ދިވެހިރާއްޖެއަކީ، ދެކުނު އޭޝިޔާގެ ގައުމުތަކުގެ ތެރެއިން ނޫސްވެރިކަމުގެ މިނިވަންކަން އެންމެ ފުރިހަމައަށް ލިބިދީފައިވާ ގައުމުކަމަށް ރާއްޖޭގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
މިއަދު ފާހަގަކުރާ ބައިނަލްއަގްވާމީ ނޫސްވެރިކަމުގެ މިނިވަންކަމުގެ ދުވަހުގެ މުނާސަބަތުގައި ދެއްވި ހިތާބުގައި ރައީސް ވިދާޅުވީ، މި ސަރުކާރުގެ ފުރަތަމަ ދުވަހުން ފެށިގެން، ދިވެހި ނޫސްވެރިންނަށް ފަހިކޮށްދިން މިނިވަން މާހައުލުގެ ސަބަބުން، ނޫސްވެރިންގެ ފަރާތުން ފެންނަނީ ޒިންމާދާރުކަމާއެކު، އެ މީހުންގެ ވާޖިބު އަދާކޮށް، ކަންކަމުގެ ތެދު މައުލޫމާތާއި ހަގީގަތް ހާމަކޮށްދޭން މަސައްކަތް ކުރާ މަންޒަރު ކަމަށެވެ. އަދި ރާއްޖެއަކީ ދެކުނު އޭޝިޔާގެ ގައުމުތަކުގެ ތެރެއިން، ނޫސްވެރިކަމުގެ މިނިވަންކަމުގެ ހައްގު އެންމެ ފުރިހަމައަށް ލިބިދީފައިވާ ގައުމުކަމަށް އެމަނިކުފާނު ވަނީ ވިދާޅުވެފައެވެ.
ހިތާބުގައި އެމަނިކުފާނު ވަނީ، ނޫސްވެރިންގެ ހައްގު ހިމާޔަތް ކޮށްދިނުމަށް ސަރުކާރުން ވެފައިވާ ވައުދާ އެއްގޮތަށް، ހަބަރާއި މައުލޫމާތު ފެތުރުމުގެ ފުރިހަމަ މިނިވަންކަމާއި، މައުލޫމާތު ހޯދައި ލިބިގަތުމުގެ ހައްގު، ކުރިމަގުގައި ވެސް ދިވެހި ނޫސްވެރިންނަށާއި ދިވެހި ރައްޔިތުންނަށް ފުރިހަމައަށް ލިބިދޭނެކަމުގެ ޔަގީންކަން ދެއްވާފައެވެ.
"ވަރަށް ހަރުކަށި ހިފެހެއްޓުންތަކެއްގެ ތެރޭގައި މީގެ ތިން އަހަރު ކުރިން އޮތް ދިވެހި ނޫސްވެރިކަމަށް ފުރިހަމަ މިނިވަންކަން ދިނުމުގެ ނަތީޖާއާ މެދު މިއަދު އަޅުގަނޑު އުފާކުރަން." ރައީސް އިބްރާހިމް މުޙައްމަދު ޞާލިޙް ވިދާޅުވިއެވެ.
ރައީސް ވިދާޅުވީ، މިނިވަން ނޫސްވެރިކަމަށް ފުރުސަތު ދިނުމަކީ، ސަރުކާރު ޒިންމާދާރު ކުރުވައި، ޑިމޮކްރަސީ ހަރުދަނާ ކުރުމަށް ކޮންމެހެން ކުރަން ޖެހޭ ކަމެއް ކަމަށާއި ކޮރަޕްޝަނާއި ހިޔާނާތުގެ އަމަލުތައް ނައްތާލެވެނީ އެ މިނިވަކަން ފުރިހަމަ ކަމާއެކު ލިބިގެން ކަމަށް އެ މަނިކުފާނު ވިދާޅުވިއެވެ. އަދި މިދިޔަ ތިން އަހަރުގެ ތަޖުރިބާއިން އެނގިވަޑައިގަތީ، ކުރިއަރާފައިވާ ޑިމޮކްރެސީތަކުން ފެންނަ ފަދަ ޒިންމާދާރު ނޫސްވެރިކަމެއް ބޭއްވޭނީ ނޫސްވެރިކަން ހިފެހެއްޓުމުގެ ބަދަލުގައި ނޫސްވެރިންނަށް ފުރިހަމަ މިނިވަންކަން ދިނުމުން ކަމަށްކަމަށް އެމަނިކުފާނު ވިދާޅުވިއެވެ.
