ވެލާނާ އިންޓަރނޭޝަނަލް އެއަރޕޯޓް ތަރައްގީ ކުރުމަށް ހިންގާ މަޝްރޫއުތަކުގެ މަސައްކަތްތައް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ބައްލަވާލައްވައިފިއެވެ.
ރައީސުލްޖުމްހޫރިއްޔާ ވީއައިއޭއަށް މިއަދު ކުރެއްވި ޒިޔާރަތުގައި، ވީއައިއޭގައި ހިނގާ އުމްރާނީ ތަރައްގީގެ މަޝްރޫއުތައް ކުރިއަށްދާގޮތް ވަނީ ބައްލަވާލައްވާފައެވެ. އެގޮތުން މި ޒިޔާރަތުގައި އެމަނިކުފާނުވަނީ، ވަކިވަކި ސައިޓުތަކަށް ޒިޔާރަތްކުރައްވާ އެތަންތަނުގެ މަސައްކަތް ކުރިއަށްދާގޮތް ބައްލަވާލައްވާފައެވެ. އޭގެ ތެރޭގައި، ވީއައިއޭގެ އައު ސީ ޕްލޭން ޓަރމިނަލާއި، ކާގޯ ޓަރމިނަލާއި، ފިއުލް ފާމާއި، ފަޔަރ ބިލްޑިންގގެ އިތުރުން އައު ޕަސެންޖަރ ޓަރމިނަލް ހިމެނެއެވެ.
އެއަރޕޯޓު ތަރައްގީ ކުރުމުގެ މަޝްރޫއުގެ ތެރެއިން މިވަގުތު އެންމެ ބާރު ދުވެލީގައި ކުރިއަށްދާ އެއް މަސައްކަތަކީ އާ އިންޓަރނޭޝަނަލް ޕަސެންޖަރ ޓަރމިނަލުގެ މަސައްކަތެވެ.
ސަރުކާރުން މީގެ ކުރިން ހާމަކޮށްފައިވާ ގޮތުގައި އެ ތަނަކީ ފަހުގެ ޒަމާނީ ވަސީލަތްތަކާއެކު އަހަރަކު ގާތްގަނޑަކަށް 7.5 މިލިއަން ފަސިންޖަރުންނަށް ހިދުމަތް ދެވޭނެހެން ތަރައްގީ ކުރަމުން އަންނަ ތަނެކެވެ. އެތަނުގެ ފަރުމާއަށް ބަލާއިރު އެތަން ފަރުމާ ކޮށްފައިވަނީ ރާއްޖޭގެ ޖަޒީރާވަންތަކަމާއި، ދިވެހިންގެ ސަގާފަތް ރަމްޒުކޮށްދޭގޮތަށެވެ.
އާ ޕަސެންޖަރ ޓަރމިނަލުގެ ކޮންކްރީޓް މަސައްކަތުގެ ބޮޑުބައެއް ނިމިފައިވާއިރު، އިމާރާތުގެ ސްޓީލް ސްޓްރަކްޗަރާއި، ފަސާޑުގެ މަސައްކަތާއި އިމާރާތް ހިޔާކުރުމަށް ކުރަންޖެހޭ މަސައްކަތްތައް ދަނީ ކުރަމުންނެވެ.
