އައްޑޫ ސިޓީގައި ކުޑަކުއްޖަކަށް ޖިންސީ ގޯނާކުރިކަމަށް ތުހުމަތުކޮށް ހައްޔަރުކުރި ޢުމުރުން ދުވަސްވީ އަންހެންމީހާ ދޫކޮށްލަން ގޮވާލާ ސޮއިކުރި ޕެޓިޝަން 4 މުއައްސަސާއަކަށް ހުށައަޅައިފިއެވެ.
އައްޑޫ ސިޓީގައި 6 އަހަރުގެ ކުއްޖަކަށް ޖިންސީ ގޯނާ ކުރި ކަމަށް ތުހުމަތުކުރެވޭ މައްސަލައެއްގައި 59 އަހަރުގެ އަންހެނަކު ވަނީ ހައްޔަރު ކޮށްފައެވެ. ފުލުހުން ހައްޔަރުކޮށްފައިވާ 59 އަހަރުގެ އަންހެނަކީ އެކުއްޖާ ތައުލީމް ހާސިލްކުރާ ސްކޫލްގައި 30 އަހަރަށްވުރެ ގިނަ ދުވަހު މަސައްކަތު މީހެއްގެ ވަޒީފާ އަދާކޮށްފައިވާ މީހެކެވެ.
އެމީހާ ދޫކޮށްލަން ގޮވާލާ ޕެޓިޝަނުގައި ގާތްގަނޑަކަށް 3،000 މީހުން ސޮއިކޮށްފައިވާކަމަށް މަޢުލޫމާތުލިބެއެވެ. އެ ޕެޓިޝަން ހުށަހަޅާފައިވަނީ ރައްޔިތުންގެ މަޖިލީހާއި އެޗްއާރުސީއެމާއި ޖެންޑާ މިނިސްޓްރީ އާއި ފުލުހުންނަށާއި އައްޑޫ ސިޓީ ކައުންސިލަށެވެ.
ޖިންސީ ގޯނާގެ ޝިކާރައަކަށްވި 6 އަހަރުގެ ކުޑަކުއްޖާއަށް ޖިންސީ ގޯނާކުރީ އެކުއްޖާގެ ކާފަ ކަމަށް އެ ކުއްޖާ ތަހުގީގަށް ކިޔައިދީފައިވާކަމަށް އެ މައްސަލާގައި ހައްޔަރުކުރި އަންހެން މީހާގެ އާއިލާއިން ގެންދަނީ ބުނަމުންނެވެ.
މި މައްސަލާގައި ފުލުހުން ބުނެފައިވަނީ، މިކަމާ ގުޅިގެން އެކި ފަރާތްތަކުން ފުލުހުންނާއި ހިއްސާ ކުރަމުންދާ މައުލޫމާތުތަކުގެ މައްޗަށް ބިނާކޮށް އިތުރަށް ބަލަންޖެހޭ ކަންކަން ބަލައި އެ މައުލޫމާތުތަކުގެ ސައްހަކަން ކަށަވަކުރުމުގެ މަސައްކަތް ކުރަމުންދާ ކަމަށެވެ. އަދި މައްސަލައާ ގުޅިގެން ހޯދަންޖެހޭ ހެއްކާއި ގަރީނާ ހޯދައި، އިތުރު ފަރާތެއް މިމައްސަލާގައި ޝާމިލުވޭތޯ ބެލުމަށް ކުރަންޖެހޭ މަސައްކަތްތައް ފުލުހުން ކުރަމުން ގެންދާ ކަމަށްވެސް ފުލުހުން ވަނީ ބުނެފައެވެ.
މިކަމާއި ގުޅިގެން އައްޑޫގެ މޭޔަރު ޢަލީ ނިޒާރު ވިދާޅުވީ ރައްޔިތުންގެ ކަންބޮޑުވުންއޮތް މިފަދަ މައްސަލައެއްގައި ފުލުހުން، ރައްޔިތުންނަށް ދެވެންއޮތް މިންވަރަކުން މަޢުލޫމާތު ދޭންޖެހޭކަމަށެވެ. އަދި ޖެންޑަރ މިނިސްޓްރީންވެސް މިކަމުގައި އެއްބާރުލުން ދޭންޖެހޭކަމަށް މޭޔަރު ވިދާޅުވިއެވެ. އަދި މި މައްސަލައާއި ގުޅިގެން ރައްޔިތުން ކުރަމުންދާ ތުހުމަތުތަކަށް ބަލާލުން ރަނގަޅުކަމަށްވެސް ނިޒާރު ވިދާޅުވެފައިވެއެވެ.
