝީދު އާންމު ކުރެއްވި ބަޔާނެއްގައި މަސްވެރިންނަށް ވެފައިވާ ވައުދު ފުއްދުމަށް އެމްޑީޕީގެ މެނިފެސްޓޯއަށް ރުޖޫއަ ވުމަށް ސަރުކާރަށް ވަނީ ގޮވާލައްވާފަައެވެ.