ބެލްޖިއަމްގައި މަންކީޕޮކްސް ޖެހޭ މީހުން ކަރަންޓީންކުރަން ފަށައިފިއެވެ.
މިއާއެކު ބެލްޖިއަމް ވެފައިވަނީ މަންކީޕޮކްސް ޖެހޭ މީހުން ކަރަންޓީންކުރަން ފެށި ފުރަތަމަ ގައުމަށެވެ. ބެލްޖިއަމްގެ ހެލްތު މިނިސްޓްރީން ބުނީ މަންކީޕޮކްސް ޖެހޭ މީހުން 21 ދުވަހަށް ކަރަންޓީން ނުވަތަ އެކަހެރިކުރުމަށް ނިންމާފައިވާކަމަށެވެ. އަދި މިއީ މަޖުބޫރު ފިޔަވަޅެއް ކަމަށްވެސް އެ ގައުމުގެ ހެލްތު މިނިސްޓްރީން ބުންޏެވެ.
ބެލްޖިއަމުން މިހާތަނަށް މަންކީޕޮކްސް ޖެހިފައިވާ ތިން މީހުން ވަނީ ފެނިފައެވެ. ހަބަރުތައް ބުނާގޮތުން ޔޫރަޕާއި އެމެރިކާ ބައްރުގެ ގައުމުތަކުގައި މަންކީޕޮކްސް ޖެހިފައިވާ މީހުންގެ އަދަދު 100 އަށްވުރެ ގިނައެވެ.
ދުނިޔޭގެ ސިއްހަތު ޖަމިއްޔާއިން އާންމުކޮށްފައިވާ ފަހުގެ ތަފާސްހިސާބުތަކުން ދައްކާގޮތުގައި މިދިޔަ ހޮނިހިރު ދުވަހާއި ހަމައަށް އދގެ 12 މެމްބަރު ސްޓޭޓަކުން މަންކީ ޕޮކްސްގެ 92 ކޭސް ވަނީ ރިޕޯޓުކޮށްފައެވެ. އަދި މަންކީ ޕޮކްސްކަމަށް ލަފާކުރެވޭ 28 ކޭސް ރިޕޯޓުކޮށްފައިވާކަމަށްވެސް ސިއްހަތު ޖަމިއްޔާއިން ހާމަކޮށްފައިވެއެވެ.
މަންކީޕޮކްސަކީ އިންފެކްޝަސް ޑިޒީޒްއެއްގޮތުގައި ކަނޑައަޅާފައިވާ ބައްޔެކެވެ. މިބަލި ޖެހޭ މީހުންގެ ހާލު މާބޮޑުނުވިނަމަވެސް މިބަލި ގިނައިން ފެނިފައިވަނީ އެފްރިކާ ބައްރުގެ ބައެއް ގައުމުތަކުގައެވެ. ގައިންގަޔަށް އަރާ މިބަލި ކޮންޓްރޯލް ކުރުމަށް އަމިއްލަ ސާފުތާހިރުކަން އިސްކޮށް ގައިދުރުކޮށް އުޅުމަށް ސަމާލުކަން ދިނުމަށް ސިއްހީ ވުޒާރާތަކުން އިލްތިމާސްކުރެއެވެ.
ސިއްހަތު ޖަމިއްޔާއިން ހާމަކޮށްފައިވާގޮތުގައި މިބަލި މިހާރު ފެތުރެމުންދަނީ ޖިންސީ ގުޅުމުން އަރާ ބަލިމަޑުކަމެއްގެ ގޮތުގައެވެ.
އެގޮތުން އެފްރިކާ ބައްރުގެ ގައުމުތަކުގެ އިތުރުން، ޔޫރަޕުގެ ބައެއް ގައުމުތަކާއި އެމެރިކާ، ކެނެޑާ އަދި އޮސްޓްރޭލިއާއިންވެސް މަންކީޕޮކްސް މިހާރު ވަނީ ފެނިފައެވެ. މިބަލިޖެހުމުން ހުންއައުމާ، ބޮލުގަޔާއި ގައިގެ އެކިތަންތަނުގައި ރިއްސުމާއި، ހަންގަނޑުގައި ކުދި ބިހި ނެގުމާއި، ވަރުދެރަވުންފަދަ އަލާމާތްތައް ފެންނާނެކަމަށް ސިއްހީ ވުޒާރާތަކުން ހާމަކުރެއެވެ.
ބެލްޖިއަމުން މިހާތަނަށް މަންކީޕޮކްސް ޖެހިފައިވާ ތިން މީހުން ވަނީ ފެނިފައެވެ. ހަބަރުތައް ބުނާގޮތުން ޔޫރަޕާއި އެމެރިކާ ބައްރުގެ ގައުމުތަކުގައި މަންކީޕޮކްސް ޖެހިފައިވާ މީހުންގެ އަދަދު 100 އަށްވުރެ ގިނައެވެ.
ދުނިޔޭގެ ސިއްހަތު ޖަމިއްޔާއިން އާންމުކޮށްފައިވާ ފަހުގެ ތަފާސްހިސާބުތަކުން ދައްކާގޮތުގައި މިދިޔަ ހޮނިހިރު ދުވަހާއި ހަމައަށް އދގެ 12 މެމްބަރު ސްޓޭޓަކުން މަންކީ ޕޮކްސްގެ 92 ކޭސް ވަނީ ރިޕޯޓުކޮށްފައެވެ. އަދި މަންކީ ޕޮކްސްކަމަށް ލަފާކުރެވޭ 28 ކޭސް ރިޕޯޓުކޮށްފައިވާކަމަށްވެސް ސިއްހަތު ޖަމިއްޔާއިން ހާމަކޮށްފައިވެއެވެ.
މަންކީޕޮކްސަކީ އިންފެކްޝަސް ޑިޒީޒްއެއްގޮތުގައި ކަނޑައަޅާފައިވާ ބައްޔެކެވެ. މިބަލި ޖެހޭ މީހުންގެ ހާލު މާބޮޑުނުވިނަމަވެސް މިބަލި ގިނައިން ފެނިފައިވަނީ އެފްރިކާ ބައްރުގެ ބައެއް ގައުމުތަކުގައެވެ. ގައިންގަޔަށް އަރާ މިބަލި ކޮންޓްރޯލް ކުރުމަށް އަމިއްލަ ސާފުތާހިރުކަން އިސްކޮށް ގައިދުރުކޮށް އުޅުމަށް ސަމާލުކަން ދިނުމަށް ސިއްހީ ވުޒާރާތަކުން އިލްތިމާސްކުރެއެވެ.
އެގޮތުން އެފްރިކާ ބައްރުގެ ގައުމުތަކުގެ އިތުރުން، ޔޫރަޕުގެ ބައެއް ގައުމުތަކާއި އެމެރިކާ، ކެނެޑާ އަދި އޮސްޓްރޭލިއާއިންވެސް މަންކީޕޮކްސް މިހާރު ވަނީ ފެނިފައެވެ. މިބަލިޖެހުމުން ހުންއައުމާ، ބޮލުގަޔާއި ގައިގެ އެކިތަންތަނުގައި ރިއްސުމާއި، ހަންގަނޑުގައި ކުދި ބިހި ނެގުމާއި، ވަރުދެރަވުންފަދަ އަލާމާތްތައް ފެންނާނެކަމަށް ސިއްހީ ވުޒާރާތަކުން ހާމަކުރެއެވެ.
ކިޔުންތެރިންގެ ހިޔާލު