ދިރުވާލައިގެން ރާއްޖެއަށް މަސްތުވާތަކެތި އެތެރެކުރި ދެ ބިދޭސީއެއްގެ ބަނޑުގައި ހުރި ހުރިހާ ބްލެޓްތަކެއް ނެރުމަށްފަހު އެ މީހުންގެ ބަންދަށް ހަތް ދުވަސް ކްރިމިނަލް ކޯޓުން ޖަހައިފިއެވެ.



ނޮދަރން އަޔަލޭންޑްގެ ދެ މީހަކު މަސްތުވާތަކެތި ދިރުވާލައިގެން ރާއްޖެއަށް އެތެރެކުރި މައްސަލައަކާ ގުޅިގެން އެ މީހުންގެ ބަނޑުގައި ހުރި 240 ބުލެޓު ނެގެންދެން ބަންދުގައި ބޭތިއްބުމަށް ކްރިމިނަލް ކޯޓުން އަމުރުކޮށްފައިވަނީ އެމީހުންގެ ޣައިރު ޙާޟިރުގައެވެ. އެމީހުންގެ ބަނޑުގައި ހުރި ބްލެޓްތައް ބޭރުކޮށްފައިވަނީ އައިޖީއެމްއެޗްގައި އެޑްމިޓްކޮށް ބައިތިއްބައިގެނެވެ.

ކެލްވިން މައިކަލް މެރޫ (41އ) އާއި އަލަން ވަލްޓަރ ކްރޮވް (41އ) ކުރެ ކޮންމެ މީހެއްގެ ބަނޑުގައި 120 ބްލެޓް އޮތްކަމަށް ކޯޓުގައި ފުލުހުންވަނީ ބުނެފައެވެ. މީގެ ކުރިން އެމީހުންގެ ބަންދަށް ފަސް ދުވަސް ދިނީ އެ ތަކެތި ބޭރުކޮށް ނިމި ހޮސްޕިޓަލުން ދޫކޮށްލުމުން އެ މީހުން ކޯޓަށް ހާޒިރުކުރުމަށް ފުލުހުންނަށް އަމުރުކުރުމަށްފަހުއެވެ.

އެ ގޮތުން އެ މީހުންގެ ބަންދާމެދު ގޮތެއް ނިންމަން އިއްޔެ ކްރިމިނަލް ކޯޓަށް ހާޒިރުކުރުމުން އެމީހުންގެ ބަންދަށް ވަނީ ހަތް ދުވަސް ޖަހާފައެވެ.