ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ރާއްޖެއަށް ކަނޑައަޅާފައި ހުންނަވާ މަންދޫބު، ޑރ. ނާޒްނީން އަންވަރު ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި މިއަދު ބައްދަލުކުރައްވައިފިއެވެ.
ރައީސުލްޖުމްހޫރިއްޔާގެ އޮފީހުގައި މިއަދު މެންދުރުކުރީގައި ބޭއްވި މި ބައްދަލުވުމުގައި ރައީސް ޞާލިޙް ވަނީ ދުނިޔޭގެ ސިއްހަތު ޖަމިއްޔާއިން ކުރަމުންދާ ބުރަ މަސައްކަތް ފާހަގަކުރައްވާފައެވެ. އެގޮތުން، ހާއްސަކޮށް ކޮވިޑް-19ގެ ބަލިމަޑުކަމުގައި ދުނިޔޭގެ ސިއްހަތު ޖަމިއްޔާއިން ރާއްޖެއަށް ދީފައިވާ އެހީތެރިކަން ފާހަގަކުރައްވާ އެމަނިކުފާނު ވަނީ ޝުކުރު އަދާކުރައްވާފައެވެ.
ޑރ. ނާޒްނީން ވަނީ ރާއްޖެއިން ކޮވިޑް މެނޭޖްކުރުމުގައި އެޅި ވިސްނުންތެރި ފިޔަވަޅުތަކާއި، ރާއްޖޭގެ އާބާދީގެ 70 އިންސައްތަ ވެކްސިނޭޓް ކުރުމަށް ގެންގުޅުނު ސިޔާސަތުތަކުގެ ސަބަބުން މި ސަރަހައްދުގެ އެހެން ބައެއް ގައުމުތަކަށްވުރެ ކުރިން ރާއްޖޭގައި ކޮވިޑް ކޮންޓްރޯލް ކުރެވުނުކަން ފާހަގަކުރައްވައި ތައުރީފް ކުރައްވާފައެވެ.
ރައީސް ސޯލިހް ވަނީ ރާއްޖޭގައި ތިބި ނާޒުކު ގިންތިތަކުގެ މީހުންނަށް އަދި މަސްތުވާތަކެތީގެ ވަބާގައި ޖެހިފައިވާ މީހުންނަށް ބޭނުންވާ އެހީތެރިކަން ދިނުމުގައި ދުނިޔޭގެ ސިއްހަތު ޖަމިއްޔާއިން ދޭ ސަމާލުކަން ފާހަގަކުރައްވައި އެކަމަށް ޝުކުރުއަދާކުރައްވާފައެވެ. މީގެ އިތުރުން އެމަނިކުފާނު ވަނީ ނަފްސާނީ އެހީތެރިކަންދިނުމުގެ ދާއިރާއަކީ މިހާރު ރާއްޖެއަށް އެހީތެރިކަން ބޭނުންވާ ދާއިރާއެއްކަން ފާހަގަކުރައްވާފައެވެ.
ރައީސް އިތުރަށް ވިދާޅުވީ ދުނިޔޭގެ ސިއްހަތު ޖަމިއްޔާއަކީ ރާއްޖެއަށް މުހިންމު ބައިވެރިއެއްކަން ހާމަކުރައްވާފައެވެ. އަދި، ޑޮކްޓަރ ނާޒްނީން އަންވަރު ވަނީ ރާއްޖޭގައި ފަސޭހައިން މަސައްކަތް ކުރެވޭނެ އިންތިޒާމް ހަމަޖައްސަވައި ދެއްވިކަމަށްޓަކައި ޝުކުރު އަދާކުރައްވާފައެވެ.
ޑރ. ނާޒްނީންގެ ވާހަކަފުޅުގައި އެކަމަނާ ވަނީ މި ސަރަހައްދުގައި ރަނގަޅު ފެންވަރުގެ ތަޖުރިބާކާރު ސައިކޭޓްރިސްޓުން މަދުކަން ފާހަގަކުރައްވައި، ދުނިޔޭގެ ސިއްހަތު ޖަމިއްޔާ އިން އިސްނަގައިގެން މެންޓަލް ހެލްތް އެކްޝަން ޕްރޮގްރާމްގެ ތެރެއިން މައްސަލައަށް ހައްލު ހޯދުމަށް މަސައްކަތް ކުރައްވަމުން ގެންދަވާ ކަމަށެވެ.
