މަސްތުވާތަކެއްޗާއި ގޭންގް ކުށްތަކުގެ ފަހަތުގައި ސިޔާސީ އަދި މާލީނަފާގެ ސަބަބުތައް ޝާމިލުވާކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
ރައީސުލްޖުމްހޫރިއްޔާ މި މޭރުމުން ވިދާޅުވެފައިވަނީ އެމަނިކުފާނުގެ އިސްނެންގެވުމުގެމަތިން ބާއްވަވާ ވިއަވަތި ރާއްޖެ ކޮންފަރެންސް ފެށުމުގެ ގޮތުން މިއަދު އއ. އުކުޅަހުގައި ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.
ރައީސް ޞާލިޙް މިއަދު ވިދާޅުވީ މުޖުތަމަޢުގެ ކޮންމެ ކަމެއްވެސް ނިސްބަތްވަނީ ފަރުދީ، އާއިލީ، އިޖްތިމާއީ ނުވަތަ ޤައުމީ ވެށީގެ ތެރޭގައި ކަމަށެވެ. އެގޮތުން ރާއްޖޭގެ ޤައުމީ ވެށީގައި ވަރަށް ބޮޑު ޤައުމީ ދެ މައްސަލަ އެބައޮތް ކަމަށް ރައީސް ވިދާޅުވިއެވެ. ރައީސް ވިދާޅުވީ އެއީ މަސްތުވާތަކެއްޗާ ގޭންގް ކުށްތަށްކަމަށާއި މިކަމުގެ އެންމެ ފުނުގައިވަނީ އިންތިޒާމްވެ ރޭވިގެން ހިންގާ އެހެނިހެން ކަންތައްތައް ކަމަށެވެ.
މިއަދު މި ފެށުނު މިކޮންފަރެންސްގައި މިކަމާ ގުޅޭގޮތުން، ފުޅާ ދާއިރާއެއްގައި މަޝްވަރާކޮށް، އަވަސް ޙައްލު ހޯދުމުގެ މަގު ކޮށިގެންދާނެ ކަމަށް އުންމީދުކުރަށްވާކަމަށް ރައީސް ވިދާޅުވިއެވެ.
"އޭގެ ފަހަތުގައި ސިޔާސީ ނިޔަތާ، މާލީނަފާގެ ސަބަބުތައް ޝާމިލްވޭ. މިއީ ގޮންޖެހުން ބޮޑު ހުރަސްތައް ގިނަ ބުރަ މަސައްކަތެއް." ރައީސް ޞާލިޙް ވިދާޅުވިއެވެ.
ރައީސް ވިދާޅުވީ ރާއްޖެއަށް ދެން އޮތް ބޮޑު އަނެއް މައްސަލައަކީ މޫސުމީ ބަދަލުތައް ކަމަށާއި ރަށްގިރުމާ، ފެންބޮޑުވުމާ އުދައެރުމަކީ ކޮންމެ މީހަކު ދިރިއުޅޭ ރަށާ އެންމެ ގާތުގައިވާ އެންމެ ބޮޑު ބިރު ކަމަށެވެ. އަދި އެއީ ތަރައްޤީގެ ކޮންމެ މަޝްރޫޢަކާ ގުޅިފައިވާ ކަމެއް ކަމަށާއި، ތަރައްޤީގެ ބޭނުމުގާ ކުރާކަމަކީ ތަރައްޤީއަށް އޮތް ހުރަހަކަށް ވިޔަދީގެން ނުވާނެ ކަމަށް ރައީސް ވިދާޅުވިއެވެ.
ރައީސުލްޖުމްހޫރިއްޔާގެ އިސްނެގެވުމުގެ މަތިން އިންތިޒާމުކޮށް ބާއްވަވާ ވިއަވަތި ރާއްޖެ ކޮންފަރެންސް ކުރިޔަށްގެންދިއުމަށް ހަމަޖެހިފައި ވަނީ 3 ސަރަޙައްދަކަށް ބަހާލައިގެން ކޮންމެ ސިޓީ ކައުންސިލަކާއި އަތޮޅު ކައުންސިލަކާއި ރަށު ކައުންސިލަކާއި އ.ތ.މ ކޮމެޓީ ބައިވެރިވާގޮތަށެވެ. މިގޮތުން މި އަހަރު ބާއްވާ ފުރަތަމަ ކޮންފަރެންސް އަކީ މެދުރާއްޖެތެރޭގެ އަތޮޅު ތަކަށް އަމާޒުކޮށް އ.އ އުކުޅަހުގައި ފެށި ކޮންފަރެންސްއެވެ.