ނަމަވެސް ނޫސްވެރިކަމުގެ މިނިވަންކަން އެއްވެސް ހިފެހެއްޓުމެއް ނެތި ދީފައި އޮތަސް، ކޮންމެ ނޫސްވެރިއެއްގެ ކޮނޑުގައި ވެސް ވަރަށް މަތިވެރި ގައުމީ މަސްއޫލިއްޔަތެއް އެޅިފައިވާކަން ހަނދާން ކޮށްދެއްވައި، ރައީސް ވަނީ، ހަގީގަތާއި ތެދު މައުލޫމާތު ހާމަކޮށް، މީހުންގެ އަބުރު ރައްކާތެރިކުރުމުގެ ހައްގު ހިމާޔަތް ކޮށްދިނުމަށް ނޫސްވެރިންގެ ކިބައިން އެދިވަޑައިގެންފައެވެ.
ނޫސްވެރިކަމުގެ މިނިވަންކަމުގެ ދުވަހާއި ގުޅުވައިގެން މިއަދު ދެއްވި ހިތާބުގައި އެމަނިކުފާނުވަނީ ދުވަހުގެ މުނާސަބަތުގައި، ރާއްޖޭގެ ހުރިހާ ނޫސްވެރިންނަށާއި، ނޫސް އިދާރާތަކުގެ ވެރިންނަށާއި މުވައްޒަފުންނަށް، އަދި ނޫސްވެރިންގެ އާއިލާތަކަށް، ތަހުނިޔާ ވިދާޅުވެފައެވެ.
ހިތާބުގައި އެމަނިކުފާނު ވަނީ، ނޫސްވެރިންގެ ހައްގު ހިމާޔަތް ކޮށްދިނުމަށް ސަރުކާރުން ވެފައިވާ ވައުދާ އެއްގޮތަށް، ހަބަރާއި މައުލޫމާތު ފެތުރުމުގެ ފުރިހަމަ މިނިވަންކަމާއި، މައުލޫމާތު ހޯދައި ލިބިގަތުމުގެ ހައްގު، ކުރިމަގުގައި ވެސް ދިވެހި ނޫސްވެރިންނަށާއި ދިވެހި ރައްޔިތުންނަށް ފުރިހަމައަށް ލިބިދޭނެކަމުގެ ޔަގީންކަން ދެއްވާފައެވެ.
"ވަރަށް ހަރުކަށި ހިފެހެއްޓުންތަކެއްގެ ތެރޭގައި މީގެ ތިން އަހަރު ކުރިން އޮތް ދިވެހި ނޫސްވެރިކަމަށް ފުރިހަމަ މިނިވަންކަން ދިނުމުގެ ނަތީޖާއާ މެދު މިއަދު އަޅުގަނޑު އުފާކުރަން." ރައީސް އިބްރާހިމް މުޙައްމަދު ޞާލިޙް ވިދާޅުވިއެވެ.
ރައީސް ވިދާޅުވީ، މިނިވަން ނޫސްވެރިކަމަށް ފުރުސަތު ދިނުމަކީ، ސަރުކާރު ޒިންމާދާރު ކުރުވައި، ޑިމޮކްރަސީ ހަރުދަނާ ކުރުމަށް ކޮންމެހެން ކުރަން ޖެހޭ ކަމެއް ކަމަށާއި ކޮރަޕްޝަނާއި ހިޔާނާތުގެ އަމަލުތައް ނައްތާލެވެނީ އެ މިނިވަކަން ފުރިހަމަ ކަމާއެކު ލިބިގެން ކަމަށް އެ މަނިކުފާނު ވިދާޅުވިއެވެ. އަދި މިދިޔަ ތިން އަހަރުގެ ތަޖުރިބާއިން އެނގިވަޑައިގަތީ، ކުރިއަރާފައިވާ ޑިމޮކްރެސީތަކުން ފެންނަ ފަދަ ޒިންމާދާރު ނޫސްވެރިކަމެއް ބޭއްވޭނީ ނޫސްވެރިކަން ހިފެހެއްޓުމުގެ ބަދަލުގައި ނޫސްވެރިންނަށް ފުރިހަމަ މިނިވަންކަން ދިނުމުން ކަމަށްކަމަށް އެމަނިކުފާނު ވިދާޅުވިއެވެ.
ނޫސްވެރިކަމުގެ މިނިވަންކަމުގެ ދުވަހާއި ގުޅުވައިގެން މިއަދު ދެއްވި ހިތާބުގައި އެމަނިކުފާނުވަނީ ދުވަހުގެ މުނާސަބަތުގައި، ރާއްޖޭގެ ހުރިހާ ނޫސްވެރިންނަށާއި، ނޫސް އިދާރާތަކުގެ ވެރިންނަށާއި މުވައްޒަފުންނަށް، އަދި ނޫސްވެރިންގެ އާއިލާތަކަށް، ތަހުނިޔާ ވިދާޅުވެފައެވެ.
ކިޔުންތެރިންގެ ހިޔާލު