މާދަމާ ހެނދުނު މާލޭގެ އެކި ސަރަހައްދުތަކުން ކަރަންޓް ކެނޑޭނެކަމަށް ސްޓެލްކޯއިން ބުނެފިއެވެ.

އެ ކުންފުނިން މިއަދު ބުނީ، އެ ކުންފުނިން ރައްޔިތުންނަށް ދެމުން ގެންދާ ހިދުމަތް އިތުރަށް ފުރިހަމަ ކުރުމުގެ ގޮތުން ގުރޭޓާމާލެ އިންޓަކަނެކްޝަން ގްރިޑްގައި ކޮންމެހެންވެސް ކުރަންޖެހޭ މަސައްކަތެއް 2022 ޖޫން 24 ވާ ހުކުރު ދުވަހު ހެނދުނު 6:30 އިން 7:30 އާއި ދެމެދު ކުރުމަށް ހަމަޖެހިފައިވާ ކަމަށެވެ.

އެގޮތުން އެ މަސައްކަތް ކުރިޔަށް ދާއިރު މާލޭގެ 5 ސަރަހައްދަކުން 10 މިނެޓެއްހާއިރަށް ކަރަންޓް ކެނޑޭނެ ކަމަށް އެ ކުންފުނިން މައުލޫމާތު ދެއެވެ.

ކަރަންޓް ކެނޑޭ ސަރަހައްދުތައް:-

- ހެންވޭރު ދަނޑު ހިމެނޭ ސަރަހައްދު

- ނަސަންދުރަ ހިމެނޭ ސަރަހައްދާއި، ކާނިވާ ސަރަހައްދު

- ގާކޮށި ފުލެޓާއި، އަރަބިއްޔާ ފުލެޓު ހިމެނޭ ސަރަހައްދު

- ގަޑިބުރު ސަރަހައްދާއި، މަޖީދީމަގު ފިނިޕާކު ހިމެނޭ ސަރަހައްދު

- މާފަންނު މަދަރުސާއާއި ދުނބުރި މިސްކިތް ހުންނަ ސަރަހައްދު