ހުސްވި އަހަރު އެމްޓީސީސީއަށް 271 މިލިއަނަށް ވުރެ ގިނަ ރުފިޔާ ސާފު ފައިދާގެ ގޮތުގައި ލިބިފައިވާކަން ހާމަކޮށްފިއެވެ.
އެމްޓީސީސީގެ 2021 ވަނަ އަހަރުގެ މާލީ ނަތީޖާ ދައްކާގޮތުން ޓެކުހަށް ކެނޑުމުގެ ކުރިން ސާފު ފައިދާގެ ގޮތުގައި 271.82 މިލިއަން ރުފިޔާ ވަނީ ކުންފުންޏަށް ލިބިފައެވެ. މިއީ 2020 ވަނަ އަހަރުގެ މާލީ ނަތީޖާއާއި އަޅާބަލާއިރު 21 އިންސައްތަ އިތުރު އަދަދެކެވެ.
އެމްޓީސީސީގެ 2021 ވަނަ އަހަރުގެ މާލީ ނަތީޖާގެ ތަފްސީލަށް ނަޒަރު ހިންގާލާއިރު، 2021 ވަނަ އަހަރު ޖުމުލަ 1.97 ބިލިއަން ރުފިޔާގެ ވިޔަފާރި ކޮށްގެން 271.82 މިލިއަން ރުފިޔާ، ޓެކުހަށް ކެނޑުމުގެ ކުރިން ސާފު ފައިދާގެ ގޮތުގައި ވަނީ ރިކޯޑްކުރެވިފައެވެ. މި ނަތީޖާއަކީ ކުންފުނީގެ 41 އަހަރުގެ ދިގު ތާރީޚްގައި އެންމެ ރަނގަޅު މާލީ ނަތީޖާ ހާސިލްކުރެވުނު އަހަރެވެ.
އަދި 2021 ވަނަ އަހަރު މާލީ ނަތީޖާއާއިއެކު 5.00 ރުފިޔާގެ މޫނުމަތީ އަގުގެ ހިއްސާއަކަށް 3.50 ރުފިޔާ، ޖުމުލަ ހިއްސާގެ ފައިދާގެ ގޮތުގައި 28.13 މިލިއަން ރުފިޔާ ބެހުމަށް 2021 ވަނަ އަހަރުގެ އަހަރީ ޢާންމު ޖަލްސާއަށް ހުށަހެޅުމަށް ކުންފުނީގެ ޑިރެކްޓަރުންގެ ބޯޑުން ވަނީ ނިންމާފައެވެ. މިއީވެސް ކުންފުނީގެ 41 އަހަރުގެ ދިގު ތާރީޚްގައި ހިއްސާދާރުންނަށް ހިއްސާގެ ފައިދާގެ ގޮތުގައި ބެހުމަށް ކަނޑައެޅުނު އެންމެ ބޮޑު ފައިދާއެވެ.
2021 ވަނައަހަރުގެ ކުންފުނިން ހާސިލްކޮށްފައިވާ ލަނޑުދަނޑިތަކަށް ބަލާއިރު، ރާއްޖޭގެ ޢުމްރާނީ ތަރައްޤީގެ ބައިވެރިއެއްގެ ގޮތުން 2021 ވަނަ އަހަރު ވަނީ ޢުމްރާނީ ތަރައްޤީގެ ގިނަ މަޝްރޫއުތަކެއް ކާމިޔާބު ކަމާއިއެކު ހިންގާފައެވެ. އެގޮތުން އަހަރު ތެރޭގައި ޢުމްރާނީ ތަރައްޤީގެ އައު 57 މަޝްރޫއުއެއް އެމްޓީސީސީއާ ހަވާލުކޮށް 27 މަޝްރޫއެއްގެ މަސައްކަތްވަނީ ކާމިޔާބުކަމާއިއެކު ނިންމާލާފައެވެ.
އެމްޓީސީސީގެ އާންމު ވިޔަފާރި ދާއިރާއާއި ކުންފުނީގެ އެހެނިހެން ވިޔަފާރި ދާއިރާތަކަށް އަމާޒުކޮށް ތަފާތުއެކި މާކެޓިންގ ހަރަކާތްތަކެއްވެސް 2021 ވަނަ އަހަރުގެ ތެރޭގައިވަނީ ހިންގިފައެވެ. އަދި މުޅި ދިވެހިރާއްޖޭގެ އާންމު ދަތުރުފަތުރުގެ ޚިދުމަތް ސަރުކާރުން އެމްޓީސީސީއާ 2021 ވަނަ އަހަރު ވަނީ ހަވާލުކޮށްފައެވެ. އެގޮތުން މޯލްޑިވްސް ޕޯޓްސް ލިމިޓެޑުން ގްރޭޓަރ މާލެ ސަރަހައްދާއި އަތޮޅުތެރޭގައި ދެމުންއައި އާންމުބަހާއި ފެރީގެ ޚިދުމަތްވަނީ އެމްޓީސީސީއާ ޙަވާލުކޮށްފައެވެ.
