ލ. ގަމުގައި އަޅާ ކެންސަރ ހޮސްޕިޓަލަކީ 50 އެނދުގެ ހޮސްޕިޓަލެއްކަމަށް ހެލްތު މިނިސްޓްރީން ބުނެފިއެވެ.
ރާއްޖޭގައި ކެންސަރު ބައްޔަށް ފަރުވާ ކުރާ ބަލިމީހުންނަށް ފަރުވާ ދިނުމަށް ހާއްސަ ހޮސްޕިޓަލެއް ގާއިމް ކުރުމުގެ މަޝްވަރާތައް އެންމެ ފުރަތަމަ ފެށުނީ 2019، ޖޫން މަހު އިންޑިއާގެ ބޮޑުވަޒީރު ނަރެންދުރަ މޯދީ ރާއްޖެއަށް ކުރެއްވި ޒިޔާރަތުގައެވެ. އެއަށްފަހު ކެންސަރ ހޮސްޕިޓަލް ގާއިމް ކުރުމަށް ނިންމާ، 2020 ވަނަ އަހަރުގެ ރިޔާސީ ބަޔާނުގައި ރައީސް ޞާލިޙް އެކަން އިއުލާން ކުރެއްވިއެވެ. އެގޮތުން، ހުޅުމާލޭގައި ކެންސަރ ހޮސްޕިޓަލް އަޅަން ނިންމާ، ޕްރިލިމިނަރީ ސާވޭ ވެސް ހެދިއެވެ.
ކެންސަރ ހޮސްޕިޓަލުގެ މަޝްރޫއު ލ. ގަމަށް ބަދަލުވެގެން ދިޔައީ ރާއްޖެ ލާމަރުކަޒު ކުރުމުގެ ގޮތުން ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް ނިންމެވި ނިންމުމާއެކުއެވެ. އިންޑީއާގެ އެހީގައި ގަމުގައި އަޅާ ކެންސަރ ހޮސްޕިޓަލް އެޅުމަށް ދައުލަތުގެ ބަޖެޓުގައި ކަނޑައަޅާފައިވަނީ 98 މިލިޔަން ރުފިޔާއެވެ.
ހެލްތު މިނިސްޓްރީން ބުނީ ލ. ގަމުގައި އަޅާ ކެންސަރު ހޮސްޕިޓަލަކީ 50 އެނދުގެ ހޮސްޕިޓަލެއްކަމަށެވެ. އަދި އެހޮސްޕިޓަލް ވަކި އިމާރާތެއްގެ ގޮތުގައި އެޅިނަމަވެސް، އެތަނުން ހިދުމަތް ދޭނީ އެ ރަށުގައި ޤާއިމްކުރާ ޓާޝަރީ ހޮސްޕިޓަލާ ގުޅިގެންކަމަށްވެސް މިނިސްޓްރީން ވަނީ ބުނެފައެވެ. އެގޮތުން ގަމުގައި ޤާއިމްކުރާ ޓާޝަރީ ހޮސްޕިޓަލުގައިވެސް ކެންސަރު ބައްޔާއި ގުޅުންހުރި ޚިދުމަތްތައް ތަޢާރަފްކޮށްފައި ހުންނާނޭކަމަށް މިނިސްޓްރީން މަޢުލޫމާތުދެއެވެ.
ކެންސަރ ހޮސްޕިޓަލަށް ބޭނުންވާ ދިވެހި ޑޮކްޓަރުންނަށް ތަމްރީން ދިނުމަށް ޤައުމީ ޕްރޮގްރާމެއް ކުރިއަށް ގެންދިޔުމަށް ނިންމާފައިވާކަމަށްވެސް މިނިސްޓްރީން ވަނީ ބުނެފައެވެ. ސަރުކާރުން އަމާޒު ހިފާފައިވަނީ މިއަހަރުގެ ތެރޭގައި ޢަމަލީ މަސައްކަތް ފަށައި ދެއަހަރުގެ ތެރޭގައި ކެންސަރ ހޮސްޕިޓަލްގެ މަސައްކަތްތައް ނިންމާލުމަށެވެ.
ލ. ގަމުގައި ސަރުކާރުން ތަރައްޤީކުރުމަށް ނިންމާފައިވާ ކެންސަރު ބަލީގެ ހޮސްޕިޓަލް އެޅުމަށް ބޭނުންވާ ޑީޓެއިލް ޕްރޮޖެކްޓް ރިވިއު ހެދުމަށް އިންޑިއާގެ މުމްބާއިގައި ހުންނަ ޓާޓާ މެމޯރިއަލް ސެންޓަރ (ޓީއެމްސީ)ގެ ޚާއްޞަ ޓީމެއް މިދިޔަ އަހަރު ރާއްޖެ ވަނީ އައިސްފައެވެ.
ރާއްޖެއިން އަހަރެއްގެ މައްޗަށް 400 އެއްހާ ކެންސަރ ބަލިމީހުން ދެނެގަނެވޭއިރު، ބައެއް ޑޮކްޓަރުން ލަފާ ދޭ ގޮތުގައި، އަސްލު އަަދަދު 800 އާ ގާތް ކުރާނެއެވެ. ކެންސަރު ބައްޔަކީ ރާއްޖޭގައި 3 ވަނައަށް އެންމެ ގިނައިން މީހުން މަރުވާ ސަބަބު ވެސް މެއެވެ.