މި ކޮންފަރެންސްގައި ރައީސުލްޖުމްހޫރިއްޔާގެ އިތުރުން ވަޒީރުންނާއި އެކި މުވައްސަސާތަކުގެ ޓެކްނިކަލް ބޭފުޅުންނާއި މޭޔަރުންނާއި ކައުންސިލް ރައީސުންނާއި އ.ތ.މ ކޮމެޓީތަކުގެ ރައީސުން ބައިވެރިވެވަޑައިގަންނަވައެވެ.
ރައީސް ޞާލިޙް މިއަދު ވިދާޅުވީ މުޖުތަމަޢުގެ ކޮންމެ ކަމެއްވެސް ނިސްބަތްވަނީ ފަރުދީ، އާއިލީ، އިޖްތިމާއީ ނުވަތަ ޤައުމީ ވެށީގެ ތެރޭގައި ކަމަށެވެ. އެގޮތުން ރާއްޖޭގެ ޤައުމީ ވެށީގައި ވަރަށް ބޮޑު ޤައުމީ ދެ މައްސަލަ އެބައޮތް ކަމަށް ރައީސް ވިދާޅުވިއެވެ. ރައީސް ވިދާޅުވީ އެއީ މަސްތުވާތަކެއްޗާ ގޭންގް ކުށްތަށްކަމަށާއި މިކަމުގެ އެންމެ ފުނުގައިވަނީ އިންތިޒާމްވެ ރޭވިގެން ހިންގާ އެހެނިހެން ކަންތައްތައް ކަމަށެވެ.
މިއަދު މި ފެށުނު މިކޮންފަރެންސްގައި މިކަމާ ގުޅޭގޮތުން، ފުޅާ ދާއިރާއެއްގައި މަޝްވަރާކޮށް، އަވަސް ޙައްލު ހޯދުމުގެ މަގު ކޮށިގެންދާނެ ކަމަށް އުންމީދުކުރަށްވާކަމަށް ރައީސް ވިދާޅުވިއެވެ.
"އޭގެ ފަހަތުގައި ސިޔާސީ ނިޔަތާ، މާލީނަފާގެ ސަބަބުތައް ޝާމިލްވޭ. މިއީ ގޮންޖެހުން ބޮޑު ހުރަސްތައް ގިނަ ބުރަ މަސައްކަތެއް." ރައީސް ޞާލިޙް ވިދާޅުވިއެވެ.
ރައީސް ވިދާޅުވީ ރާއްޖެއަށް ދެން އޮތް ބޮޑު އަނެއް މައްސަލައަކީ މޫސުމީ ބަދަލުތައް ކަމަށާއި ރަށްގިރުމާ، ފެންބޮޑުވުމާ އުދައެރުމަކީ ކޮންމެ މީހަކު ދިރިއުޅޭ ރަށާ އެންމެ ގާތުގައިވާ އެންމެ ބޮޑު ބިރު ކަމަށެވެ. އަދި އެއީ ތަރައްޤީގެ ކޮންމެ މަޝްރޫޢަކާ ގުޅިފައިވާ ކަމެއް ކަމަށާއި، ތަރައްޤީގެ ބޭނުމުގާ ކުރާކަމަކީ ތަރައްޤީއަށް އޮތް ހުރަހަކަށް ވިޔަދީގެން ނުވާނެ ކަމަށް ރައީސް ވިދާޅުވިއެވެ.
މި ކޮންފަރެންސްގައި ރައީސުލްޖުމްހޫރިއްޔާގެ އިތުރުން ވަޒީރުންނާއި އެކި މުވައްސަސާތަކުގެ ޓެކްނިކަލް ބޭފުޅުންނާއި މޭޔަރުންނާއި ކައުންސިލް ރައީސުންނާއި އ.ތ.މ ކޮމެޓީތަކުގެ ރައީސުން ބައިވެރިވެވަޑައިގަންނަވައެވެ.
ކިޔުންތެރިންގެ ހިޔާލު