މި މައްސަލައާއި ގުޅިގެން އައްޑޫ ސިޓީ ކައުންސިލުން ނެރުނު ބަޔާނެއްގައި ވަނީ ކުޑަކުދިންނަށްކުރާ މިފަދަ ގޯނާތަކަކީ ސީރިއަސް މައްސަލަތަކެއް ކަމަށާއި އެހެންކަމުން މި މައްސަލަ ސީރިއަސް މައްސަލައެއްގެ ގޮތުގައި ބަލައި އެކަމުގައި ޝާމިލުވާ އެންމެންގެ މައްސަލަތައް ވަކިވަކިން ތަހުގީގުކޮށް ދިނުމަށް ކަމާބެހޭ ފަރާތްތަކަށް ގޮވާލާފައެވެ.
އެމީހާ ދޫކޮށްލަން ގޮވާލާ ޕެޓިޝަނުގައި ގާތްގަނޑަކަށް 3،000 މީހުން ސޮއިކޮށްފައިވާކަމަށް މަޢުލޫމާތުލިބެއެވެ. އެ ޕެޓިޝަން ހުށަހަޅާފައިވަނީ ރައްޔިތުންގެ މަޖިލީހާއި އެޗްއާރުސީއެމާއި ޖެންޑާ މިނިސްޓްރީ އާއި ފުލުހުންނަށާއި އައްޑޫ ސިޓީ ކައުންސިލަށެވެ.
ޖިންސީ ގޯނާގެ ޝިކާރައަކަށްވި 6 އަހަރުގެ ކުޑަކުއްޖާއަށް ޖިންސީ ގޯނާކުރީ އެކުއްޖާގެ ކާފަ ކަމަށް އެ ކުއްޖާ ތަހުގީގަށް ކިޔައިދީފައިވާކަމަށް އެ މައްސަލާގައި ހައްޔަރުކުރި އަންހެން މީހާގެ އާއިލާއިން ގެންދަނީ ބުނަމުންނެވެ.
މި މައްސަލާގައި ފުލުހުން ބުނެފައިވަނީ، މިކަމާ ގުޅިގެން އެކި ފަރާތްތަކުން ފުލުހުންނާއި ހިއްސާ ކުރަމުންދާ މައުލޫމާތުތަކުގެ މައްޗަށް ބިނާކޮށް އިތުރަށް ބަލަންޖެހޭ ކަންކަން ބަލައި އެ މައުލޫމާތުތަކުގެ ސައްހަކަން ކަށަވަކުރުމުގެ މަސައްކަތް ކުރަމުންދާ ކަމަށެވެ. އަދި މައްސަލައާ ގުޅިގެން ހޯދަންޖެހޭ ހެއްކާއި ގަރީނާ ހޯދައި، އިތުރު ފަރާތެއް މިމައްސަލާގައި ޝާމިލުވޭތޯ ބެލުމަށް ކުރަންޖެހޭ މަސައްކަތްތައް ފުލުހުން ކުރަމުން ގެންދާ ކަމަށްވެސް ފުލުހުން ވަނީ ބުނެފައެވެ.
މި މައްސަލައާއި ގުޅިގެން އައްޑޫ ސިޓީ ކައުންސިލުން ނެރުނު ބަޔާނެއްގައި ވަނީ ކުޑަކުދިންނަށްކުރާ މިފަދަ ގޯނާތަކަކީ ސީރިއަސް މައްސަލަތަކެއް ކަމަށާއި އެހެންކަމުން މި މައްސަލަ ސީރިއަސް މައްސަލައެއްގެ ގޮތުގައި ބަލައި އެކަމުގައި ޝާމިލުވާ އެންމެންގެ މައްސަލަތައް ވަކިވަކިން ތަހުގީގުކޮށް ދިނުމަށް ކަމާބެހޭ ފަރާތްތަކަށް ގޮވާލާފައެވެ.
ކިޔުންތެރިންގެ ހިޔާލު