މިހާރު ރާއްޖޭގައި ކެންސަރު ބައްޔަށް ފަރުވާ ދެނީ މަދު ހޮސްޕިޓަލް ތަކުގައެވެ. އަދި ބޮޑެތި ތަހުލީލުތަކާއި، ބަލީގެ ތަފްސީލު ދެނެގަނެ، ރޭޑިއޭޝަންދީ، ބައެއް އޮޕަރޭޝަން ކުރަން ދާން ޖެހެނީ ރާއްޖެއިން ބޭރަށެވެެ. ރާއްޖޭގައި ކެންސަރ ހޮސްޕިޓަލެއް ގާއިމް ކުރުމާއެކު، ކެންސަރ ބަލީގެ މީހުން ދެނެގަތުމަށް އިތުރު ފަސޭހަތަކެއްވެ، ކުރިއާލާ ފަރުވާ ކުރެވޭނެ މަގު ފަސޭހައިން ފަހިވެގެން ދާނެއެވެ.
ކެންސަރ ހޮސްޕިޓަލުގެ މަޝްރޫއު ލ. ގަމަށް ބަދަލުވެގެން ދިޔައީ ރާއްޖެ ލާމަރުކަޒު ކުރުމުގެ ގޮތުން ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް ނިންމެވި ނިންމުމާއެކުއެވެ. އިންޑީއާގެ އެހީގައި ގަމުގައި އަޅާ ކެންސަރ ހޮސްޕިޓަލް އެޅުމަށް ދައުލަތުގެ ބަޖެޓުގައި ކަނޑައަޅާފައިވަނީ 98 މިލިޔަން ރުފިޔާއެވެ.
ހެލްތު މިނިސްޓްރީން ބުނީ ލ. ގަމުގައި އަޅާ ކެންސަރު ހޮސްޕިޓަލަކީ 50 އެނދުގެ ހޮސްޕިޓަލެއްކަމަށެވެ. އަދި އެހޮސްޕިޓަލް ވަކި އިމާރާތެއްގެ ގޮތުގައި އެޅިނަމަވެސް، އެތަނުން ހިދުމަތް ދޭނީ އެ ރަށުގައި ޤާއިމްކުރާ ޓާޝަރީ ހޮސްޕިޓަލާ ގުޅިގެންކަމަށްވެސް މިނިސްޓްރީން ވަނީ ބުނެފައެވެ. އެގޮތުން ގަމުގައި ޤާއިމްކުރާ ޓާޝަރީ ހޮސްޕިޓަލުގައިވެސް ކެންސަރު ބައްޔާއި ގުޅުންހުރި ޚިދުމަތްތައް ތަޢާރަފްކޮށްފައި ހުންނާނޭކަމަށް މިނިސްޓްރީން މަޢުލޫމާތުދެއެވެ.
ކެންސަރ ހޮސްޕިޓަލަށް ބޭނުންވާ ދިވެހި ޑޮކްޓަރުންނަށް ތަމްރީން ދިނުމަށް ޤައުމީ ޕްރޮގްރާމެއް ކުރިއަށް ގެންދިޔުމަށް ނިންމާފައިވާކަމަށްވެސް މިނިސްޓްރީން ވަނީ ބުނެފައެވެ. ސަރުކާރުން އަމާޒު ހިފާފައިވަނީ މިއަހަރުގެ ތެރޭގައި ޢަމަލީ މަސައްކަތް ފަށައި ދެއަހަރުގެ ތެރޭގައި ކެންސަރ ހޮސްޕިޓަލްގެ މަސައްކަތްތައް ނިންމާލުމަށެވެ.
ލ. ގަމުގައި ސަރުކާރުން ތަރައްޤީކުރުމަށް ނިންމާފައިވާ ކެންސަރު ބަލީގެ ހޮސްޕިޓަލް އެޅުމަށް ބޭނުންވާ ޑީޓެއިލް ޕްރޮޖެކްޓް ރިވިއު ހެދުމަށް އިންޑިއާގެ މުމްބާއިގައި ހުންނަ ޓާޓާ މެމޯރިއަލް ސެންޓަރ (ޓީއެމްސީ)ގެ ޚާއްޞަ ޓީމެއް މިދިޔަ އަހަރު ރާއްޖެ ވަނީ އައިސްފައެވެ.
މިހާރު ރާއްޖޭގައި ކެންސަރު ބައްޔަށް ފަރުވާ ދެނީ މަދު ހޮސްޕިޓަލް ތަކުގައެވެ. އަދި ބޮޑެތި ތަހުލީލުތަކާއި، ބަލީގެ ތަފްސީލު ދެނެގަނެ، ރޭޑިއޭޝަންދީ، ބައެއް އޮޕަރޭޝަން ކުރަން ދާން ޖެހެނީ ރާއްޖެއިން ބޭރަށެވެެ. ރާއްޖޭގައި ކެންސަރ ހޮސްޕިޓަލެއް ގާއިމް ކުރުމާއެކު، ކެންސަރ ބަލީގެ މީހުން ދެނެގަތުމަށް އިތުރު ފަސޭހަތަކެއްވެ، ކުރިއާލާ ފަރުވާ ކުރެވޭނެ މަގު ފަސޭހައިން ފަހިވެގެން ދާނެއެވެ.
ކިޔުންތެރިންގެ ހިޔާލު