ރައްޔިތުންގެ މަޖިލީހުގެ ރައީސް، އަދި ކުރީގެ ރައީސް މުހައްމަދު ނަޝީދުގެ އާއިލީ ގެކޮޅު ކެނެރީގޭ ފާރުގައި "އިންޑިއާ އައުޓް" ލިޔެފި އެވެ.
ރައީސް ނަޝީދުގެ ކޮއްކޮ ނާޒިމް ޢަބްދުއްސައްތާރު މިއަދު އެކަން ހާމަކޮށްފައިވަނީ ސޯޝަލް މީޑިއާގައެވެ. ނާޒިމް ޙިއްސާކޮށްފައިވާ ފޮޓޯއިން ފެންނަ ގޮތުން ކެނެރީގޭ ފާރުގައި "އިންޑިއާ އައުޓް" ލިޔެފައިވަނީ ފެހި ކުލައިންނެވެ.
ފަހަކަށް އައިސް މި ސަރުކާރަށް ނިސްބަތްވާ އިސްވެރިންގެ ގެކޮޅުތަކުގެ ފާރުގައި އިންޑިއާ އައުޓް ލިޔުންވަނީ ޢާއްމު ކަމަކަށް ވެފައެވެ. ނަމަވެސް އެކަން ކުރާބަޔަކު ފުލުހުންނަށް ހޯދިފައެއް ނުވެއެވެ.
"އިންޑިއާ އައުޓް" ޙަރަކާތާއި ގުޅިގެން ރައީސް ޞާލިޙް ވަނީ ރިޔާސީ ޤަރާރެއްވެސް ނެރުއްވާފައެވެ. ރައީސްގެ ގަރާރުގައި ވިދާޅުވީ، އިންޑިއާއާ މެދު ނަފްރަތު އުފައްދަން ހިންގާ އެ ހަރަކާތަކީ ގައުމީ ސަލާމަތަށް ނުރައްކާވާ ހިސާބަށް ގޮސްފައިވާ ހަރަކާތެއްކަން ސާފުކޮށް އެނގޭ ކަމަށެވެ. އަދި އެކަމުގެ ސަބަބުން ރާއްޖޭގެ އެކި ސަރަހައްދުތަކުގައި އޮތް އަމާންކަމާއި ދާހިލީ ހަމަޖެހުން ނަގާލައި، ސަރަހައްދީ ސަލާމަތާއި ރައްކާތެރިކަން ވެސް ގެއްލުވައިލާ ކަމަށް ޤަރާރުގައިވެއެވެ.
"އިންޑިއާ އައުޓް" ރަމްޒުވާގޮތަށް ރައީސް ޔާމީންގެ ގެކޮޅުގައި ދެމި އިންޑިއާ އައުޓް ބެނާ ނެގުމަށް ކްރިމިނަލް ކޯޓުން ނެރުނު އަމުރަކީ ގާނޫނާއި ހިލާފު ބާތިލު އަމުރެއްކަމަށް ދިވެހިރާއްޖޭގެ ހައިކޯޓުންވެސް މިހާރު ވަނީ ނިންމާފައެވެ.
Kenereege wall pic.twitter.com/1YHQe3Tojn
— Nazim Sattar (@nazimsat) May 31, 2022
ފަހަކަށް އައިސް މި ސަރުކާރަށް ނިސްބަތްވާ އިސްވެރިންގެ ގެކޮޅުތަކުގެ ފާރުގައި އިންޑިއާ އައުޓް ލިޔުންވަނީ ޢާއްމު ކަމަކަށް ވެފައެވެ. ނަމަވެސް އެކަން ކުރާބަޔަކު ފުލުހުންނަށް ހޯދިފައެއް ނުވެއެވެ.
"އިންޑިއާ އައުޓް" ރަމްޒުވާގޮތަށް ރައީސް ޔާމީންގެ ގެކޮޅުގައި ދެމި އިންޑިއާ އައުޓް ބެނާ ނެގުމަށް ކްރިމިނަލް ކޯޓުން ނެރުނު އަމުރަކީ ގާނޫނާއި ހިލާފު ބާތިލު އަމުރެއްކަމަށް ދިވެހިރާއްޖޭގެ ހައިކޯޓުންވެސް މިހާރު ވަނީ ނިންމާފައެވެ.
ކިޔުންތެރިންގެ ހިޔާލު