ނ. ހޮޅުދޫގެ ބައެއްގެގޮތުގައި ނ. ހޮޅުމީދޫ ތަރައްގީކޮށް މީހުން އާބާދު ކޮށްދެއްވާނެކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
ނ. ހޮޅުދޫ މޭނާ ސްކޫލަށް 75 އަހަރު ފުރުން ފާހަގަކުރުމުގެ ގޮތުން އެ ސްކޫލްގައި ބޭއްވި އަލިމަސް ޔޫބީލް ޖަލްސާ ޝަރަފުވެރިކޮށްދެއްވާ ވާހަކަފުޅު ދައްކަވަމުން ރައީސް ޞާލިޙް މިރޭ ވިދާޅުވީ، ނ. ހޮޅުދޫއަކީވެސް ބޯހިޔާވަހިކަމުގެ މައްސަލައަށް ވަރަށް ބޮޑަށް ކުރިމަތިވެފައިވާ ރަށެއްކަމަށާއި ނަމަވެސް ރަށުގެ ފަޅުގައި ޖާގަ ނެތުމުން ހޮޅުދޫގެ ބިން އިތުރަށް ހިއްކެންނެތްކަމަށެވެ.
އެހެންކަމުން ހޮޅުދޫގެ ބައެއްގެ ގޮތުގައި ހޮޅުދޫ ކައިރީއޮތް ހޮޅުމީދޫ ހަމަޖައްސަވާ، އެރަށުގައި މީހުން އާބާދުކުރުމަކީ ސަރުކާރުގެ އަމާޒެއްކަމަށް އެމަނިކުފާނު ވިދާޅުވިއެވެ.
"މިރަށުގެ ރައްޔިތުން ބޭނުންވީ މި ރަށުގައި އަޅަން ސަރުކާރުން ހަމަޖެއްސި 30 ހައުސިން ޔުނިޓް، މިރަށުގެ ބައެއްގެ ގޮތުގައި އަޅުގަނޑުމެން ހަމަޖެއްސި ހޮޅުމީދުއަށް ބަދަލުކޮށް، އެ ރަށް އާބާދުކުރަން. އިރާދަކުރެއްވިއްޔާ އެކަން އަޅުގަނޑުމެން އެގޮތަށް ކޮށްދޭނަން. އެރަށަށް ބޭނުންވާ އަސާސީ ޚިދުމަތްތައް ވެސް ޤާއިމުކޮށްދޭނަން" ރައީސް ޞާލިޙް ވިދާޅުވިއެވެ.
ހޮޅުދޫގެ ތަރައްގީއާއި ގުޅޭގޮތުން ވާހަކަފުޅު ދައްކަވަމުން ރައީސް ވިދާޅުވީ، އެ ރަށުގައި ކުރިޔަށް ގެންދަން ނިންމާފައިވާ ބޮޑު އަނެއް މަޝްރޫއަކީ މަގު ހެދުމުގެ މަޝްރޫއު ކަމަށާއި، އެގޮތުން މިހާރު ކުރިއަށްދާ ފެނުގެ ނިޒާމުގެ މަސައްކަތް ނިމުމުން މަގު ހެދުމުގެ މަސައްކަތް ފެށިގެން ދާނެކަމަށެވެ. މީގެ އިތުރުން، ރަށްގިރުމުގެ މައްސަލަ ހައްލު ކުރުމަށް މިއަހަރުގެ ބަޖެޓުގައި ހިމަނާފައިވާކަމަށާއި، އެ މަސައްކަތް ކުރިއަށްގެންދާނީ ރަށުގެ ރައްޔިތުން އެދިފައިވާގޮތަށް ވާޓަރުވެސް ހިމަނައިގެންކަމަށް ވެސް އެމަނިކުފާނު ވިދާޅުވިއެވެ. އެމަނިކުފާނު ވިދާޅުވީ، ރަށް ގިރުން ހުއްޓުވުމުގެ މަސައްކަތް އަންނަ ޖުލައިމަހުގެ ނިޔަލަށް ބީލަމަށް ހުޅުވާލެވޭނެކަމަށެވެ.
މި ކަންކަމުގެ އިތުރަށްވެސް އެ ރަށަށް ބޭނުންވާ ތަރައްގީގެ އެނޫންވެސް މުހިންމު ކަންކަމަށް ރައީސްގެ ވާހަކަފުޅުގައި އަލިއަޅުވާލެއްވިއެވެ.
އެހެންކަމުން ހޮޅުދޫގެ ބައެއްގެ ގޮތުގައި ހޮޅުދޫ ކައިރީއޮތް ހޮޅުމީދޫ ހަމަޖައްސަވާ، އެރަށުގައި މީހުން އާބާދުކުރުމަކީ ސަރުކާރުގެ އަމާޒެއްކަމަށް އެމަނިކުފާނު ވިދާޅުވިއެވެ.
"މިރަށުގެ ރައްޔިތުން ބޭނުންވީ މި ރަށުގައި އަޅަން ސަރުކާރުން ހަމަޖެއްސި 30 ހައުސިން ޔުނިޓް، މިރަށުގެ ބައެއްގެ ގޮތުގައި އަޅުގަނޑުމެން ހަމަޖެއްސި ހޮޅުމީދުއަށް ބަދަލުކޮށް، އެ ރަށް އާބާދުކުރަން. އިރާދަކުރެއްވިއްޔާ އެކަން އަޅުގަނޑުމެން އެގޮތަށް ކޮށްދޭނަން. އެރަށަށް ބޭނުންވާ އަސާސީ ޚިދުމަތްތައް ވެސް ޤާއިމުކޮށްދޭނަން" ރައީސް ޞާލިޙް ވިދާޅުވިއެވެ.
މި ކަންކަމުގެ އިތުރަށްވެސް އެ ރަށަށް ބޭނުންވާ ތަރައްގީގެ އެނޫންވެސް މުހިންމު ކަންކަމަށް ރައީސްގެ ވާހަކަފުޅުގައި އަލިއަޅުވާލެއްވިއެވެ.
ކިޔުންތެރިންގެ ހިޔާލު