ނ. ހޮޅުދޫ މޭނާ ސްކޫލް އެއް ކެމްޕަހަކަށް ބަދަލު ކުރުމަށްޓަކައި އެ ރަށު ޒުވާނުންގެ މަރުކަޒު ހުރި ބިމުގައި މޭނާ ސްކޫލަށް އައު އިމާރާތްމެއް ބިނާކޮށްދެއްވާނެކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
ނ. ހޮޅުދޫ މޭނާ ސްކޫލަށް 75 އަހަރު ފުރުން ފާހަގަކުރުމުގެ ގޮތުން އެ ސްކޫލްގައި ހޮނިހިރުދުވަހުގެރޭ ބޭއްވި އަލިމަސް ޔޫބީލް ޖަލްސާ ޝަރަފުވެރިކޮށްދެއްވާ ވާހަކަފުޅު ދައްކަވަމުން ރައީސް ޞާލިޙް ވިދާޅުވީ، މޭނާ ސްކޫލަކީ ނ. ހޮޅުދޫގެ ނަމާ ގުޅިފައިވާ ހޮޅުދޫ ރައްޔިތުންގެ ފަހުރާއި ޝަރަފުކަމަށެވެ. އަދި ނ. އަތޮޅުގެ ތަޢުލީމީ ދާއިރާއަށް ބަލާއިރުވެސް މޭނާ ސްކޫލަކީ އެފަދަ ދެވަނައެއްނެތް ވަރުގަދަ ތަނބެއްކަމަށް އެމަނިކުފާނު ވިދާޅުވިއެވެ.
އެގޮތުން ނ. އަތޮޅުގައި މަތީ ސާނަވީ މަރުހަލާގައި މެދުކެނޑުމެއްނެތި 2 ސްޓްރީމަށް މިހާރު ކިޔަވައިދޭ ހަމައެކަނި ސްކޫލަކީވެސް މޭނާ ސްކޫލުކަން ރައީސް ފާހަގަކުރެއްވިއެވެ. އެމަނިކުފާނު ވިދާޅުވީ، އޯލެވެލްގެ ޓޮޕް އެޗީވާސް އެވޯޑް، އެ ސްކޫލްގެ 39 ދަރިވަރަކު ހޯދާފައިވާކަމަށާއި އަދި އޭ ލެވެލްގެ ޓޮޕް އެޗީވާސް އެވޯޑް ވެސް އެ ސްކޫލްގެ 31 ދަރިވަރަކު ހޯދާފައިވާކަމަށެވެ. މީގެ އިތުރުން ބިޒްނަސް އާއި އެކައުންޓިންގ އިން ދުނިޔޭގެ ފެންވަރުގެ މަތީ ވަނަތައް ތަކުރާރުކޮށް ހޯދަމުން އަންނަކަން ފާހަގަ ކުރައްވާ ސްކޫލްގެ ކާމިޔާބީތަކަށް އަލިއަޅުއްވާލެއްވިއެވެ.
ރައީސް ވިދާޅުވީ، އެއް ކެމްޕަހަކަށް ސްކޫލް ބަދަލުކުރަން ބޭނުންވާ ޖާގަ އެއްވެސް ކެމްޕަހެއްގައެއް ނެތް ކަމަށާއި އެކަމަށް އޮތް ހައްލަކީ، އައު ކެމްޕަސް ކައިރީ ހުރި ޒުވާނުންގެ މަރުކަޒުގެ ބިމުގައި ސްކޫލްގެ އައު އިމާރާތް ބިނާކޮށް ދެ އިމާރާތް ގުޅުވައިލުން ކަމަށެވެ. އަދި އެކަން ކޮށްދެއްވާނެކަން ފާހަގަ ކުރައްވަމުން އެމަނިކުފާނު ވިދާޅުވީ، އެކަން ކުރިއަށް ގެންދަވާނީ ސްކޫލުން އެދިފައިވާ ގޮތަށް ކަމަށެވެ. އަދި އޭރުން ސްކޫލްގެ ބައު ކެމްޕަސް ވެގެންދާނީ އެ ރަށުގެ ޒުވާނުންގެ މަރުކަޒަށް ކަމަށް ކަމަށާއި އެ ތަނުގައި އިންޑޯ ކުޅިވަރުތަކާއި އެކަށީގެންވާ ވަސީލަތްތައް ގާއިމު ކޮށްދެއްވާނެ ކަމަށެވެ.
