ޔޫތު މިނިސްޓަރ އަހުމަދު މަހްލޫފްގެ އިސްނަގައިގެން ބާއްވަން މަސައްކަތްކުރި ޔޯގާ ހަރަކާތަށް ހުރަސް އެޅި މައްސަލަ ބަލައި، އެކަމުގައި ޒިންމާވާ މީހުން ގާނޫނުގެ ކުރިމައްޗަށް ގެންނާނެކަމަށް ރައީސުލްޖުމްހުރިއްޔާ އިބްރާހީމް މުހައްމަދު ޞާލިހު މިއަދު ވިދާޅުވެއްޖެއެވެ.
ބައެއް ދީނީ އިލްމުވެެރިން ދެކޮޅު ހަދަމުން ދަނިކޮށް ޔޯގާ ހަރަކާތް ޔޫތު މިނިސްްޓްރީން ބޭއްވީ ރަސްމީ ބޯޅަދަނޑުގައެވެ. ނަމަވެސް ގިނަ އަދަދެއްގެ ދިވެހި ރައްޔިތުން ވަނީ އެ ހަރަކާތް ކުރިއަށްގެންދިއުމަށް ހުރަސް އަޅައި، ހުއްޓުވާފައެވެ. އަދި އެކަމުގެ ތެރޭގައި ހަމަނުޖެހުން ހިންގާފައިވާކަމަށް މައުލޫމާތު ލިބެއެވެ.
ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު މިކަމާއި ގުޅޭގޮތުން ކުރެއްވި ޓްވީޓެއްގައި ވިދާޅުވީ މިއަދު ހެނދުނު ގަލޮޅު ބޯޅަދަނޑު ސަރަހައްދުގައި ހިނގި ހާދިސާ ފުލުހުން މިހާރު ތަހުގީގްކުރަމުންދާކަމަށެވެ. އަދި މިކަން ތަހުގީގްކުރަމުންދާނީ ވަރަށް ސީރިއަަސް މައްސަލައެއްގެ ގޮތުގައިކަމަށާއި، މިކަމުގައި ޒިންމާވާ މީހުން ގާނޫނުގެ ކުރިމައްޗަށް ގެންނާނެކަމަށް ރައީސް ވިދާޅުވިއެވެ.
ފުލުހުން މިހާރު ވަނީ މާލޭގައި ބާއްވަން މަސައްކަތްކުރި ޔޯގާ ބޮޑު ޖަމާއަތަށް ހުރަސް އެޅި 6 މީހަކު ހައްޔަރުކޮށްފައެވެ. ފުލުހުން ބުނީ ގަލޮޅު ދަނޑު ކައިރީގައި ކުރިއަށްދިޔަ މުޒާހަރާގެ ތެރެއިން 6 ފިރިހެނަކު ހައްޔަރުކޮށްފައިވާކަމަށެވެ. އަދި މިމައްސަލަ ސީރިއަސް މައްސަލައެއްގެ ގޮތުގައި ބަލަމުންދާކަމަށް ފުލުހުން ބުނެފައިވެއެވެ.
ބޯޅަދަނޑުގައި މިހަރަކާތް ކުރިއަށް ދަނިކޮށް ބަޔަކު ވަނީ އެތަނަށް ވަދެ، އެތަނުގައި ތިބި މީހުން ފައްސާލާފައެވެ. އަދި އެމީހުން އެތަނަށް ވަދެގެންދިޔައިރު، ފުލުހުންވެސް އެސަރަހައްދުގައި ތިބިކަން ފާހަގަކޮށްލެވެއެވެ.
އިސްލާމީ ޝަރީއާގައި ހުއްދަނޫން ކަމެއްކަމަށް ބުނެ ޔޯގާ އިވެންޓާއި ދެކޮޅަށް ރާއްޖޭގެ ގިނަ އިލްމުވެރިން ވަނީ ފަތުވާވެސް ނެރެފައެވެ. އޭގެ ތެރޭގައި ސަރުކާރަށް ތާއީދުކުރާ އިލްމުވެރިންވެސް ހިމެނެއެވެ. ޔޯގާގެ ހުކުމާއި މެދު ދީނީ އިލްމުވެރިންގެ ތެރޭގައި ހިލާފުތަކެއް އުޅެއެވެ. އެއް ބަޔަކު އެއީ ހުއްދަކަމެއްކަމަށް ބުނާއިރު، އަނެއްބައި އިލްމުވެރިން ބުނަނީ އެއީ ހަރާމް ކަމެއްކަމަށެވެ.
ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު މިކަމާއި ގުޅޭގޮތުން ކުރެއްވި ޓްވީޓެއްގައި ވިދާޅުވީ މިއަދު ހެނދުނު ގަލޮޅު ބޯޅަދަނޑު ސަރަހައްދުގައި ހިނގި ހާދިސާ ފުލުހުން މިހާރު ތަހުގީގްކުރަމުންދާކަމަށެވެ. އަދި މިކަން ތަހުގީގްކުރަމުންދާނީ ވަރަށް ސީރިއަަސް މައްސަލައެއްގެ ގޮތުގައިކަމަށާއި، މިކަމުގައި ޒިންމާވާ މީހުން ގާނޫނުގެ ކުރިމައްޗަށް ގެންނާނެކަމަށް ރައީސް ވިދާޅުވިއެވެ.
An investigation has been launched by @PoliceMv into the incident that happened this morning at Galolhu stadium.
— Ibrahim Mohamed Solih (@ibusolih) June 21, 2022
This is being treated as a matter of serious concern and those responsible will be swiftly brought before the law.
ފުލުހުން މިހާރު ވަނީ މާލޭގައި ބާއްވަން މަސައްކަތްކުރި ޔޯގާ ބޮޑު ޖަމާއަތަށް ހުރަސް އެޅި 6 މީހަކު ހައްޔަރުކޮށްފައެވެ. ފުލުހުން ބުނީ ގަލޮޅު ދަނޑު ކައިރީގައި ކުރިއަށްދިޔަ މުޒާހަރާގެ ތެރެއިން 6 ފިރިހެނަކު ހައްޔަރުކޮށްފައިވާކަމަށެވެ. އަދި މިމައްސަލަ ސީރިއަސް މައްސަލައެއްގެ ގޮތުގައި ބަލަމުންދާކަމަށް ފުލުހުން ބުނެފައިވެއެވެ.
އިސްލާމީ ޝަރީއާގައި ހުއްދަނޫން ކަމެއްކަމަށް ބުނެ ޔޯގާ އިވެންޓާއި ދެކޮޅަށް ރާއްޖޭގެ ގިނަ އިލްމުވެރިން ވަނީ ފަތުވާވެސް ނެރެފައެވެ. އޭގެ ތެރޭގައި ސަރުކާރަށް ތާއީދުކުރާ އިލްމުވެރިންވެސް ހިމެނެއެވެ. ޔޯގާގެ ހުކުމާއި މެދު ދީނީ އިލްމުވެރިންގެ ތެރޭގައި ހިލާފުތަކެއް އުޅެއެވެ. އެއް ބަޔަކު އެއީ ހުއްދަކަމެއްކަމަށް ބުނާއިރު، އަނެއްބައި އިލްމުވެރިން ބުނަނީ އެއީ ހަރާމް ކަމެއްކަމަށެވެ.
ކިޔުންތެރިންގެ ހިޔާލު