ފ. އަތޮޅު ފީއަލީގައި ބިން ހިއްކުމުގެ މަޝްރޫއު ކުރިއަށް ގެންދަވާނެކަމުގެ ޔަގީންކަން ރައީސް އިބްރާހިމް މުޙައްމަދު ޞާލިޙް ދެއްވައިފިއެވެ.
އެމަނިކުފާނު އެކަމުގެ ޔަގީންކަން ދެއްވީ، އެ ރަށު ކައުންސިލާއިއެކު މިއަދު ރައީސް އޮފީހުގައި ބޭއްވި ބައްދަލުވުމެއްގައި ވާހަކަފުޅު ދައްކަވަމުންނެވެ.
މި ބައްދަލުވުމުގައި ކައުންސިލުން ވަނީ ރަށުގެ ރައްޔިތުންގެ ހުރި ބައެއް ކަންބޮޑުވުންތަކާއި، ރަށުގެ ތަރައްގީއަށް ބޭނުންވާ ގިނަ ކަންތައްތަކެއް ހިއްސާ ކޮށްފައެވެ. އެގޮތުން، ފީއަލީގެ ބިންހިއްކުމުގެ މަޝްރޫއާއި، ސިއްހީ މަރުކަޒުގެ މަޝްރޫއު އަދި އެރަށު ވޮލީކޯޓުގެ މަޝްރޫއު އަވަސް ކޮށްދެއްވުމަށް ރައީސްގެ އަރިހުގައި ކައުންސިލުންވަނީ އެދިފައެވެ.
މީގެ އިތުރުން ވެސް ރަށު ސްކޫލަށް މަލްޓިޕަރޕަސް ހޯލެއް ބޭނުންވާކަމަށާއި، ސްކޫލްގެ ސައިންސް ލެބް އެޅުމުގެ މަސައްކަތް އަވަސް ކޮށްދެއްވުމަށް ކައުންސިލުން އެދުނެވެ. އަދި ފީއަލި ރައްޔިތުން ދަތުރުދާނެ ރަށެއް ބޭނުންވާކަމަށާއި، އައިސް ޕްލާންޓެއް ބެހެއްޓި ނަމަވެސް ބަނދަރު ކުޑަވުމުން އައިސް ޕްލާންޓް ބޭނުން ކުރުމަށް ދަތިތަކެއް ފާހަގަ ކުރެވިފައިވާތީ، އައިސް ޖެޓީއެއް ގާއިމްކުރުމުގެ މުހިންމުކަން ކައުންސިލުން ފާހަގަކުރިއެވެ.
އަދި، ރަށުގެ އާބާދީއާ އެކަށޭނަ މިސްކިތަކާއި، ޕޮލިސް ޕޯސްޓެއް ނެތުމުން ދިމާވާ ދަތިތަކާއި ސިއްހީ މަރުކަޒަށް ބޭނުންވާ ބައެއް ސާމާނު ލިބުމުގައި ހުރި ބައެއް ދަތިތައް ކައުންސިލުން ހިއްސާ ކުރިއެވެ.
މި ބައްދަލުވުމުގައި ރައީސް ޞާލިޙް ވަނީ ރަށްރަށުގެ ތަރައްގީގެ މަސައްކަތްކުރިޔަށް ގެންދިޔުމުގައި ކައުންސިލްތަކާއި ރައްޔިތުންގެ ހިޔާލާއި މަޝްވަރާ ލިބުމަކީ ރަށްރަށް ތަރައްގީ ކުރުމުގައި ސަރުކާރަށް ލިބިގެންދާ އިތުރު ފަސޭހައެއް ކަމުގައި ވިދާޅުވެފައެވެ.
އަދި، ކައުންސިލުން ފާހަގަކުރި ބިންހިއްކުމުގެ މަޝްރޫއު ލަސްނުވެ ފައްޓަވައި ދެއްވާނެކަމުގެ ޔަގީންކަން އެމަނިކުފާނު ދެއްވިއެވެ. މީގެ އިތުރުން ވެސް ކައުންސިލުން ފާހަގަކުރެއްވި ކަންކަމުގައި ކަމާގުޅޭ ފަރާތްތަކާ މަޝްވަރާ ކުރެއްވުމަށްފަހު އެދެވޭ ހައްލުތަކެއް ހޯއްދަވައި ދެއްވާނެކަމުގައި އެމަނިކުފާނު ވިދާޅުވިއެވެ.
