މޫސުން ގޯސްވެ، ތިމަރަފުށީ އެއާޕޯޓުގެ ރަންވޭއަށް ވަރަށް ބޮޑަށް އުދަ އަރައިފިއެވެ.

އުދަ އަރަމުން ދިއުމާ ގުޅިގެން ފްލައިޓް އޮޕަރޭޝަންތައް ވަގުތީ ގޮތުން މެދުކަނޑާލާފައިވާ ކަމަށް ތިމަރަފުށީ އެއަރޕޯޓުން މަޢުލޫމާތު ދީފައިވެއެވެ. ތިމަރަފުއްޓަށް ރެއިން ފެށިގެން ވަރަށް ބޮޑަށް އުދަ އަރައި މަގުތަކުގައިވެސް ވަނީ ފެންބޮޑުވެފައެވެ.

އެމްއެންޑީއެފުން ބުނީ ތިމަރަފުއްޓަށް އުދައަރައި ރަށުގެ މަގުތަކުގައި ފެންބޮޑުވުމާ ގުޅިގެން އެމްއެންޑީއެފް ސެންޓްރަލް އޭރިއާ ކޮމާންޑުގެ ސިފައިން މިހާރު ހަރަކާތްތެރިވަމުން އަންނަ ކަމަށެވެ. އެގޮތުން ފެންގަނޑު ހިންދުމުގެ މަސައްކަތް ކުރަމުންގެންދާކަމަށް އެމްއެންޑީއެފުން ވަނީ ބުނެފައެވެ.

ރާއްޖެއަށް މިހާރު ކުރަމުންދާ ވިއްސާރައިގައި އާދަޔާޚިޔާލަށް ރަށްރަށަށް އުދައިގެ އަސަރު ދަނީ ކުރަމުންނެވެ. އަދި އުދަ އެރުމުގެ ސަބަބުން ބައެއް ރަށްރަށުގެ ގެތަކަށް ލޮނު ވަދެ ބޮޑެތި ގެއްލުންތަކެއް ވަނީ ލިބިފައެވެ.

މިކަމާއި ގުޅިގެން ސަރުކާރުގެ ކަމާބެހޭ އިދާރާތަކުން ދަނީ ގެއްލުން ލިބުނު ފަރާތްތަކަށް އެހީތެރިކަން ފޯރުކޮށްދެމުންނެވެ.