މި ޖަލްސާގައި މޭނާ ސްކޫލަށް 20 އަހަރަށްވުރެ ގިނަ ދުވަހު ޚިދުމަތްކުރެއްވި ފަރާތްތަކަށް ޚާއްސަ ސަރވިސް އެވޯޑެއް ވަނީ ދީފައެވެ. މި ފަރާތްތަކަށް އެވޯޑް ހަވާލުކޮށްދެއްވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙެވެ. މި ސަރވިސް އެވޯޑް 19 ބޭފުޅަކަށް އަރުވާފައިވެއެވެ. އަދި މޭނާ ސްކޫލަށް 75 އަހަރު ފުރުން ފާހަގަކުރުމުގެގޮތުން "އަލިމަސް" މި ނަމުގައި ތައްޔާރުކޮށްފައިވާ ޚާއްސަ ފޮތް އެޑިއުކޭޝަން މިނިސްޓަރ ޑރ. ޢާއިޝަތު ޢަލީ ވަނީ ނެރެދެއްވާފައެވެ.
މޭނާ ސްކޫލަކީ އަތޮޅުތެރޭގައި މިވަގުތު ހުރި ދެވަނައަށް އެންމެ ދުވަސްވީ ސްކޫލެވެ. މޭނާ ސްކޫލު ވުޖޫދައް އައިސްފައިވަނީ 2 ޖޫން 1947 ގައެވެ.
އެގޮތުން ނ. އަތޮޅުގައި މަތީ ސާނަވީ މަރުހަލާގައި މެދުކެނޑުމެއްނެތި 2 ސްޓްރީމަށް މިހާރު ކިޔަވައިދޭ ހަމައެކަނި ސްކޫލަކީވެސް މޭނާ ސްކޫލުކަން ރައީސް ފާހަގަކުރެއްވިއެވެ. އެމަނިކުފާނު ވިދާޅުވީ، އޯލެވެލްގެ ޓޮޕް އެޗީވާސް އެވޯޑް، އެ ސްކޫލްގެ 39 ދަރިވަރަކު ހޯދާފައިވާކަމަށާއި އަދި އޭ ލެވެލްގެ ޓޮޕް އެޗީވާސް އެވޯޑް ވެސް އެ ސްކޫލްގެ 31 ދަރިވަރަކު ހޯދާފައިވާކަމަށެވެ. މީގެ އިތުރުން ބިޒްނަސް އާއި އެކައުންޓިންގ އިން ދުނިޔޭގެ ފެންވަރުގެ މަތީ ވަނަތައް ތަކުރާރުކޮށް ހޯދަމުން އަންނަކަން ފާހަގަ ކުރައްވާ ސްކޫލްގެ ކާމިޔާބީތަކަށް އަލިއަޅުއްވާލެއްވިއެވެ.
ރައީސް ވިދާޅުވީ، އެއް ކެމްޕަހަކަށް ސްކޫލް ބަދަލުކުރަން ބޭނުންވާ ޖާގަ އެއްވެސް ކެމްޕަހެއްގައެއް ނެތް ކަމަށާއި އެކަމަށް އޮތް ހައްލަކީ، އައު ކެމްޕަސް ކައިރީ ހުރި ޒުވާނުންގެ މަރުކަޒުގެ ބިމުގައި ސްކޫލްގެ އައު އިމާރާތް ބިނާކޮށް ދެ އިމާރާތް ގުޅުވައިލުން ކަމަށެވެ. އަދި އެކަން ކޮށްދެއްވާނެކަން ފާހަގަ ކުރައްވަމުން އެމަނިކުފާނު ވިދާޅުވީ، އެކަން ކުރިއަށް ގެންދަވާނީ ސްކޫލުން އެދިފައިވާ ގޮތަށް ކަމަށެވެ. އަދި އޭރުން ސްކޫލްގެ ބައު ކެމްޕަސް ވެގެންދާނީ އެ ރަށުގެ ޒުވާނުންގެ މަރުކަޒަށް ކަމަށް ކަމަށާއި އެ ތަނުގައި އިންޑޯ ކުޅިވަރުތަކާއި އެކަށީގެންވާ ވަސީލަތްތައް ގާއިމު ކޮށްދެއްވާނެ ކަމަށެވެ.
މޭނާ ސްކޫލަކީ އަތޮޅުތެރޭގައި މިވަގުތު ހުރި ދެވަނައަށް އެންމެ ދުވަސްވީ ސްކޫލެވެ. މޭނާ ސްކޫލު ވުޖޫދައް އައިސްފައިވަނީ 2 ޖޫން 1947 ގައެވެ.
ކިޔުންތެރިންގެ ހިޔާލު