ބިދޭސީންނަށް އެއްގަމު އުޅަނދު ދުއްވުމުގެ ދާއިމީ ލައިސަންސް ލިބޭ ގޮތަށް ގަވާއިދު އިސްލާހު ކޮށްފިއެވެ.
ޓްރާންސްޕޯޓު މިނިސްޓްރީން މިއަދު ގެޒެޓުގައި އާންމު ކޮށްފައިވާ އެ އިސްލާހުގައި ބުނެފައި ވަނީ ދިވެހިންނާ ކައިވެނިކޮށްގެން އުޅޭ ބިދޭސީންނަށް ދާއިމީ ލައިސަންސް ދޫކުރެވިދާނެ ކަމަށެވެ. އަދި އެ ލައިސަންސް ކޮންމެ 10 އަހަރަކުން އާ ކުރަންޖެހޭނެ ކަމަށްވެސް ބުނެފައިވެއެވެ.
ގެޒެޓުގައި އާންމު ކޮށްފައިވާ އިސްލާހުގައި ލައިސަންސްގެ ބާވަތާއި މުއްދަތު ހިމެނޭ މާއްދާއާއި ލައިސަންސްގެ ކެޓަގަރީތައް ހިމެނޭ މާއްދާ އިސްލާހު ކޮށްފައިވާއިރު އެ އިސްލާހު ތަކުގައި ގިނައީ ބިދޭސީންނަށް ލައިސަންސް ދޫކުރުމާއި ގުޅޭ ވާހަކަތަކެވެ.
ބިދޭސީންނަށް ދާއިމީ ލައިސަންސް ދޫކުރުމަށް ނިންމާފައިވީ ނަމަވެސް، އެފަދަ ބިދޭސީންނަކީ ރާއްޖޭގައި އުޅޭތާ ވަކި ދުވަހެއް ނުވަތަ ދިވެހިންނާއި ކައިވެނިކޮށްގެން އުޅޭތާ ވަކި އަހަރެއް ވެފައިވާ ބަޔަކަށް ވާން ޖެހޭނެ ކަމަށް އިސްލާހުގައި ބުނެފައެއް ނުވެއެވެ.
މި އިސްލާހު މިއަދު ގެޒެޓްކޮށްފައިވާއިރު، މިއަދުން ފެށިގެން މި ގަވާއިދަށް އަމަލު ކުރަން ވަނީ ފަށާފައެވެ.
ގެޒެޓުގައި އާންމު ކޮށްފައިވާ އިސްލާހުގައި ލައިސަންސްގެ ބާވަތާއި މުއްދަތު ހިމެނޭ މާއްދާއާއި ލައިސަންސްގެ ކެޓަގަރީތައް ހިމެނޭ މާއްދާ އިސްލާހު ކޮށްފައިވާއިރު އެ އިސްލާހު ތަކުގައި ގިނައީ ބިދޭސީންނަށް ލައިސަންސް ދޫކުރުމާއި ގުޅޭ ވާހަކަތަކެވެ.
މި އިސްލާހު މިއަދު ގެޒެޓްކޮށްފައިވާއިރު، މިއަދުން ފެށިގެން މި ގަވާއިދަށް އަމަލު ކުރަން ވަނީ ފަށާފައެވެ.
ކިޔުންތެރިންގެ ހިޔާލު