މާލޭގައި ބިދޭސީންތަކެއްގެ މެދުގައި މާރާމާރީއެއް ހިންގައިފިއެވެ.
ފުލުހުން ދެންމެބުނީ، މާލޭގެ ސޯސަންމަގުގައި ބިދޭސީންތަކެއްގެ މެދުގައި މާރާމާރީއެއް ހިންގައިގެން އުޅޭކަމުގެ ރިޕޯޓު މިރޭ 8:20 ގައި ފުލުހުންނަށް ލިބިފައިވާ ކަމަށެވެ. ފުލުހުން ބުނީ މި މާރާމާރީގައި ބިދޭސީއަކަށް އަނިޔާވެފައިވާ ކަމަށާއި އެތަނުގައި ފުލުހުން ހަރަކާތްތެރިވަމުން ދާކަމަށެވެ. ނަމަވެސް ބިދޭސީ މީހާއަށް ލިބުނީ ކިހާވަރެއްގެ ކޮން އަނިޔާއެއްކަމެއް ފުލުހުން ހާމައެއް ނުކުރެއެވެ.
ބިދޭސީންތަކެއްގެ މެދުގައި މާރާމާރީ ހިންގާފައި މިވަނީ، ހުޅުމާލޭގެ ރެސްޓޯރެންޓެއްގައި ދެ ބިދޭސީއެއްގެ ދެމެދު ހިނގި ހަމަނުޖެހުމެއްގައި އެ ރެސްޓޯރެންޓްގެ ވެއިޓަރެއްގެ ގަޔަށް ވަޅިހަރާ މަރާލާފައިވަނިކޮށެވެ. ބަންގްލަދޭޝްގެ އެމީހާއަށް ހަމަލާދިނުމަށްފަހު އެ ރެސްޓޯރެންޓްގެ ކައްކާ ވަނީ ފިލާފައެވެ. އެހެންކަމުން މިރޭ ފުލުހުންވަނީ އެމީހާގެ ފޮޓޯ އާންމުކޮށް އޭނާ ހޯދުމުގައި އާންމުންގެ އެހީތެރިކަމަށް އެދިފައެވެ.
މިއަދު ހިނގި އެ ހާދިސާއާއި ގުޅިގެން ބަންގްލަދޭޝްއަށް ނިސްބަތްވާ ގިނަ އަދަދެއްގެ ބިދޭސީން މިހާރުވަނީ މުޒާހަރާއަށް ވެސް ނުކުމެފައެވެ. މައުލޫމާތު ލިބިފައިވާ ގޮތުގައި އެ މީހުން މިހާރު ދަނީ ރާއްޖޭގައި ހުންނަ އެ ގައުމުގެ ހައިކޮމިޝަން ކުރިމަތީގައި މުޒާހަރާ ކުރަމުންނެވެ.
މިއަދު ހިނގި އެ ހާދިސާއާއި ގުޅިގެން ބަންގްލަދޭޝްއަށް ނިސްބަތްވާ ގިނަ އަދަދެއްގެ ބިދޭސީން މިހާރުވަނީ މުޒާހަރާއަށް ވެސް ނުކުމެފައެވެ. މައުލޫމާތު ލިބިފައިވާ ގޮތުގައި އެ މީހުން މިހާރު ދަނީ ރާއްޖޭގައި ހުންނަ އެ ގައުމުގެ ހައިކޮމިޝަން ކުރިމަތީގައި މުޒާހަރާ ކުރަމުންނެވެ.
ކިޔުންތެރިންގެ ހިޔާލު