އދ. ފެންފުއްޓަށް މިއަދު އުދަ އެރިއިރު، އެތަން ފޮޓޯ ނެގުމަށް އުޅެނިކޮށް ރާޅަކާ ވައްޓާލުމާއެކު ނިޔާވެފައިވާ ޒުވާނާގެ އާއިލާއަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ތައުޒިޔާ ވިދާޅުވެއްޖެއެވެ.
އެމަނިކުފާނު އެ ޒުވާނާގެ އާއިލާއަށް ތައުޒިޔާ ވިދާޅުވީ މިރޭ ފެންފުށީ ކައުންސިލަށް ގުޅުއްވާފައެވެ. ރައީސް ވަނީ ޒުވާނުންތަކެއް ގެނބި ހިނގައިދިޔަ ހާދިސާއާ ގުޅިގެން ފެންފުށީ ކައުންސިލްގެ ރައީސަށް ފޯނުން ގުޅުއްވައި ރަށުގެ ހާލަތު އޮޅުންފިލުއްވާފައެވެ.
މި ފޯން ކޯލުގައި ފެންފުށީ ކައުންސިލްގެ ރައީސް ވަނީ، ހާދިސާގެ މައުލޫމާތު ރައީސުލްޖުމްހޫރިއްޔާއަށް ހިއްސާކުރައްވައި އުދައެރުމުގެ ސަބަބުން ރަށަށް ލިބުނު ގެއްލުންތަކާއި ގުޅޭ މައުލޫމާތުވެސް ހިއްސާކުރައްވާފައެވެ.
މިއަދު ހިނގި އެ ހާދިސާގައި 2 ޒުވާނަކު މޫދަށް ވެއްޓި ގެއްލުނެވެ. އޭގެ ތެރެއިން އެކަކު މާގިނަ އިރުތަކެއް ނުވެ ފެނުނު ނަމަވެސް ނިޔާވި ޒުވާނާ ފެނުނީ މޫދު ހޯދަމުން ދަނިކޮށް އިރުގަނޑެއްފަހުންނެވެ. އޭނާ އދ. އަތޮޅު ހޮސްޕިޓަލަށް ގެންދިޔަ އިރުވެސް ނިޔާވެފައިވާކަމަށް އެ ހޮސްޕިޓަލުން ވަނީ ބުނެފައެވެ.
މިއަދު ހިނގި އެ ހާދިސާގައި 2 ޒުވާނަކު މޫދަށް ވެއްޓި ގެއްލުނެވެ. އޭގެ ތެރެއިން އެކަކު މާގިނަ އިރުތަކެއް ނުވެ ފެނުނު ނަމަވެސް ނިޔާވި ޒުވާނާ ފެނުނީ މޫދު ހޯދަމުން ދަނިކޮށް އިރުގަނޑެއްފަހުންނެވެ. އޭނާ އދ. އަތޮޅު ހޮސްޕިޓަލަށް ގެންދިޔަ އިރުވެސް ނިޔާވެފައިވާކަމަށް އެ ހޮސްޕިޓަލުން ވަނީ ބުނެފައެވެ.
ކިޔުންތެރިންގެ ހިޔާލު