ފީއަލީގެ ބިން ހިއްކުމުގެ މަޝްރޫއަކީ މި އަހަރުގެ ބަޖެޓުގައި ހިމެނިފައިވާ މަޝްރޫއެކެވެ. މި މަސައްކަތް މިހާރު އޮތީ ބަޔަކާ ހަވާލުވެސް ކޮށްފައެވެ.
މި ބައްދަލުވުމުގައި ކައުންސިލުން ވަނީ ރަށުގެ ރައްޔިތުންގެ ހުރި ބައެއް ކަންބޮޑުވުންތަކާއި، ރަށުގެ ތަރައްގީއަށް ބޭނުންވާ ގިނަ ކަންތައްތަކެއް ހިއްސާ ކޮށްފައެވެ. އެގޮތުން، ފީއަލީގެ ބިންހިއްކުމުގެ މަޝްރޫއާއި، ސިއްހީ މަރުކަޒުގެ މަޝްރޫއު އަދި އެރަށު ވޮލީކޯޓުގެ މަޝްރޫއު އަވަސް ކޮށްދެއްވުމަށް ރައީސްގެ އަރިހުގައި ކައުންސިލުންވަނީ އެދިފައެވެ.
މީގެ އިތުރުން ވެސް ރަށު ސްކޫލަށް މަލްޓިޕަރޕަސް ހޯލެއް ބޭނުންވާކަމަށާއި، ސްކޫލްގެ ސައިންސް ލެބް އެޅުމުގެ މަސައްކަތް އަވަސް ކޮށްދެއްވުމަށް ކައުންސިލުން އެދުނެވެ. އަދި ފީއަލި ރައްޔިތުން ދަތުރުދާނެ ރަށެއް ބޭނުންވާކަމަށާއި، އައިސް ޕްލާންޓެއް ބެހެއްޓި ނަމަވެސް ބަނދަރު ކުޑަވުމުން އައިސް ޕްލާންޓް ބޭނުން ކުރުމަށް ދަތިތަކެއް ފާހަގަ ކުރެވިފައިވާތީ، އައިސް ޖެޓީއެއް ގާއިމްކުރުމުގެ މުހިންމުކަން ކައުންސިލުން ފާހަގަކުރިއެވެ.
އަދި، ރަށުގެ އާބާދީއާ އެކަށޭނަ މިސްކިތަކާއި، ޕޮލިސް ޕޯސްޓެއް ނެތުމުން ދިމާވާ ދަތިތަކާއި ސިއްހީ މަރުކަޒަށް ބޭނުންވާ ބައެއް ސާމާނު ލިބުމުގައި ހުރި ބައެއް ދަތިތައް ކައުންސިލުން ހިއްސާ ކުރިއެވެ.
މި ބައްދަލުވުމުގައި ރައީސް ޞާލިޙް ވަނީ ރަށްރަށުގެ ތަރައްގީގެ މަސައްކަތްކުރިޔަށް ގެންދިޔުމުގައި ކައުންސިލްތަކާއި ރައްޔިތުންގެ ހިޔާލާއި މަޝްވަރާ ލިބުމަކީ ރަށްރަށް ތަރައްގީ ކުރުމުގައި ސަރުކާރަށް ލިބިގެންދާ އިތުރު ފަސޭހައެއް ކަމުގައި ވިދާޅުވެފައެވެ.
ފީއަލީގެ ބިން ހިއްކުމުގެ މަޝްރޫއަކީ މި އަހަރުގެ ބަޖެޓުގައި ހިމެނިފައިވާ މަޝްރޫއެކެވެ. މި މަސައްކަތް މިހާރު އޮތީ ބަޔަކާ ހަވާލުވެސް ކޮށްފައެވެ.
ކިޔުންތެރިންގެ ހިޔާލު