ހަމައެހެންމެ ރާއްޖޭގެ ރަށްތައް ހައި ސްޕީޑް ފެރީގެ ނިޒާމަކުން، އެއް ވިއުގައަކުން ގުޅާލުމަށް ސަރުކާރުން ވެފައިވާ ވައުދުގެ ދަށުން "ރާއްޖެ ޓްރާންސްޕޯޓް ލިންކް" ޕްރޮޖެކްޓްގެ ފުރަތަމަ ފިޔަވަހީގެ މަސައްކަތް އެމްޓީސީސީއާ ހާވާލުކޮށްފައިވަނީވެސް 2021 ވަނަ އަހަރު ތެރޭގައެވެ. އަދި ކުންފުނީގެ މަޝްރޫޢުތައް ހިނގަމުންދާ ރައްރަށަށް ކުންފުނީގެ އިޖުތިމާއީ ޒިންމާގެ ދަށުން ވަނީ ޖުމުލަ 304 ހަރަކާތެއް ހިންގާ، އެކިގޮތްގޮތުން އެހީތެރިކަން ފޯރުކޮށްދީ ގިނަ މަސައްކްތަކެއް ކޮށްދީފައިއެވެ.
އެމްޓީސީސީގެ 2021 ވަނަ އަހަރުގެ މާލީ ނަތީޖާގެ ތަފްސީލަށް ނަޒަރު ހިންގާލާއިރު، 2021 ވަނަ އަހަރު ޖުމުލަ 1.97 ބިލިއަން ރުފިޔާގެ ވިޔަފާރި ކޮށްގެން 271.82 މިލިއަން ރުފިޔާ، ޓެކުހަށް ކެނޑުމުގެ ކުރިން ސާފު ފައިދާގެ ގޮތުގައި ވަނީ ރިކޯޑްކުރެވިފައެވެ. މި ނަތީޖާއަކީ ކުންފުނީގެ 41 އަހަރުގެ ދިގު ތާރީޚްގައި އެންމެ ރަނގަޅު މާލީ ނަތީޖާ ހާސިލްކުރެވުނު އަހަރެވެ.
އަދި 2021 ވަނަ އަހަރު މާލީ ނަތީޖާއާއިއެކު 5.00 ރުފިޔާގެ މޫނުމަތީ އަގުގެ ހިއްސާއަކަށް 3.50 ރުފިޔާ، ޖުމުލަ ހިއްސާގެ ފައިދާގެ ގޮތުގައި 28.13 މިލިއަން ރުފިޔާ ބެހުމަށް 2021 ވަނަ އަހަރުގެ އަހަރީ ޢާންމު ޖަލްސާއަށް ހުށަހެޅުމަށް ކުންފުނީގެ ޑިރެކްޓަރުންގެ ބޯޑުން ވަނީ ނިންމާފައެވެ. މިއީވެސް ކުންފުނީގެ 41 އަހަރުގެ ދިގު ތާރީޚްގައި ހިއްސާދާރުންނަށް ހިއްސާގެ ފައިދާގެ ގޮތުގައި ބެހުމަށް ކަނޑައެޅުނު އެންމެ ބޮޑު ފައިދާއެވެ.
2021 ވަނައަހަރުގެ ކުންފުނިން ހާސިލްކޮށްފައިވާ ލަނޑުދަނޑިތަކަށް ބަލާއިރު، ރާއްޖޭގެ ޢުމްރާނީ ތަރައްޤީގެ ބައިވެރިއެއްގެ ގޮތުން 2021 ވަނަ އަހަރު ވަނީ ޢުމްރާނީ ތަރައްޤީގެ ގިނަ މަޝްރޫއުތަކެއް ކާމިޔާބު ކަމާއިއެކު ހިންގާފައެވެ. އެގޮތުން އަހަރު ތެރޭގައި ޢުމްރާނީ ތަރައްޤީގެ އައު 57 މަޝްރޫއުއެއް އެމްޓީސީސީއާ ހަވާލުކޮށް 27 މަޝްރޫއެއްގެ މަސައްކަތްވަނީ ކާމިޔާބުކަމާއިއެކު ނިންމާލާފައެވެ.
ހަމައެހެންމެ ރާއްޖޭގެ ރަށްތައް ހައި ސްޕީޑް ފެރީގެ ނިޒާމަކުން، އެއް ވިއުގައަކުން ގުޅާލުމަށް ސަރުކާރުން ވެފައިވާ ވައުދުގެ ދަށުން "ރާއްޖެ ޓްރާންސްޕޯޓް ލިންކް" ޕްރޮޖެކްޓްގެ ފުރަތަމަ ފިޔަވަހީގެ މަސައްކަތް އެމްޓީސީސީއާ ހާވާލުކޮށްފައިވަނީވެސް 2021 ވަނަ އަހަރު ތެރޭގައެވެ. އަދި ކުންފުނީގެ މަޝްރޫޢުތައް ހިނގަމުންދާ ރައްރަށަށް ކުންފުނީގެ އިޖުތިމާއީ ޒިންމާގެ ދަށުން ވަނީ ޖުމުލަ 304 ހަރަކާތެއް ހިންގާ، އެކިގޮތްގޮތުން އެހީތެރިކަން ފޯރުކޮށްދީ ގިނަ މަސައްކްތަކެއް ކޮށްދީފައިއެވެ.
ކިޔުންތެރިންގެ ހިޔާލު