ރައީސް ޞާލިޙްގެ ސަރުކާރުން ވީއައިއޭ ތަރައްގީކުރުމަށް ކުރިއަށްގެންދާ 1 ބިލިއަން ޑޮލަރުގެ ބިޔަ މަޝްރޫއުގެ ދަށުން ކުރިޔަށްދާ މަސައްކަތްތަކަށް ބަލާލާއިރު، އެއަރޕޯޓުގެ ޖާގަ އިތުރުކުރުމަށް 63 ހެކްޓަރުގެ ބިން ވަނީ ހިއްކާފައެވެ. ފިޔަވަހިތަކަކަށް ބަހާލައިގެން ކުރިއަށްގެންދާ މި މަޝްރޫއުގެ ދަށުން އައު ރަންވޭގެ މަސައްކަތާއި، ފިއުލްފަރމާއި ކާގޯ ޓަރމިނަލް ކޮމްޕްލެކްސްގެ މަސައްކަތް ހަވާލު ކޮށްފައިވަނީ ޗައިނާގެ ބެއިޖިންގ އަރބަން ކޮންސްޓްރަކްޝަން ގްރޫޕް، ބީޔޫސީޖީއާއެވެ. އަދި މި މަޝްރޫއުގެ ތެރޭގައި ހިމެނޭ އައު ޕަސެންޖަރ ޓާމިނަލްގެ މަސައްކަތް ހަވާލުކޮށްފައިވަނީ ސައުދީ އަރަބިއްޔާގެ އެންމެ ބޮޑު އެއް ކުންފުނިކަމަށްވާ ބިންލާދިން ގުރޫޕާއެވެ.
އެއަރޕޯޓު ތަރައްގީ ކުރުމުގެ މަޝްރޫއުގެ ތެރެއިން މިވަގުތު އެންމެ ބާރު ދުވެލީގައި ކުރިއަށްދާ އެއް މަސައްކަތަކީ އާ އިންޓަރނޭޝަނަލް ޕަސެންޖަރ ޓަރމިނަލުގެ މަސައްކަތެވެ.
ސަރުކާރުން މީގެ ކުރިން ހާމަކޮށްފައިވާ ގޮތުގައި އެ ތަނަކީ ފަހުގެ ޒަމާނީ ވަސީލަތްތަކާއެކު އަހަރަކު ގާތްގަނޑަކަށް 7.5 މިލިއަން ފަސިންޖަރުންނަށް ހިދުމަތް ދެވޭނެހެން ތަރައްގީ ކުރަމުން އަންނަ ތަނެކެވެ. އެތަނުގެ ފަރުމާއަށް ބަލާއިރު އެތަން ފަރުމާ ކޮށްފައިވަނީ ރާއްޖޭގެ ޖަޒީރާވަންތަކަމާއި، ދިވެހިންގެ ސަގާފަތް ރަމްޒުކޮށްދޭގޮތަށެވެ.
ރައީސް ޞާލިޙްގެ ސަރުކާރުން ވީއައިއޭ ތަރައްގީކުރުމަށް ކުރިއަށްގެންދާ 1 ބިލިއަން ޑޮލަރުގެ ބިޔަ މަޝްރޫއުގެ ދަށުން ކުރިޔަށްދާ މަސައްކަތްތަކަށް ބަލާލާއިރު، އެއަރޕޯޓުގެ ޖާގަ އިތުރުކުރުމަށް 63 ހެކްޓަރުގެ ބިން ވަނީ ހިއްކާފައެވެ. ފިޔަވަހިތަކަކަށް ބަހާލައިގެން ކުރިއަށްގެންދާ މި މަޝްރޫއުގެ ދަށުން އައު ރަންވޭގެ މަސައްކަތާއި، ފިއުލްފަރމާއި ކާގޯ ޓަރމިނަލް ކޮމްޕްލެކްސްގެ މަސައްކަތް ހަވާލު ކޮށްފައިވަނީ ޗައިނާގެ ބެއިޖިންގ އަރބަން ކޮންސްޓްރަކްޝަން ގްރޫޕް، ބީޔޫސީޖީއާއެވެ. އަދި މި މަޝްރޫއުގެ ތެރޭގައި ހިމެނޭ އައު ޕަސެންޖަރ ޓާމިނަލްގެ މަސައްކަތް ހަވާލުކޮށްފައިވަނީ ސައުދީ އަރަބިއްޔާގެ އެންމެ ބޮޑު އެއް ކުންފުނިކަމަށްވާ ބިންލާދިން ގުރޫޕާއެވެ.
ކިޔުންތެރިންގެ ހިޔާލު