މީގެ އިތުރުން ވެސް ޑރ. ނާޒްނީން ވަނީ ދުނިޔޭގެ ސިއްހަތު ޖަމިއްޔާއިން އެޑިއުކޭޝަން މިނިސްޓްރީއާއެކު ސްކޫލް ކުދިންގެ މެދުގައި ނަފްސާނީ ބަލިމަޑުކަމާ ގުޅޭގޮތުން ހޭލުންތެރިކުރުމުގެ ޕައިލެޓް ޕްރޮގްރާމެއް ކުރިއަށް ގެންދާ ފާހަގަކުރައްވާފައެވެ.
ޑރ. ނާޒްނީން ވަނީ ރާއްޖެއިން ކޮވިޑް މެނޭޖްކުރުމުގައި އެޅި ވިސްނުންތެރި ފިޔަވަޅުތަކާއި، ރާއްޖޭގެ އާބާދީގެ 70 އިންސައްތަ ވެކްސިނޭޓް ކުރުމަށް ގެންގުޅުނު ސިޔާސަތުތަކުގެ ސަބަބުން މި ސަރަހައްދުގެ އެހެން ބައެއް ގައުމުތަކަށްވުރެ ކުރިން ރާއްޖޭގައި ކޮވިޑް ކޮންޓްރޯލް ކުރެވުނުކަން ފާހަގަކުރައްވައި ތައުރީފް ކުރައްވާފައެވެ.
ރައީސް ސޯލިހް ވަނީ ރާއްޖޭގައި ތިބި ނާޒުކު ގިންތިތަކުގެ މީހުންނަށް އަދި މަސްތުވާތަކެތީގެ ވަބާގައި ޖެހިފައިވާ މީހުންނަށް ބޭނުންވާ އެހީތެރިކަން ދިނުމުގައި ދުނިޔޭގެ ސިއްހަތު ޖަމިއްޔާއިން ދޭ ސަމާލުކަން ފާހަގަކުރައްވައި އެކަމަށް ޝުކުރުއަދާކުރައްވާފައެވެ. މީގެ އިތުރުން އެމަނިކުފާނު ވަނީ ނަފްސާނީ އެހީތެރިކަންދިނުމުގެ ދާއިރާއަކީ މިހާރު ރާއްޖެއަށް އެހީތެރިކަން ބޭނުންވާ ދާއިރާއެއްކަން ފާހަގަކުރައްވާފައެވެ.
ރައީސް އިތުރަށް ވިދާޅުވީ ދުނިޔޭގެ ސިއްހަތު ޖަމިއްޔާއަކީ ރާއްޖެއަށް މުހިންމު ބައިވެރިއެއްކަން ހާމަކުރައްވާފައެވެ. އަދި، ޑޮކްޓަރ ނާޒްނީން އަންވަރު ވަނީ ރާއްޖޭގައި ފަސޭހައިން މަސައްކަތް ކުރެވޭނެ އިންތިޒާމް ހަމަޖައްސަވައި ދެއްވިކަމަށްޓަކައި ޝުކުރު އަދާކުރައްވާފައެވެ.
މީގެ އިތުރުން ވެސް ޑރ. ނާޒްނީން ވަނީ ދުނިޔޭގެ ސިއްހަތު ޖަމިއްޔާއިން އެޑިއުކޭޝަން މިނިސްޓްރީއާއެކު ސްކޫލް ކުދިންގެ މެދުގައި ނަފްސާނީ ބަލިމަޑުކަމާ ގުޅޭގޮތުން ހޭލުންތެރިކުރުމުގެ ޕައިލެޓް ޕްރޮގްރާމެއް ކުރިއަށް ގެންދާ ފާހަގަކުރައްވާފައެވެ.
ކިޔުންތެރިންގެ ހިޔާލު